লেবীয় 23:14 - Chakma Bible

¹⁴ গোজেন ইদু এ উৎসর্ববো গুরিবার্‌ দিন্নো সং তমার্‌ এ নূয়ো শোজ্যত্তুন্‌ হেই ন-পারিবা। সিবে বাদেয়ো সিয়োত্তুন্‌ বানেয়ে কনঅ রুটি বা সিবে আগুন্দোই পুড়িনেয়ো হেই ন-পারিবা। তুমি যিয়েনত্‌ থেদা সাৎ বংশর্‌ পর বংশ ধুরি ইবে অবঅ তমাত্তে এক্কো থিদেবর্ গোজ্যে সুদোম।

লেবীয় 23:14 ပူးပေါင်းရင်းမြစ်များ

নহিমিয় 9:14

তর্‌ পবিত্র জিরেবার্‌ দিন্নো পৌইদ্যেনে তুই তারারে জানেয়োচ্‌ আর তঅ্‌ চাগর্‌ মোশির মাধ্যমে তুই তারারে উগুম্‌, সুদোম আর আইন দুয়োচ্‌।

গীতসংহিতা 19:8

লগেপ্রভুর বেক্ সুদোমানিয়ে উজু পধেদি চালায় আর মনানরে হুজি রাগায়। লগেপ্রভুর উগুমান খাটি, সিয়েনে মনানরে ফোট্‌‌ফোট্যে রাগায়।

যাত্রা 27:21

এই মিলন-তাম্বুলর্‌ সাক্ষ্য-সুন্দুগো মুজুঙোত্‌ যে পর্দাগান্‌ থেবঅ‌ সেই পর্দাগানর্‌ বারেদি হারোণ আর তার্‌ পূঅগুনে সাজোন্যেত্তুন্‌ ধুরি বেন্যেমাদান সং লগেপ্রভুর্‌ মুজুঙোত্‌ চেরাক্কুন্‌ দেগাশুনো গুরিবাক্। ইস্রায়েলীয়গুনে যেনে বংশর্‌ পর্‌ বংশ্‌ ধুরিনে আজল সুদোম্‌ ইজেবে ইয়েনি পালন গরন্‌।

যাত্রা 34:26

তমা ক্ষেদত্তুন্‌ কাবি আন্যে পত্তম ফসলর্‌ বেগত্তুন্‌ গম ভাগ্‌কো তুমি তমার গোজেন লগেপ্রভুর্‌ ঘরত্‌ নেযেবা। “ছাগল ছবোর্‌ য়েরাগান্‌ তার্‌ মাবো দুধতান্দোই ন-রানিবা।”

লেবীয় 10:11

লগেপ্রভু মোশির্‌ মাধ্যমে ইস্রায়েলীয়গুনোরে যেদক্কানি সুদোম্‌ দিয়্যে, সিয়েনি তুমি তারারে শিগেবা।

লেবীয় 2:14

লগেপ্রভুর্ নাঙে উৎসর্ব গুরিবাত্তে যুনি তারা পত্তমে তুল্যে ফসল ভিদিরেত্তুন্‌ কনঅ শোজ্য আনন্‌ ছালে সেই নুয়ো শোজ্য দাঙর্‌ গুরি ভাঙিনে আগুন্দোত্ পুড়িনে আনা পুরিবো।

লেবীয় 23:31

সেদিন্যে তমার কনঅ কাম্‌ গরা ন-পুরিবো। তুমি যিয়োদোই বজত্তি গত্তা সাৎ বংশর পর বংশ ধুরি ইবে অলঅ তমাত্তে এক্কো থিদেবর্ গোজ্যে সুদোম।

লেবীয় 23:41

পত্তি বজর সাত দিন সং লগেপ্রভুর্ নাঙে তমার এ পরপ্পো পালন গরা পুরিবো। বংশর পর বংশ ধুরি ইবে অবঅ তমাত্তে এক্কো থিদেবর্ গোজ্যে সুদোম। সাত মাজত্‌ তমার এই পরপ্পো পালন গরা পুরিবো।

লেবীয় 3:17

“তুমি যিয়েনত্‌ থেদা সাৎ‌ তুমি কনঅ তেল্‌ বা লো ন-হেবা। ইয়েনই অবঅ বংশর্‌ পর বংশ ধুরিনে তমাত্তে এক্কান্‌ উমর সুদোম্।”

দ্বি’লম্বর বিররণ 16:12

মিসর দেজত্‌ তুমিয়ো যে চাগর্‌ এলা সে কধাগান মনত্‌ রাগেয়ো তুমি এই বেক্‌ সুদোমানি দোলেডালে পালেবা।