লেবীয় 22:21 - Chakma Bible

²¹ যুনি কনজনে মান্যে ছিড়েবাত্তে বা নিজোর্‌ আওজে গোজ্যে উৎসর্ব ইজেবে লগেপ্রভু ইদু উদোলোলি-উৎসর্ব গুরিবাত্তে চায় আর তাত্তে গোরু, ভেড়া বা ছাগল আনন্‌ সালে সিবে দাগ্‌দুগ্‌ নেইয়্যে উয়ো পুরিবো। তার্‌ কিয়্যেত্‌ কনঅ দাগ্‌দুগ্‌ থেলে সিবে উৎসর্ব ইজেবে গুজি লইদে ধোক্ক্যেন ন-অবঅ।

লেবীয় 22:21 ပူးပေါင်းရင်းမြစ်များ

পত্থম 28:20

ইয়েন পরেদি যাকোবে শমত্‌ খেইনে কলঅ, “যুদি গোজেনে মর্‌ এ যাত্রাবোত্‌ মরে রোক্ষ্যে গরে, যুদি তে মরে হেবার-উরিবার্‌ যোগেই দে,

গীতসংহিতা 50:14

গোজেন ইদু তর্ ভালেদিগানই তর্ উৎসর্ব ওক্; সেই দাঙর্‌বো ইদু তর্ বেক্ মান্যেগানি পূরোণ গুরি থেচ্।

যাত্রা 35:29

মোশিরে দিইনে লগেপ্রভু যিয়েনি গুরিবার্‌ উগুম্‌ দিয়্যে সেই বেক্‌ কামানি গুরিবাত্তেই ইস্রায়েলীয় মিলেগুনে আর মরত্তুনো ভিদিরেত্তুন্‌ যিগুনোর্‌ আওজ অলঅ‌ তারা লগেপ্রভুরে দিবাত্তে যিবের্‌ যেধোক্ক্যেন হুজি লোই আনিলাক্‌।

গম্ উপদেজ্ 7:14

“মঅ ঘরত্ উদোলোলি-উৎসর্বর য়েরা আঘে, এচ্চ্যে মুই মান্যেগান্ ছিড়েয়োং।

লেবীয় 22:22

লগেপ্রভুর্ নাঙে উৎসর্ব গুরিবাত্তে কনজনে যেন এধোক্ক্যেন কনঅ য়েমান ন-আনন্‌ যিবের্‌ চোক্কুনো কান্‌ বা হাড়্‌ ভাঙি যেইয়্যে বা যিবের্‌ কিয়্যেগান কনঅ কিত্যেদি কাপ্পে বা কাবি ফেলা ওইয়্যে বা যিবের্‌ কিয়্যেত্‌ পুজ-পোজ্যে ঘা বা কাচ্চোনি রুগ্‌ বা পড়া-পেজেড়া আঘে। লগেপ্রভুর্ নাঙে আগুন্দোই-গোজ্যে উৎসর্ব ইজেবে ইগুনোর্‌ কনবো যেন পূজোবো উগুরে তুলো ন-অয়।

লেবীয় 3:1

“যুনি কনজনে লগেপ্রভুর্ নাঙে কনঅ ভালেদি-উৎসর্ব গুরিবাত্তে চায়্‌ আর তার্‌ উৎসর্বর্ য়েমান্নো যুনি গোরু পালত্তুন্‌ নেযা অয়, ছালে সিবে পাঢ়ি বা চেলা যিবে অদঅ সাৎ তার্‌ কিয়্যেত্‌ যেন কন থুদো ন থায়।”

লেবীয় 3:6

লগেপ্রভুর্ নাঙে ভালেদি-উৎসর্বত্তে যুনি কনজনে পালত্তুন্‌ কনঅ ভেড়া বা ছাগল লোই এজন্ ছালে সিবে পাদি বা পাদা যিবে অদঅ সাৎ সিবের্‌ কিয়্যেত্‌ যেন কনঅ থুদো ন-থায়্‌।

গণাণা 15:8

যুনি তুমি পুজ্যে-উৎসর্ব বা বিশেজ্ মান্যে চিরেবার্‌ উৎসর্ব বা উদোলোলি-উৎসর্বত্তে মইদু কনঅ গোরু আনঅ,