লেবীয় 23:28 - Chakma Bible

²⁸ সেদিন্যে তমার্‌ কনঅ কাম গরা ন-পুরিবো, কিত্যে ‍সিবেয়ই অলঅ পাপ ঢাগি দিবার্‌ দিন। তমার গোজেন লগেপ্রভুর্ মুজুঙোত্ সেদিন্যে তমার্‌ পাপ ঢাগি দিয়্যে পুরিবো।

লেবীয় 23:28 ပူးပေါင်းရင်းမြစ်များ

যিশাইয় 53:10

আজলে লগেপ্রভু তার আওজ্ মজিম তারে চুর্‌‌মার্ গোজ্যে আর তারে দুঘ্ গরা বাজেই দিয়্যে। লগেপ্রভুর চাগর্‌বো যেক্কে তা পরাণানরে দুষোর্- উৎসর্ব ইজেবে দিবো ‌‌‌‍‍ সেক্কে তে তা পুয়োগুনোরে দেগিবো আর তা আয়ুগান বাড়েব; তা মাধ্যমে লগেপ্রভুর আওজ্‌চান পূরোণ অবঅ।‌‌‌‍‍‍

দানিয়েল 9:24

তর্ মানুচ্চুনোত্তে আর তর্ সুদ্ধো-সাংগ শঅরত্তে সত্তুর্ গুণ সাত বজর ঠিগ্ গরা ওইয়্যে। সেই সময়ো ভিদিরে ভান্ন্যেয়ানি বন্ধ গরা অবঅ, অন্যেয়র্ থুম্ অবঅ, পাপ নাঢি দিয়্যে অবঅ, উমরত্যে ন্যায্যতা থিদেবর্ গরা অবঅ, দর্শন আর আগাম্ বাণী পূরোণ গরা অবঅ আর দাঙর্ সুদ্ধো-সাংগ জাগানরে অভিষেগ্ গরা অবঅ।

লেবীয় 16:30

কিত্তে এ দিন্নোত্‌ তমার্‌ পাপ্পানি ঢাগি দিবার্‌ অনুষ্ঠান গুরিনে তমারে সুদ্ধো-সাংগ গুরি নেযা পুরিবো, আর যেরেন্দি তুমি লগেপ্রভু ইদু তমার বেক্‌ পাবত্তুন্‌ সুদ্ধো-সাংগ অবা।

লেবীয় 16:34

ইবে অবঅ তমাত্তে এক্কান্‌ থিদেবর্ গোজ্যে সুদোম। বজরত্‌ একবার্‌ গুরি ইস্রায়েলীয়গুনোর্‌ বেক্‌ পাপ্পানিত্তে এ পাপ ঢাগি দিবার্‌ অনুষ্ঠানান্‌ গরা পুরিবো। মোশিরে দিয়্যে লগেপ্রভুর উগুম মজিম বেক্কানি গরা ওইয়্যে।

লেবীয় 23:27

“এ সাত মাজর্‌ দশ দিনোর্‌ দিন্নো অবঅ পাপ ঢাগি দিবার দিন। সেদিন্যে তমার্‌ এক্কো পবিত্র মিলন-সভা অবঅ আর নিজোর্‌ মনান্‌ ভাঙিচুরি দুখস্বীগের্‌ গরা পুরিবো। তমার্‌ সেদিন্যে লগেপ্রভুর্ নাঙে আগুন্দোই-গোজ্যে উৎসর্বর্‌ অনুষ্ঠান গরা পুরিবো।

সখরিয় 3:9

ও যিহোশূয়, মুই তঅ মুজুঙোত্ এক্কো পাত্তর্ থোইয়োং। সেই পাত্তর্‌‌‌‌‌‌বো উগুরে সাত্‌তো চোগ্ আগন, আর তা উগুরে মুই এক্কান কধা খোদাই গুরিম আর মুই এক দিনে এ দেজর্ পাপ্‌‌‌‌‌‌‌পানি দূর গুরি দিম।‌‌‌‌

ইব্রীয় 10:10

গোজেনর্ সেই আওজ্ মজিম যীশু খ্রীষ্টর্ কিয়্যেগান একপল্লা উৎসর্ব গরানালোই গোজেন নাঙে আমারে যুদো গরা ওইয়্যে।

ইব্রীয় 10:14

কিয়া গোজেনর্ নাঙে যিগুনোরে যুদো গরা ওইয়্যে সেই এক্কো উৎসর্বলোই তে উমরত্যে তারারে পূর্ণতাগান দান গোজ্জ্যে।

ইব্রীয় 9:12

ছাগল আর গোরু ছঅ লো-লোই খ্রীষ্ট সেই দাঙর্ পবিত্র জাগানত্ ন-সমায়। তে নিজোর্ লো-লোগান্দোই একবার সিয়েনত্ সোম্মেগোই। এবাবোত্যে গুরি তে উমরত্যে পাপত্তুন্ উদ্ধোরর্ পথ্‌তান্ গুরিলো।

ইব্রীয় 9:26

সিয়েনই যুনি গরা পত্ত সালে পিত্‌থিমী সৃট্টির লক্কেত্তুন ধুরি আরাম্ভ গুরি তাত্তুন্ ভালোক্‌বার্ দুঘ্ পেইনে মরা পত্ত; মাত্তর্ ইক্কিনে বেক্‌ যুগ্‌কুনোর পরেদি তে এক বারই ফগদাং পেয়্যে যেনে নিজোরে উৎসর্ব গুরি তে পাপ ধাবেই পারে।

১ যোহন 2:2

আমা পাপ্পানি দূর্ গুরিবাত্যে খ্রীষ্ট তার্ নিজো জিংকানিগান্ উৎসর্ব গুরিনে গোজেনরে হুজি গোজ্জ্যে। বানা আমা পাপ্পানি নয়, মাত্তর্ বেক মানুচ্চুনোর পাপ্পানি দূর্ গুরিবাত্যে তে সিয়েন গোজ্জ্যে।

১ যোহন 4:10

আমি যে গোজেনরে কোচ্‌পেয়্যেই সিয়েন নয়, মাত্তর্ তে আমারে কোচ্‌‌পেইনে তা পুয়োবোরে দিপাধেয়্যে, যেন পুয়োবো তার নিজোর জিংকানিগান-উৎসর্ব গরানায় আমা পাপ্পানি দূর্ গুরিনে গোজেনরে হুজি গরে। ইয়েনই অলঅ কোচ্‌পানা।

১ যোহন 5:6

ইবেই যীশু খ্রীষ্ট, যিবে পানি আর লো-লোই এচ্চ্যে। বানা পানিলোই নয়, মাত্তর্ পানি আর লো-লোই এচ্চ্যে। পবিত্র আত্মাগানে এ পৌইদ্যেনে সাক্ষি দে, কিয়া তে নিজেই সত্য।