লেবীয় 25:14 - Chakma Bible

¹⁴ তুমি নিজো ভিদিরে ভূই বেজা-কিনে গুরিবার সময়োত্‌ কারঅ‌ উগুরে অন্যেয় ন-গোজ্য।

লেবীয় 25:14 ပူးပေါင်းရင်းမြစ်များ

২ বংশধর 16:10

এ কধাগান শুনিনে আসা সে দর্শক উগুরে অমকদ রাগ্‌ গুরিনে তারে জেল্‌খানাত্‌ পাধেই দিলো। একই সময়োত্‌ আসা কয়েক্কো মান্‌জ্য উগুরে অত্যেচার্‌ গুরিলো।

গীতসংহিতা 10:18

তুয়ই সিয়েন্ গোজ্যস্, যেনে মা-বাপ্ নেইয়্যে আর অত্যেচার ওইয়্যে মানুচ্চুনোর্ পক্ষে তুই থিয়্যেই পারচ্, যেনে এ দুনিয়ের্ মানুচ্চুনে তারারে আর্ দর্ দেগেই ন-পারন্।

গম্ উপদেজ্ 14:31

যিবে নাঢা মান্‌‌‌জ্য উগুরে অত্যেচার গরে তে তার সিরিষ্টি গুরিয়্যেবোরে অগমান গরে, মাত্তর্ যে মানুচ্চো অভাবীগুনোরে দোয়্যে গরে তে তার সিরিষ্টি গুরিয়্যেবোরে সর্মান গরে।

গম্ উপদেজ্ 21:13

যে মানুচ্চো নাঢা মানুচ্চুনোর কানানিলোই কানান্ ঢিবে দি রাগায়, তে যেক্কে নিজে কানিবো সেক্কেনে কনজনে সিয়েনি ন-শুনিবা।

গম্ উপদেজ্ 22:16

ধন পেবাত্তে যে মানুচ্চো নাঢা মান্‌জ্য উগুরে অত্যেচার গরে বা যে মানুচ্চো তাগোয়্যেগুনোরে দান গরে তারার দ্বিয়ো জনর্ অভাব অয়।

গম্ উপদেজ্ 28:16

যে শাজন্ গুরিয়্যেবোর বিচের বুদ্ধি নেই তে অমকদ অত্যেচার গরে; যে শাজন্ গুরিয়্যেবো লুভ গরানা ঘিনেই তে ভালোক্‌দিন বাঁজি থায়।

গম্ উপদেজ্ 28:3

যে নাঢা মানুচ্চুনোর নেতা নাঢা মানুচ্চুনো উগুরে অত্যেচার গরে তে এমন ঝড়র্ নালা ধোক্ক্যেন্ যিয়েনর পরেদি আর কনঅ খেত্‌‌খেত্তি ন-থায়।

গম্ উপদেজ্ 28:8

যে কনঅ বাবোত্যে সুদি টেঙালোই যে মানুচ্চো তার ধনান্ বাড়ায়, তে সিগুন এমন একজনত্তে তুবোই যে নাঢাগুনো উগুরে দোয়্যেলু।

উপদেশক 5:8

তঅ চাগালাত্ যুনি কনঅ নাঢা মান্‌জ্যরে অত্যেচার্ অদে দেগচ্ বা কনজনরে ন্যায়বিচের্ বা তার পেবার্ অধিকার ন-পাদে দেগচ্ মাত্তর্ ন-দোরেচ্, কিত্তে এক্কো কামগুরিয়্যে উগুরে দাঙর্ আর এক্কো কামগুরিয়্যে আঘে আর তারার্ দ্বিজন উগুরে আরঅ দাঙর্ দাঙর্ নেতা আগন্।

যিশাইয় 1:17

তুমি গম্ কাম গুরিবাত্তে শিগো, দোল্ বিচের গরঅ, অত্যেচার্ গুরিয়্যেগুনোরে ঠিগ্ গরঅ, মা-বাপ নেইয়্যেগুনোর্ তপ্পেদি থাগঅ, রানি মিলেগুনোর মগদ্দমাগানি উদো লঅ।”

যিশাইয় 33:15

তেয়ই বজত্তি গুরি পারে, যে মানুচ্চো গমেডালে আঢাউদো গরে আর যিয়েন ঠিগ্ সিয়েন কয়, যে মানুচ্চো জুলুম গুরিনে লাভ্ পানাগান ঘিনাই আর ঘুষ্ নেযানাত্তুন্ আঢ্‌তান সোরেই রাগায়, যে মানুচ্চো খুনোর্ কুজুরোমির্ কধা শুনোনাত্তুন্ কানানি নাঢি রাগায় আর বজং কাম গরদে দেগানাত্তুন্ চোগ্‌‌‌‌‌কুন নাঢি রাগায়। ‌‌

যিশাইয় 5:7

বেগত্তুন্ খেমতাবলা লগেপ্রভুর আংগুর খেদ্‌তান অলঅ ইস্রায়েল-বংশর মানুচ্চুন্; আর যিহূদার মানুচ্চুন্ অলাক্ তার হুজি অইদ্যে আংগুর-চারা। তে দোল্ বিচের্ তোগেল মাত্তর্ দেগিলোদে লো ঝড়ানা; তে গমান্ তোগেল মাত্তর্ শুনিলোদে দুঘোর্ কানানি।

যিশাইয় 58:6

আজলে মুই এবাবোত্যে উবোস্ থানাগান্ চাং: তুমি অবিচারর শিগোল্ আর জুঙোল দুড়িগান খুলি দুয়ো, অত্যেচারিত গুনোরে মুক্তি দুয়ো আর পত্তি জুঙোল্ ভাঙি ফেলঅ,

যিরমিয় 22:17

মাত্তর্ তর্ চোগ আর মনান্ আগেদে বানা ভান্ন্যোয়ানি পানা, নিদ্দুযি মানুচ্চুনোর লো ঝরানা আর অত্যেচার আর জুলুম গরানা উগুরে।”

যিহিষ্কেল 22:7

তঅ ভিদিরে মান্‌‌‌‌‌‌‌‌‌‌জ্যে মা-বাবরে ঈচ্ গত্তন্, বিদেশীগুনোরে অত্যেচার গত্তন্ আর মা-বাপ নেইয়্যে আহ্ রানিমিলেগুনো সমারে ভান্ন্যেই বেবহার গত্তন্।

লেবীয় 19:13

কনঅ মান্‌জ্য উগুরে অন্যেয় গুরি সুবিধা আদায়্‌ গরানা বা জোর্‌ গুরি তার জিনিস্‌চান্‌ নেযানা ন-চলিবো। কামগুরিয়েগুনোর দিনোর্‌ পাওনা দিনেই দিয়া পুরিবো; সিগুন্‌ বেন্যেমাদান্ সং আক্‌সো রাগানা ন-চলিবো।

লেবীয় 25:15

যে ভূইয়ানি কিনিবো তারে ফিরি পেইয়ে বজরবোর্‌ পর কয় বজর ওই যেইয়ে সিয়েন্‌ ইজেব গুরি সে ভূইয়ান্‌ কিনে পুরিবো আর যে সেই ভূইয়ান্‌ বিজিবো তারেয়ো ইজেব গুরি চাহ্ পুরিবো মুজুঙেদি ফিরি পেইয়ে বজরবো এবার আগে কয় বজর সং ভূইয়োত্তুন্‌ ফসল তুলো যেবঅ।

লেবীয় 25:17

তুমি কনজনে কারঅ‌ উগুরে অন্যেয় ন-গোজ্য। তুমি বেক্কুনে তমার গোজেনরে দোরেইনে চলিবা, কিত্যেই মুই লগেপ্রভু তমার গোজেন।

মীখা 7:3

অন্যেয় কাম্ গুরিবাত্তে তারার্ দ্বিয়েন আত্ কাবিল্। নেতাগুনে বক্‌শিজ্ দাবি গরন, বিচেরগ্‌কুনে ঘুষ হান, দাঙর্ মানুচ্চুনে যিয়েনি চান্ সিয়েনি জানেই দৈন্; তারা বেক্কুনে এক সমারে কুজুরোমী গরন্।

লূকে লেখ্যে গম্ হবর্ 3:14

কয়েক্কো সৈন্যয়ো তারে পুযোর্ গুরিলাক্, “আর আমি কি গুরিবোং?” যীশু সেই সৈন্যগুনোরে কলঅ, “জুলুম্ গুরিনে বা অন্যেয়গুরি দুষ্ দেগেইনে কারত্তুন্ কিচ্চু আদায় ন-গোজ্য আর তমা বেতনুন্দোই হুজি থাগঅ।”

১ করিন্হীয় 6:8

সিয়েনর্ বদলে তুমি অন্যেয় গরর্, তুমি ঠগর্, আর সিয়েন তমা ভেইয়ুনো উগুরে গরর্।

বিচের গুরিয়্যেগুন 4:3

যাবীনোর নয়শঅ‌ লুয়োর রথ এলঅ‌ আর তে কুড়ি বজর ধুরিনে ইস্রায়েলীয়গুনো উগুরে অমকদ অত্যেচার গুরি এজের্‌। সেনত্তেই ইস্রায়েলীয়গুনে লগেপ্রভু ইদু বল্‌ পেবাত্তে কানাকুদি গরা ধুরিলাক্‌।