লেবীয় 25:1 - Chakma Bible

^1-2 সিনাই মুড়োবো উগুরে লগেপ্রভু মোশির মাধ্যমে ইস্রায়েলীয়গুনোরে কবাত্তে কোইয়েদে, মুই যে দেজ্‌চান্‌ তমারে দিবাত্তে যাঙর্‌ সেই দেজত্‌ যেবার পরেদি তমাত্তুন্‌ চাহ্ পুরিবো সেই জাগায়ানর্‌ ভূইয়ানি লগেপ্রভুর নাঙে জিরেবার সময় পায়।

লেবীয় 25:1 ပူးပေါင်းရင်းမြစ်များ

নহিমিয় 10:31

জিরেবার্‌ দিনোত্‌ বা অন্য কনঅ পবিত্র দিনোত্‌ যুনি কায়-কুরে জাদর্‌ মানুচ্চুনে কনঅ পযাপিরা বা শোজ্য বিজিবাত্তে লোই এজন্‌ সালে তারাত্তুন্‌ আমি সিয়েনি ন-কিনিবোং। পত্তি সাত্‌ মাজত্‌ আমি ভূইয়ো চাষ্‌ ন-গুরিবোং আর বেক্‌ কজ্জগুন্‌ মাপ্‌ গুরি দিবোং।

যাত্রা 19:1

মিসর দেজত্তুন্‌ নিগিলি এজানার্‌ পরেদি তিন্‌ মাসত্ ইস্রায়েলীয়গুনে সিনাই ধূল্যেচর-চাগালাত্‌ যেইনে লুমিলাক্কোই।

যাত্রা 23:10

পর পর ছয় বজর্‌ তুমি ক্ষেদত্‌ চাষ্‌ গুরিবা আর ফসল কাবিবা,

লেবীয় 24:23

মোশি ইস্রায়েলীয়গুনোরে এ বেক্‌ কধানি জানেল। যে মানুচ্চো অভিশাব দিয়্যে মানুচ্চুনে তারে তার পরেদি তাম্বুলোর্‌ বারেন্দি নেযেইনে পাত্তর মেলা দিইনে মারে ফেলেলাক্। লগেপ্রভু মোশিরে যে উগুমান্‌ দিয়্যে ইস্রায়েলীয়গুনে সিয়েনোই গুরিলাক্।

গণাণা 1:1

ইস্রায়েলীয়গুনে মিসর দেজত্তুন্‌ নিগিলি এজানার্‌ পরেদি দ্বিবজরর্‌ দ্বিমাজর্‌ পত্তম দিনোত্‌ লগেপ্রভু সিনাই ধূল্যেচর চাগালাত্‌ মিলন-তাম্বুলো ভিদিরে মোশির লগে কধা কোইয়্যে। তে কলদে,