লেবীয় 23:33 - Chakma Bible

^33-34 ইয়েনর্ পরেদি লগেপ্রভু মোশিরে ইস্রায়েলীয়গুনোরে কবাত্তে কলঅ, সাত মাজর্‌ পন্দর দিনোর দিন্নোত্‌ লগেপ্রভুর্ নাঙে নাদামান্‌জ্যর-ঘরর পরব্‌ আরাম্ভ অবঅ, আর এ পরপ্পো সাত দিন সং চলিবো।

লেবীয় 23:33 ပူးပေါင်းရင်းမြစ်များ

১ রাজাবলী 12:32

যিহূদা চাগালার্‌ ভিদিরে যে পরপ্পুন্‌ অদাক্‌ সে পরব ধোক্কেন আস্‌তো মাজর্‌ পন্দর দিনোর্‌ দিন্নোত্‌ তে বৈথেলত্‌অ ইক্কো পরবর্‌ বেবস্থা গুরিলো আর নিজোর্‌ বানেয়্যে গোরু ছবোর্‌ নাঙে ডালিপূজোবো উগুরে এ্যমান্‌ উৎসর্ব গুরিলো। তে বৈথেলত্‌ পূজোর্‌ অজল্‌ জাগানিত্‌ তার্‌ বানেয়্যে মন্দিরোত্‌ ধর্মগুরুয়ো নেযেল।

ইষ্রা 3:4

সে পরেদি তারা বোইবোর কধামজিম্ নাঢা মান্‌‍‍জ্যর্ ঘরর্ পরব্ পালেলাক্ আর পত্তি দিনোর্ ঠিগ সংখ্যে মজিম্ পূজ্যে-উৎসর্গর অনুষ্ঠান গুরিলাক্।

যিহিষ্কেল 45:25

সাত মাসর্ পনর দিনোত্ যে সাত দিনোর্ পরব্ আরাম্ভ অয় সে অক্তত্ উৎসর্বত্তে শাশন্‌গুরিয়্যেবো পাপ-উৎসর্বর্, পূজ্যে-উৎসর্বর আর শোজ্য-উৎসর্বর জিনিস আর তেল দিবো।

লেবীয় 23:32

সেদিন্নো অবঅ তমাত্তে এক্কো জিরেবার দিন। সেদিন্যে তমার দুখস্বীগের্‌ গরা পুরিবো। সেই মাজর্‌ নয় দিনোত্‌ সাজোন্যেত্তুন্‌ ধুরি আরাম্ভ গুরি তার্‌কেল্যে সাজোন্যে সং তুমি এ জিরেবার দিন্নো পালন গুরিবা।”

সখরিয় 14:16

পরেদি সেই বেক্ জাদর্ বাঁজি থেইয়্যে মানুচ্চুনে সেই রাজাবোর্, অত্তাৎ বেগত্তুন্ খেমতাবলা লগেপ্রভুর উবোসনা গুরিবাত্তে আর চিগোন-ঘর পরব্ পালেবাত্তে পত্তি বজর্ যিরূশালেমত্ এবাক্।

গণাণা 29:12

সাত মাজর্ পন্দর তারিগোত্ এক্কো সুদ্ধো-সাংগ মিলন-সভা গরা পুরিবো আর সেদিন্যে তমার্‌ কনঅ দুঘোর্ কাম্‌ গরানা ন-চলিবো। তুমি লগেপ্রভুর্ নাঙে সাত দিন ধুরিনে উৎসব পালন গুরিবা।