লেবীয় 23:40 - Chakma Bible

⁴⁰ পত্তম দিনোত্‌ তমার নিজোত্তে গাজর্‌ বেগত্তুন্‌ গম ফল, খাজোর গাজ পাদা, উইলো গাজ্‌ আর অন্য পাদালোই ভোজ্যে গাজর্‌ বাগল্‌ লোইনে এবা। সে পরেদি সাত দিন ধুরি তুমি তমার গোজেন লগেপ্রভুর্ মুজুঙোত্ ফুত্তি গুরিবা।

লেবীয় 23:40 ပူးပေါင်းရင်းမြစ်များ

গীতসংহিতা 137:2

সিদুগোর উইলো গাজত্ আমার বাজনাগুন্ আমি টাঙেই রাগেদং।

গীতসংহিতা 92:12

গোজেন ভক্তগুনে খাজোর গাজ ধোক্ক্যেন্ ফুলে-গুলোগুলিয়ে ভুরি উদিবাক্; তে লেবাননর্ এরস গাজ ধোক্ক্যেন দাঙর্ অবাক্।

যিশাইয় 35:10

আর লগেপ্রভুর্ উদ্ধোর্ গোজ্যে মানুচ্চুনে ফিরি এবাক্। তারা হুজিয়ে গান গাদে গাদে সিয়োনত্ সুমিবাক্; তারার্ মাঢাগুনো মুকুট্‌‌তুন অবদে জিংকানিবরত্তে হুজি।‌ তারা হুজিয়ে আর ফুত্তিয়ে ভর্‌‌পুনং অবাক্, দুঘে আর ভঅ নিযেজে দূরোত্ ধেই যেবাক্।

যিশাইয় 44:4

তারা ঘাস উগুরেদি বেঈ যেইয়্যে গঙার পারত্ উইলো গাজ ধোক্ক্যেন ঘাস ভিদিরে গেজেই উদিবাক্।

যিশাইয় 66:10

তুমি যিগুনে যিরূশালেমানরে কোচ্‌পঅ তুমি তা সমারে ফুত্তি গরঅ, তাত্তে হুজি অ; তুমি যিগুনে তাত্তে দুঘ্ গোজ্য তুমি তা সমারে হুজি অ।‌

লেবীয় 23:39

“সাত মাজর্‌ পন্দর দিনোর দিন্নোত্‌ ভূইয়াত্তুন্‌ ফসল তুলি নেযানার পরেদি লগেপ্রভুর্ নাঙে সাত দিন সং এ নাদামান্‌জ্যর্‌-ঘরর্‌ পরব্‌ পালন গরা পুরিবো। এ সাত দিনোর্‌ পত্তম দিন্নো আর আস্টো দিন্নো অবঅ তমার্‌ জিরেবার দিন।

লেবীয় 23:41

পত্তি বজর সাত দিন সং লগেপ্রভুর্ নাঙে তমার এ পরপ্পো পালন গরা পুরিবো। বংশর পর বংশ ধুরি ইবে অবঅ তমাত্তে এক্কো থিদেবর্ গোজ্যে সুদোম। সাত মাজত্‌ তমার এই পরপ্পো পালন গরা পুরিবো।

মথি লেখ্যে গম্ হবর্ 21:8

বোউত্ মান্‌জ্যে পধ উগুরে তারার্ কিয়্যের্ কাবড়ানি বিজেই দিলাক্। অন্যগুনে গাজ ডেলা কাবিনে পধ উগুরে ছিদি দিলাক্।

যোহন 12:13

সেক্কে তারা খাজোর্ পাদালোই তারে আগ্ বারেই আনিবাত্যে গেলাক্ আর রঅ ছাড়িনে কুয়ো ধুরিলাক্, “হোশান্না, যে প্রভুর নাঙে এজের্ তার্ বাঈনী ওক্‌। তেয়ই ইস্রায়েলর্ রাজা।”

যোহন 16:22

সেবাবোত্যেগুরি তুমিয়ো ইক্কিনে দুঘ্-কষ্ট পর্; মাত্তর্ আরঅ তমা লগে মর্ দেগা অবঅ, আর সেক্কে তমা মনানি হুজীয়ে ভুরি উদিবো আর সেই হুজীগান্ কেঅ তমাত্তুন্ কারি ন-লবাক্।

রোমীয় 5:11

বানা সিয়েন নয়, যিবেলোই গোজেন সমারে আমি মিজেয়্যেই সেই প্রভু যীশু খ্রীষ্টর্ মাধ্যমে গোজেনরে লোইনে আমি ফুত্তি গুরির্।

দ্বি’লম্বর বিররণ 12:12

সিয়েনত্ তমার গোজেন লগেপ্রভুর মুজুঙোত্‌ তুমি, তমার ঝি-পূঅগুনে, তমার চাগর আর চাগরানীগুনে আর তমার আদাম্মে আর শঅরর লেবীয়গুনে যিগুনোর নিজোর বিলিনে কনঅ জাগা-জোমিন বা সোম্বোত্তি নেই তুমি বেক্কুনে ফুুত্তি গুরিবা।

দ্বি’লম্বর বিররণ 12:7

সিয়োদোই তমার গোজেন লগেপ্রভুর মুজুঙোত্‌ তুমি আর তমার পরিবারর মানুচ্চুনে হানা-দানা গুরিবাক্ আর তার আশিদ্‌বাদ মজিম পাওনা তমার কামর্‌ খেতখেত্তিলেই তুমি ফুত্তি গুরিবা।

ফিলিপীয় 3:3

আমি ঘেচ্চ্যেকগুরি চুনু মাঢবোর চামান কাপ্যে মানুচ্‌, কিয়া আমি গোজেন আত্মার্ মাধ্যমে তার্ উবোসনা গুরিই আর খ্রীষ্ট যীশুরে নিইনে বার্ গুরিই আর চুনু মাঢা কাপ্যে উগুরে নির্ভর ন-গুরিই।

ফিলিপীয় 4:4

প্রভু সমারে মিজেয়ো বিলিনে তুমি নিত্য হুজি থাগঅ। মুই আরঅ কং, তুমি হুজী থাগঅ।

১ পিতর 1:8

যুনিয়ো তুমি খ্রীষ্টরে ন-দেগঅ তো তুমি তারে কোচ্‌পঅ; যুনিয়ো ইক্কিনে তুমি তারে ন-দেগর্ তো তুমি তা উগুরে বিশ্বেজ্ গরর্, আর যে হুজিগান কধাদি ফগদাং গরা ন-যায় আর যিয়েন স্বর্গীয় মহিমালোই ভরা, সেই হুজিলোই তুমি হুজি অর্;

ফগদাং পেইয়্যে 7:9

ইয়েনর্ পরেদি মুই পত্তি জাত্, গুট্টি, দেশ আর ভাষা ভিদিরেত্তুন্ এদক্ মান্‌জ্যর ভিড় দেগিলুং, তারারে কেঅ গুণি ন-পারিলাক্। ধুব্ কাবড় উরিনে তারা সেই সিংহাসন আর ভেড়া-ছবুয়ো মুজুঙোত্ খাজোর্ পাদা আঢত্ গুরিনে থিয়্যেই এলাক্।