লেবীয় 23:37 - Chakma Bible

³⁷ এ পর্‌বগুন বেক্কুন্‌ লগেপ্রভু ঠিগ্‌ গুরি রাগেয়্যে। তুমি যেনে এ সময়ানত্‌ আগুন্দোই-গোজ্যে উৎসর্বর অনুষ্ঠান গুরি পার সেনত্তেই তমার পবিত্র মিলন-সভা অবঅ। যিদুক্কুন্‌ উৎসর্ব তমাত্তুন্‌ গরা পুরিবো সিগুন্‌ অলাক পুজ্যে-উৎসর্ব, শোজ্য-উৎসর্ব আর ঢালন-উৎসর্ব। এই বেক্‌ উৎসর্বগুন্‌ ঠিগ্ গোজ্যে দিনোত্‌ তমাত্তুন্‌ গরা পুরিবো।

লেবীয় 23:37 ပူးပေါင်းရင်းမြစ်များ

উপদেশক 3:1

বেক্কানিত্তে এক্কান্ সময় আঘে; আগাজ তলেদি পত্তি কামর্ এক্কান্ ঠিগ্ সময় আঘে-

লেবীয় 23:38

যে উৎসর্বগুনোর কধা আগে কূয়ো ওইয়্যে সিগুনো ভিদিরে এ উৎসর্বগুন্‌ ধরা ন-অবঅ। সিগুন্‌ অলঅ, লগেপ্রভু জিরেবার দিন্নোর্ উৎসর্ব, লগেপ্রভুরে দিয়্যে অন্য বেক্‌ দানুন্‌, মান্যা আর নিজোর আওজে গোজ্যে উৎসর্ব।

লেবীয় 23:4

লগেপ্রভুর্ যিদুক্কুন ঠিগ্ গোজ্যে পরব্‌, অত্তাৎ যিদুক্কুন্‌ পবিত্র মিলন-সভা তুমি সিগুনোর্‌ ঠিগগোজ্যে দিনোত্‌ ফগদাঙ্‌ গুরিবা সিগুন্‌ অল:

লেবীয় 23:44

ইয়েনর্ পরেদি মোশি যেইনে লগেপ্রভুর্ ঠিগ্‌ গোজ্যে বেক্‌ পরবর্‌ কধা ইস্রায়েলীয়গুনোরে জানেল।