লেবীয় 24:16 - Chakma Bible

¹⁶ ভান্ন্যেই নাঙে যে লগেপ্রভুর নাঙ্‌ নিবো তারে মারে ফেলা অবঅ। ইস্রায়েলীয়গুনে তারে পাত্তর মেলা দিইনে মারে ফেলেবাক্। ইস্রায়েলীয় ওক্‌ বা তারা ভিদিরে বজত্তি গোজ্যে অন্য জাদর মানুজোই ওক্‌, যে কনজনে ভান্ন্যেই নাঙে লগেপ্রভুর নাঙান্‌ নিবাক্‌ তারে মারে ফেলা অবঅ।

লেবীয় 24:16 ပူးပေါင်းရင်းမြစ်များ

২ শমূয়েল 6:2

দায়ূদ আহ্‌ তার বেক্‌ মানুচ্চুনে গোজেনর সুন্দুক্কো বালি-যিহূদাত্তুন্‌ যিরূশালেমত্‌ নেযেবাত্তে বালি-যিহূদাত্তুন্‌ আঢা মারিলাক্। এ সুন্দুক্কো বেক্কুনোত্তুন্‌ খেমতাবান লগেপ্রভুর নাঙে বেক্কুনে চিনোন্, কিত্যে লগেপ্রভু সে সুন্দুক্কো উগুরে দ্বিবে করূবোর্‌ সংমধ্যে থায়।

গীতসংহিতা 139:20

ভান্ন্যেই মনে তারা তঅ পৌইদ্যেনে নানান্ বাবোত্যে কধা কন্; তঅ শত্রুগুনে বজং আজাই তরে নাঙ্ গিনোন্।

গীতসংহিতা 74:10

ও গোজেন, শত্রুগুনে আর কয়দিন ঠাট্টা-তামাজা গুরিবাক্? জিংকানিবর্ কি শত্রুগুনে তর্ নাঙান অগমান গুরিবাক্?

গীতসংহিতা 74:18

ও লগেপ্রভু, পুরি ন-ফেলেচ্ শত্রুগুনে তরে নিইনে ঠাট্টা-তামাজা গোজ্যন্, বাজে-বিবেকবলা মানুচ্চুনে তর্ নাঙান অগমান গোজ্যন্।

যাত্রা 20:7

কনঅ‌ ভান্ন্যেই আশাই তুমি তমার গোজেন লগেপ্রভুর্‌ নাঙান্‌ ন-গিনিবা। যিবে সিয়েন্‌ গুরিবো তারে লগেপ্রভু সাজা-দিবো।

যাত্রা 22:28

গোজেনরে অগমান ন-গোজ্য বা তমার শাসনগুরিয়্যেগুনোরে অভিশাব ন-দুয়ো।

মথি লেখ্যে গম্ হবর্ 12:31

ইয়েনত্তে মুই তমারে কঙর্, মান্‌জ্যর্ বেক্ পাপ্পানি আর গোজেন বিরুদ্ধে অগমানর্ কধানি খেমা গরা অবঅ, মাত্তর্ পবিত্র আত্মার বিরুদ্ধে অগমানর্ কধানি খেমা গরা ন-অবঅ।

মথি লেখ্যে গম্ হবর্ 26:66

তুমি কি মনে তারা জোব্ দিলাক্, “তে দুষী আর হামাক্কায় মারে ফেলা ওক্।”

মার্ক 14:64

তুমি তার্ অগমানর্ কধাগান শুনিলা, তুমি কি মনে গরঅ?” তারা বেক্কুনে তা বিরুদ্ধে ভোট্ দিলাক্: তে দুষী আর তারে মারে ফেলানা উচিত্।

যোহন 19:7

যিহূদী নেতাগুনে পীলাতরে কলাক্, “আমার্ এক্কো আইন আঘে, সেই আইন মজিম্ তার্ মরণ অনা উচিত, কিয়া তে নিজোরে গোজেনর্ পুয়ো কোইয়্যে।”

প্রেরিত্‌ 26:11

তারারে সাজা দিবাত্যে মুই প্রায় এক সমাজ-ঘরত্তুন্ অন্য সমাজ-ঘরত্ যেদুং আর যীশুর্ বিরুদ্ধে কধা কবাত্যে মুই তারা উগুরে জোর্ গুরিদুং। তারা উগুরে মর্ এদক্ রাগ এলঅ যে, তারা উগুরে অত্যেচার্ গুরিবাত্যে মুই বিদেজর্ শঅরানিত্ সং যেদুং।

প্রেরিত্‌ 7:58

যেরেদি তারা তারে পাত্তর্ মারিবাত্তে টানিনে শঅর বারেদি নেযেলাক্, আর সাক্ষীগুনে তারা উগুরে কাবড়ানি খুলিনে শৌল নাঙে এক্কো গাবুজ্জ্যে মরদ ঠেংঅ কুরে থলাক্।

১ তীমথিয় 1:13

যুনিয়ো মুই আগে খ্রীষ্টরে বদ্‌নাঙ গত্তুং আর অত্যেচারী আহ্ ভান্ন্যেইরাগী এলুং তো মরে তে এ কামত্ বেঈ লোইয়্যে। মরে তে দোয়্যে গোজ্জ্যে, কিয়া মর্ অবিশ্বেজত্যে মুই হবর্ ন-পেইনে সিয়েনি বেক্কানি গত্তুং।

যাকোব 2:7

যিবের্ নাঙ ধগে তমারে ডাগা অয় তাগোয়্যেগুনে কি সেই সর্মান নাঙানর্ নিন্দে ন-গরন্?