লেবীয় 25:18 - Chakma Bible

¹⁸ তুমি মর্‌ সুদোমানি পালেবা আর মর্‌ রীদি-সুদোমানি মানি চলিবা; সেক্কে তুমি দেজত্‌ নিচিদেগুরি বজত্তি গুরি পারিবা।

লেবীয় 25:18 ပူးပေါင်းရင်းမြစ်များ

১ রাজাবলী 5:5

সেনত্তে মুই মঅ গোজেন লগেপ্রভুর নাঙে এক্কান তবনা-ঘর বানেবাত্তে চাং। লগেপ্রভু মঅ বাপ্পো দায়ূদোরে কোইয়্যেদে, তর্‌ যে পূঅবো মুই সিংহাসনত্‌ তঅ জাগানত্‌ বোজেম্‌ তেয়ই মর্‌ নাঙে তবনা-ঘর বানেব।

গীতসংহিতা 4:8

ও লগেপ্রভু, তুয়ই মরে দর্‌বুগ্ নেইয়্যে গুরি রাগেয়োচ্, সেনত্তে মুই বিচ্ছোনত্ পড়িনে গমেডালে ঘুম্ যেম্।

গম্ উপদেজ্ 1:33

মাত্তর্ যিগুনে মঅ কধাগান শুনোন্ তারা গমেডালে বজত্তি গুরিবাক্; তারা সুগে-শান্দিয়্যে থেবাক্, অমংগলরে ন-দোরেবাক্।”

যিরমিয় 23:6

তা সময়োত্ যিহূদা রোক্ষ্যে পেবঅ আর ইস্রায়েলে গমেডালে বজত্তি গুরি পারিবো। তারে লগেপ্রভু আমার উদ্ধোর্ গুরিয়্যে বিলিনে ডাকা অবঅ।

যিরমিয় 25:5

তারা লগেপ্রভুর এ কধাগান কোইয়োন, তুমি পত্তিজনে ইক্কিনে তমা ভান্ন্যেই পধত্তুন আর ভান্ন্যেই কামানিত্তুন্ ফিরো, সেক্কে যে দেজ্‌চান মুই তমার্ ‌আর তমা পুরোণিমানুচ্চোরে দুয়োং সেই দেজত্ তুমি জিংকানিবর্ থেই পারিবে।

যিরমিয় 33:16

সে অক্তত্ যিহূদার মানুচ্চুনে উদ্ধোর্ পেবাক্ আর যিরূশালেমর মানুচ্চুনে গমেডালে বজত্তি গুরিবাক্। তারে এ নাঙে ডাগা অবঅ-লগেপ্রভু আমার্ নিদ্দুষিতা।

যিহিষ্কেল 33:29

তারার্ বেক জঘন্য কামানির কারনে মুই যেক্কে দেজ্‌‌‌চান মানুচ্ নেইয়্যে পড়ি থেইয়্যে জাগা বানেম সেক্কে তারা হবর্ পেবাক্ যে, মুয়ই লগেপ্রভু।

লেবীয় 19:19

মর্‌ সুদোমান মানি চলা পুরিবো। নানান্ জাদর্‌ য়েমান সমারে কিয়্যেদি মিজেনা ন-চলিবো। একই ক্ষেদত্‌ দ্বিবাবোত্যে বীজ লাগানা ন-চলিবো। দ্বিজাদর্‌ সুদোলোই বুন্যে কাবড় উরোনা ন-চলিবো।

লেবীয় 19:37

মর্‌ বেক্‌ সুদোমানি তমাত্তুন্‌ পালন গরা পুরিবো আর বেক্‌ রীদি-সুদোমানি মানি চলা পুরিবো। মুই লগেপ্রভু।”

লেবীয় 25:19

সেক্কে তুমি ভূইয়োত্তুন্‌ পুরো ফসলানি পেবা আর পেট ভুরি হেইনে নিচিদেগুরি সিয়েনত্‌ বজত্তি গুরি পারিবা।

দ্বি’লম্বর বিররণ 12:10

তমার গোজেন লগেপ্রভু সোম্বোত্তি ইজেবে যে দেজ্‌ছান তমারে দের্‌ তুমি যর্দন গাঙান্‌ পার্‌ ওই যেইনে যেক্কে সে দেজত্‌ বজত্তি গরা ধুরিবা সেক্কে তে তমার চেরোকিত্তে শত্রুগুনো সমারে যুদ্ধোত্তুন্‌ তমারে জিরেবাত্তে দিবো, আর তুমি দোলেডালে সিদু বজত্তি গুরি পারিবা।

দ্বি’লম্বর বিররণ 33:12

বিন্যামীন পৌইদ্যেনে তে কোইয়্যেদে, “লগেপ্রভু যিবেরে কোচ্‌পায় তে গমেডালে তা ইদু থেবঅ; তে আমিঝে তারে আন্দলত্‌ রাগায়; তা পিঠ্‌তান উগুরে তার জাগায়ান।”

দ্বি’লম্বর বিররণ 33:28

ইস্রায়েলে সিয়েনত্যেই গমেডালে থেবঅ। যাকোবর থান্‌জাঙান্‌ থেবঅ দজাগানর্-দুযির্‌ বারেন্দি; সিয়েনত্‌ থেবঅ ভালোক্কুন্‌ শোজ্য আর নুয়ো আংগুরো-রস, তা উগুরে আগাজর শিরোপানি ঝুরি পুরিবো।