লেবীয় 23:5 - Chakma Bible

⁵ বজরর্‌ পত্তম মাজর্‌ চৌদ্দো তারিগোত্‌ সাজোন্যে অক্তত্‌ লগেপ্রভুর্ নাঙে উদ্ধোর্‌-পরব্‌ আরাম্ভ অবঅ।

লেবীয় 23:5 ပူးပေါင်းရင်းမြစ်များ

যাত্রা 23:15

তুমি সদাছাড়া পিদের্‌ পরব্‌ পালেবা। মুই তমারে যে উগুমানি দুয়োং সেধোক্ক্যেনগুরি তুমি সাত দিন সং সদাছাড়া পিদে হেবা। আবীব মাজর্‌ ঠিগ্ সময়োত্‌ ইবে পালেবা, কিত্তে সেই মাজত্‌ তুমি মিসর্‌ দেজত্তুন্‌ নিগিলি এচ্চ্য। কনজনে যেনে সেক্কে সুদো আত্তোই‌ মইদু ন-এজন্‌।

যিহিষ্কেল 45:21

পত্তম মাজর্ চৌদ্দ দিনোত্ তুমি উদ্ধোর-পরব্ পালেবা। এ পরব্‌‌পো সাত দিনোর; সে অক্তত্ তমাত্তুন্ সদানেইয়্যে পিধে হা পড়িবো।

মথি লেখ্যে গম্ হবর্ 26:17

সদানেইয়্যে রুটি পরবর্ পত্তম্ দিনোত্ শিচ্চ্যগুনে যীশু ইধু এইনে কলাক্, “তত্তে উদ্ধোর্-পরবর্ হানা আমি কুদু যুক্কোল্ গুরিবোং?”

মার্ক 14:12

সদানেইয়্যে রুটি পরবর্ পত্তম্ দিনোত্ উদ্ধোর-পরবর্ হানাত্তে ভেড়া ছঅ কাবা অদঅ। সেনত্তে শিচ্চ্যগুনে যীশুরে পুযোর্ গুরিলাক্, “তত্তে উদ্ধোর্-পরবর্ হানা আমি কুদু যুক্কোল্ গুরিবোং?”

লূকে লেখ্যে গম্ হবর্ 22:7

দিন্নো অলদে সদানেইয়্যে রুটির পরবর্ সময়োত্ উদ্ধোর-পরবর্ হানাত্যে ভেড়াছঅ কাবা অদঅ। সে দিন্নো এলে পরেদি যীশু পিতর আর যোহনরে ইয়েন্ কোইনে দিপাধেল, “তুমি যেইনে আমাত্যে উদ্ধোর্-পরবর্ হানা যুক্কোল্ গরঅ যেন আমি সিয়েনি হেই পারিই।”

যিহোশূয় 5:10

সে মাসর চৌদ্দো দিনোত্‌ সজোন্যা অক্তত্‌ যিরীহোর সং জাগানত্‌ গিল্‌গলত্‌ তাম্বুল্‌ ফেলেইনে থেবার অক্তত্‌ ইস্রায়েলীয়গুনে উদ্ধোর-পরব্‌ পালেলাক্‌।