লেবীয় 25:17 - Chakma Bible

¹⁷ তুমি কনজনে কারঅ‌ উগুরে অন্যেয় ন-গোজ্য। তুমি বেক্কুনে তমার গোজেনরে দোরেইনে চলিবা, কিত্যেই মুই লগেপ্রভু তমার গোজেন।

লেবীয় 25:17 ပူးပေါင်းရင်းမြစ်များ

পত্থম 20:11

জোবত্‌ অব্রাহামে কলঅ, “মুই ভাবি চেয়োং, এ জাগানর্‌ মানুচ্চুনোর গোজেন-দর্‌ বিলিনে কনঅ কিচ্ছু নেই। সেনত্তে মঅ মোক্কোরে পেবাত্তে তারা অয়্‌ত মরে মারে ফেলেবাক্।

পত্থম 22:12

দূত্তো কলঅ, “পুয়োবোরে মারে ফেলেবাত্তে আত্‌ ন-তুলিচ্‌ বা তা উগুরে আর কিচ্ছু ন-গুরিচ্‌। তুই যে ‌গোজেন ভক্ত সিয়েন্‌ ইক্কিনে বুঝো গেলঅ, কিত্তে মঅ নাঙে তুই তঅ পুয়োবোরে, বানা এক্কো পুয়োরে উৎসর্ব গর্‌তে পিজেন্দি ন-আলাচ্‌।”

পত্থম 39:9

এ ঘরত্‌ মঅ উগুরে আর কনজন্‌ নেই। তুই তার্‌ মোক্‌, সেনত্তে বানা তরে বাদে আর বেক্কুনোরে তে মঅ তলেদি রাগেয়্যে। এ অবস্থাত্‌ মুই কিঙিরিনে এদক্‌ দাঙর্‌ এক্কান্‌ জঘন্য কাম্‌ গুরিনে গোজেন মুজুঙোত্ পাব্‌ গুরি পারং?”

পত্থম 42:18

তিন দিনোত্‌ যোষেফে তারারে কলঅ, “মুই যিয়েন কঙর্ সিয়েন্‌ গরঅ আর পরানান্‌ রোক্ষ্যে গরঅ, কিত্তে মুই গোজেনরে দরাং।

২ বংশধর 19:7

লগেপ্রভু উগুরে দরর্‌ ভাব্‌ তমা ইদু থোক্‌। উজিয়ারে বিচের্‌ গুরিবা, কিয়া অবিচের্‌, একচোখ্যে বিচের্‌ বা ঘুষ হেইয়্যেগুনোর্‌ লগে আমা গোজেন্‌ লগেপ্রভুর কনঅ মিজেমিজি নেই।”

নহিমিয় 5:15

মাত্তর্‌ মঅ আগেন্দি যিদুক্কুন্‌ শাজন্‌গুরিয়্যে এলাক্‌ তারা মানুচ্চুনোর্‌ উগুরে অমকদ গুয়োর্‌ বুদি চাপি দুয়োন্‌ আর হানা-দানা আর আংগুর-রস বাদেয়ো তারাত্তুন্‌ পাচশঅ কুড়ি গ্রাম রূবো নিদাক্‌। তারার্‌ চাগর্‌-বাগরুনেয়ো মানুচ্চুনোর্‌ উগুরে চেলা চোদেদাক্‌। মাত্তর্‌ গোজেনর উগুরে ভোক্তিপূর্ণ দর্‌ থানাই মুই সেধোক্কেন্‌ কাম্‌ ন-গরঙ্‌,

নহিমিয় 5:9

মুই আরঅ্‌ কলুঙ্‌, “তুমি যিয়েনি গোজ্য সিয়েনি ঠিগ্‌ নয়। অযিহূদী শত্রুগুনে যেনে আমারে ঘিনেই ন-পারন্‌ সেনত্তেই আমাত্তুন্‌ গোজেনরে দোরেইনে চলানা কি আমার্‌ উজিত্‌ নয়?

গীতসংহিতা 19:9

লগেপ্রভু উগুরে যে ভোক্তিবলা দর্, সিয়েন্ সিজি আর জনমত্তে থিদেবর্ গোজ্যে। লগেপ্রভুর রীদি-সুদোমানি সত্য, সিয়েনত্ অন্যেয় কিজু নেই।

যাত্রা 20:20

সেক্কে মোশি মানুচ্চুনোরে কলঅ‌, “তুমি ন-দোরেয়ো। গোজেনে তমারে পোরোক্ষেত্‌ ফেলেয়্যে যেনে তমার মনত্‌ ভক্তির্‌ মনভাব থায়্‌ আর সিয়েনর্‌ কারনে তুমি পাপ ন-গরঅ‌। সেনত্তেই তে এচ্চ্যে।”

গম্ উপদেজ্ 1:7

লগেপ্রভুরে ভোক্তি গুরিনে দরানা অলঅ জ্ঞানর গড়াগান্, মাত্তর্ যিগুনোর চিদে চজ্জা বাজে ধরনর তারা গম বুদ্ধি আর শিক্ষ্যেনি ঈচ্ গরন।

গম্ উপদেজ্ 14:31

যিবে নাঢা মান্‌‌‌জ্য উগুরে অত্যেচার গরে তে তার সিরিষ্টি গুরিয়্যেবোরে অগমান গরে, মাত্তর্ যে মানুচ্চো অভাবীগুনোরে দোয়্যে গরে তে তার সিরিষ্টি গুরিয়্যেবোরে সর্মান গরে।

গম্ উপদেজ্ 16:6

বিশ্বেজ্ আর সততালোই অন্যেয়ানি দূর্ গরা যায়; লগেপ্রভু উগুরে ভোক্তিবলা দরে মান্‌‌জ্যে ভান্ন্যেয়ত্তুন্ সুরি যান।

গম্ উপদেজ্ 22:22

এক্কো মানুচ্ অসহায় বিলিনে জোর্ গুরি তা জিনিসছানি ন-নেযেয়ো, আর বিচের-জাগাত্ অভাবীর সর্বনাশ ন-গোজ্য;

যিশাইয় 3:14

লগেপ্রভু তা মানুচ্চুনো ভিদিরে বুড়ো মানুচ্চুনোরে আর নেতাগুনো বিরুদ্ধে বিচের গুরিনে কোইয়্যেদে, “তুমি মঅ আংগুর খেদ্‌তান বর্‌বাত্ গোজ্য; নাঢা মানুচ্চুনোর পযাপিরানি লুদেইনে নিজো ঘরত্ রাগেয়ো।

যিরমিয় 22:16

তে দুঘী আর অভাবীগুনোর তপ্পে নেযেদ বিলি বেক্কানি গমে চলিদো। লগেপ্রভুরে হবর্ পানা মানে এ কামানি গরানা।

লেবীয় 19:13

কনঅ মান্‌জ্য উগুরে অন্যেয় গুরি সুবিধা আদায়্‌ গরানা বা জোর্‌ গুরি তার জিনিস্‌চান্‌ নেযানা ন-চলিবো। কামগুরিয়েগুনোর দিনোর্‌ পাওনা দিনেই দিয়া পুরিবো; সিগুন্‌ বেন্যেমাদান্ সং আক্‌সো রাগানা ন-চলিবো।

লেবীয় 19:14

যে কানদি ন-শুনে তারে অভিশাব ন-দিবা বা যে চোগেদি ন-দেগে তার্‌ পদ্থানদি উজোত্‌ খাইদে ধোক্ক্যেন কনঅ জিনিস্ ন-থবা। তুমি তমার গোজেনরে ভোক্তিগুরি দোরেইনে চলিবা। মুই লগেপ্রভু।

লেবীয় 19:32

যিগুনে বুড়ো তারা কায়কুরে এলে উদিনে থিয়্যেবা আর তারারে সর্মান গরা পুরিবো। তুমি তমার গোজেনরে ভোক্তি গুরিনে দোরেবা। মুই লগেপ্রভু।

লেবীয় 25:14

তুমি নিজো ভিদিরে ভূই বেজা-কিনে গুরিবার সময়োত্‌ কারঅ‌ উগুরে অন্যেয় ন-গোজ্য।

লেবীয় 25:36

তুমি তাত্তুন্‌ কনঅ বাবদে সুদ নেযেই ন-পারিবা, বরং মানুচ্চো যেনে তমা ইধু বজত্তি গুরি পারে সেনত্তেই তমার গোজেনরে তুমি দোরেনেই চলিবা।

লেবীয় 25:43

তুমি কনজনে কারঅ‌ উগুরে চিৎনপুজ্যে বেবহার্‌ ন-গোজ্য; তুমি তমার গোজেনরে দোরেনেই চলিবা।

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

লূকে লেখ্যে গম্ হবর্ 12:5

কারে দোরেবা মুই তমারে সিয়েন্ কোই দোঙর্। তমারে মারে ফেলেবার্ পরেদি নরগত্ ফেলে দিবার্ খেমতা যার্ আঘে তারেই দোরেয়ো। অয়, মুই তমারে কঙর্, তারেই দোরেয়ো।

প্রেরিত্‌ 10:2

যিহূদী ন-অলেয়ো তে গোজেনভক্ত এলঅ আহ্ তে আর তা পরিবারর্ বেক্কুনে গোজেনর্ উবোসনা গুরিদাক্। তে নাঢাগুনোরে বোউত্ টেঙা-পৌইজ্যে দান গুরিদো আর গোজেন ইধু পেরায় তবনা গুরিদো।

প্রেরিত্‌ 10:35

পত্তি জাদত্তুন্ যিগুনে তারে ভোক্তি গরন্ আর চোগেদি যিয়েনি থিক্ সিয়েনি গরন্ তে তারারে মানি লয়।

প্রেরিত্‌ 9:31

সেক্কে যিহূদিয়া, গালীল আর শমরিয়া রেজ্যর্ মন্ডলীগুনোত্ শান্তি এলঅ, আর সেই মন্ডলীগুন উঠ্যন্। সেনত্তে প্রভু উগুরে ভোক্তি আর পবিত্র আত্মার্ উচ্চোমিলোই তারা জনেদি বাড়দন্।

রোমীয় 11:20

ভারী গম্। মাত্তর্ তারারে ভাঙি ফেলা ওইয়্যে তারার্ অবিশ্বেজর্ কারনে আর তুই সিয়েনত্ উদ্ধোর্ ওই আঘচ্ তর্ বিশ্বেজত্তে। ইয়েনত্ বার্‌বো ন-গুরিচ্ বরং ভোক্তি গুরিনে দোরেচ্,

রোমীয় 3:18

তারা গোজেনরেয়ো ন-দরান্।

দ্বি’লম্বর বিররণ 25:18

তমার বল্‌পোজ্যে অবস্থায় যিগুনে পিজেন্দি পোজ্যন্‌ তারা সিগুনো উগুরে আক্রমণ চালেয়োন। তারা গোজেনরে ন-দরান্‌।

১ থিষলনীকীয় 4:6

এ পৌইদ্যেনে অন্যেয় গুরিনে কেঅ যেন কনঅ ভেইয়োরে ন-থগান্। আমি আগে তমারে কোইয়্যেই আর উজিয়ার্ গুরি দিয়্যেই, এ বেক্‌ অন্যেয়ানিত্যে প্রভুই সাজা দিবো,

১ শমূয়েল 12:24

তুমি বানা লগেপ্রভুরে ভোক্তি গুরিনে দোরেবা আর তমার বেক্‌ মনানি দিইনে বিশ্বেজ্ গুরিনে তার সেবা গুরিবা। চিন্তে গুরি চঅ, তে তমাত্তে কদক্কানি দাঙর্‌ দাঙর্‌ কাম্‌ গোজ্যে।