লেবীয় 23:39 - Chakma Bible

³⁹ “সাত মাজর্‌ পন্দর দিনোর দিন্নোত্‌ ভূইয়াত্তুন্‌ ফসল তুলি নেযানার পরেদি লগেপ্রভুর্ নাঙে সাত দিন সং এ নাদামান্‌জ্যর্‌-ঘরর্‌ পরব্‌ পালন গরা পুরিবো। এ সাত দিনোর্‌ পত্তম দিন্নো আর আস্টো দিন্নো অবঅ তমার্‌ জিরেবার দিন।

লেবীয় 23:39 ပူးပေါင်းရင်းမြစ်များ

যাত্রা 23:16

তুমি খেদত্‌ যিয়েনি লাগেবা সিয়েনির্ পত্তম ফসল্লোই ক্ষেত-ক্ষেত্তি কাবিবার্‌ পরপ্পো পালেবা। চাষকামর্‌ শেষ্‌ মাজত্‌ ক্ষেদত্তুন্‌ ফসল্‌ তুলিবার্‌ অক্তত্‌ তুমি ফসল তুবেবার্ পরপ্পো পালেবা।

লেবীয় 23:36

এ সাত দিনো ভিদিরে পত্তিদিন লগেপ্রভুর্ নাঙে আগুন্দোই-গোজ্যে উৎসর্বর অনুষ্ঠান গরা পুরিবো। সে পরেদি আস্টো দিনোত্‌অ তমার পবিত্র মিলন-সভা অবঅ আর লগেপ্রভুর্ নাঙে আগুন্দোই-গোজ্যে উৎসর্বর অনুষ্ঠান গরা পুরিবো। ইবে শেজ্ দিনোত্‌ বিশেজ্ সভা; সেদিন্যে তমার কনঅ দুঘোর্ কাম গরানা ন-চলিবো।

লেবীয় 23:38

যে উৎসর্বগুনোর কধা আগে কূয়ো ওইয়্যে সিগুনো ভিদিরে এ উৎসর্বগুন্‌ ধরা ন-অবঅ। সিগুন্‌ অলঅ, লগেপ্রভু জিরেবার দিন্নোর্ উৎসর্ব, লগেপ্রভুরে দিয়্যে অন্য বেক্‌ দানুন্‌, মান্যা আর নিজোর আওজে গোজ্যে উৎসর্ব।

লেবীয় 23:40

পত্তম দিনোত্‌ তমার নিজোত্তে গাজর্‌ বেগত্তুন্‌ গম ফল, খাজোর গাজ পাদা, উইলো গাজ্‌ আর অন্য পাদালোই ভোজ্যে গাজর্‌ বাগল্‌ লোইনে এবা। সে পরেদি সাত দিন ধুরি তুমি তমার গোজেন লগেপ্রভুর্ মুজুঙোত্ ফুত্তি গুরিবা।

দ্বি’লম্বর বিররণ 16:13

তমার খামার আর আংগুর মারিবার জাগানত্তুন্ বেক্কানি তুলি রাগেবার পরেন্দি সাত দিন সং তুমি নাঢা মান্‌জ্যর-ঘরর পরব্‌ পালন গুরিবা।