লেবীয় 23:36 - Chakma Bible

³⁶ এ সাত দিনো ভিদিরে পত্তিদিন লগেপ্রভুর্ নাঙে আগুন্দোই-গোজ্যে উৎসর্বর অনুষ্ঠান গরা পুরিবো। সে পরেদি আস্টো দিনোত্‌অ তমার পবিত্র মিলন-সভা অবঅ আর লগেপ্রভুর্ নাঙে আগুন্দোই-গোজ্যে উৎসর্বর অনুষ্ঠান গরা পুরিবো। ইবে শেজ্ দিনোত্‌ বিশেজ্ সভা; সেদিন্যে তমার কনঅ দুঘোর্ কাম গরানা ন-চলিবো।

লেবীয় 23:36 ပူးပေါင်းရင်းမြစ်များ

নহিমিয় 8:18

পত্তম দিনোত্তুন্‌ ধুরি আরাম্ভ গুরিনে শেজ দিন সং ইষ্রা পত্তিদিন গোজেনর রীদি-সুদোম বোইবোত্তুন্‌ পড়া ধুরিলো। মানুচ্চুনে সাত দিন সং পরপ্‌বো পালেলাক্‌ আর আস্‌তো দিনোত্‌ সুদোম্‌ মজিম শেজ দিনোত্‌ বিশেজ্ তেম্মাং অলঅ।

যোয়েল 1:14

তুমি সুদ্ধো-সাংগ উবোস্ থানার বেবস্থা গরঅ; এক্কো বিশেষ তেম্মাং ডাগঅ। বুড়ো নেতাগুনোরে আর দেজত্ বজত্তি গুরিয়্যে বেক্কুনোরে তমা গোজেন লগেপ্রভুর ঘরত্ ডাগি আনঅ আর লগেপ্রভু ইধু কানাকুদি গরঅ।

যোয়েল 2:15

তুমি সিয়োনত্ তূরী বাজঅ, সুদ্ধো-সাংগ উবোস্ থানার বেবস্থা গর্, এক্কো বিশেষ তেম্মাং ডাগ্;

লেবীয় 23:7

এ সাত দিনোর্‌ পত্তম দিনোত্‌ পবিত্র মিলন-সভা অবঅ আর সেদিন্যে তমার্‌ কনঅ দুঘোর্‌ কাম্‌ গরানা ন-পুরিবো।

যোহন 7:37

পরব শেজ্ দিন্নো এলঅ আজল্ দিন। সেদিন্ন্যে যীশু থিয়্যেইনে রঅ ছাড়িনে কলঅ, “কারর্ যুনি পানি তিরেচ্‌ পায় সালে তে মইধু এইনে পানি হেই যোক্।

দ্বি’লম্বর বিররণ 16:8

ছয়দিন সং তুমি সদাছাড়া পিদে হেবা আর সাত দিনোত্‌ তুমি তমার গোজেন লগেপ্রভুর নাঙে শেজ দিন্নোত্‌ মিলিবার-তেম্মাং গুরিবা আর সেদিন্যে কনঅ কাম্‌ ন গুরিবা।