লেবীয় 22:2 - Chakma Bible

² তুই হারোণ আর তার পূঅগুনোরে কঅ‌, মর্‌ নাঙে ইস্রায়েলীয়গুনোর্‌ উৎসর্ব গোজ্যে পবিত্র জিনিসছানি তারার্‌ সর্মানর্‌ চোগেদি চাহ্ পুরিবো। সিয়েন্‌ ন-গুরিলে তারা মর্‌ পবিত্র নাঙানর্‌ পবিত্রতাগান্‌ বর্‌বাদ্ গুরিবাক্। মুই লগেপ্রভু।

লেবীয় 22:2 ပူးပေါင်းရင်းမြစ်များ

ইষ্রা 8:28

মুই তারারে কলুং, “তমার আর এই বেক্ পিলেগুন লগেপ্রভুর নাঙে যুদো গরা ওইয়্যে। ইগুনবাদে এই সনা আর রূবোগানি তমার পূরোণি মানুচ্চুনোর গোজেন লগেপ্রভুর নাঙে নিজোর্ আওজে দান গোজ্যে।

যাত্রা 13:12

সেক্কে তুমিয়ো তমার্‌ পত্তি ঘরর্‌ পত্তম মরদ পূয়োবোরে লগেপ্রভুর্‌ নাঙে দিবা। য়েমানর্‌ পত্তি পৌইল্যা চেলা ছবুয়ো লগেপ্রভুর্।

যাত্রা 28:38

ইয়েন থেবদে হারোণর্‌ কবালান উগুরে। যেদক্কানি পবিত্র জিনিস ইস্রায়েলীয়গুনে উৎসর্ব গুরিবাত্তেই আনিবাক্‌ সিয়েনির্‌ বেক্‌ দুষ-ভুলোর্‌ ভারান্‌ হারোণ উগুরে। লগেপ্রভু যেনে সিয়েনি গুজি লয়্‌ সেনত্তে হারোণ কবাল উগুরে এই সনার্‌ পাত্‌তান্‌ আমিঝে থেবঅ।

যিশাইয় 52:11

তুমি নিগিলি এজঅ, সে জাগানত্তুন্ নিগিলি এজঅ। তুমি কনঅ অসিজি পযাপিরা ন-ধোজ্য। তুমি যিগুনে লগেপ্রভুর পিলেবো বুয়োই নেযর্ তুমি সেই জাগানত্তুন্ নিগিলি এজঅ আর সিজি অ।

যিহিষ্কেল 44:8

মঅ সুদ্ধো-সাংগ পযাপিরানি উগুরে তমার্ যে কাম্ গুরিবার কধা সিয়েনি ন-গুরিনে মঅ ঘরর্ ভারান্ তুমি অন্যগুনো আঢত্ তুলি দুয়ো।

লেবীয় 15:31

যেরেদি লগেপ্রভু মোশি আর হারোণরে কলঅ, “ইস্রায়েলীয়গুনো ভিদিরে মর্‌ থেবার্‌-তাম্বুল আঘে। তুমি বেক্‌ ফি-বলাগানত্তুন্‌ তারারে দূরোত্‌ রাগেবা যেনে তারা থেবার-তাম্বুলান ফি-বলা গুরিনে তারা ফি-বলাগান ভিদিরে মুরি ন-যান।”

লেবীয় 18:21

তমা ভিদিরেত্তুন কনজনে যেন তার্‌ পূঅ বা ঝিয়োরে মোলক দেবেদা ইদু আগুনোত্‌ পুড়িনে উৎসর্ব ন-গরন বা অন্য কনঅ বাবদে নিজোর্ গোজেনর্‌‌ নাঙে পবিত্রতাগান্ বর্‌বাদ্ ন-গরন। মুই লগেপ্রভু।

লেবীয় 19:12

মর্‌ নাঙে মিজে শমক্‌ হেইনে তমার গোজেনর্‌‌ নাঙানর্‌ পবিত্রতাগান্‌ বর্‌বাদ্ ন-গুরিবা। মুই লগেপ্রভু।

লেবীয় 20:3

তাত্তুন্‌ মুই মুয়োন্‌ ফিরেই নিম্‌ আর তা জাদত্তুন্‌ মুই তারে তুলি ফেলেম, কিত্যে মোলক দেবেদা ইদু তার্‌ পূঅবো উৎসর্ব গুরিনে তে মর্‌ পবিত্র তাম্বুলান্ ফি-বলা গোজ্যে আর মর্‌ পবিত্র নাঙানর্‌ পবিত্রতাগান্‌ বরবাদ্ গোজ্যে।

লেবীয় 21:6

সিয়েন্‌ গুরিনে তারা তারার্‌ গোজেনর্‌‌ নাঙানর্‌ পবিত্রতাগান বর্বাদ গুরি ন-পারিবো। তারা যেন তারার্‌ গোজেনর্‌‌ নাঙে ফারগ্ ওই থান্‌। ধর্মগুরুগুনে লগেপ্রভুর্ নাঙে আগুন্দোই-গোজ্যে উৎসর্বর অনুষ্ঠান্‌ গুরিবাক্, আর সেনত্তে লগেপ্রভুর নাঙে তারাত্তুন যুদো ওই থাহ্‌ পুরিবো। এ উৎসর্বর্‌ জিনিস্‌চান অলঅ তারার্‌ গোজেনর্‌‌ নাঙে উৎসর্ব গোজ্যে হানা।

লেবীয় 22:1

ইয়েনর্ পরেদি লগেপ্রভু মোশিরে কলঅ,

লেবীয় 22:32

তুমি মর্‌ পবিত্র নাঙানর্‌ পবিত্রতাগান্‌ বর্‌বাদ্ ন-গোজ্য। তুমি মরে পবিত্র বিলি মানিবা। মুই লগেপ্রভু তমারে মর্‌ নাঙে যুদো গুরি রাগেয়োং।

গণাণা 18:32

ইয়েনত্‌ তমার কনঅ দুষ্‌ ন-অবঅ, কিত্যে বেগত্তুন্‌ গম্‌ ভাক্কান্‌ তুমি লগেপ্রভুরে দুয়ো। সালে তুমি ইস্রায়েলীয়গুনোরে দিয়্যে সুদ্ধো-সাংগ জিনিস্‌-পাদিনি অসিজি গরানার্‌ দুজে দুষী ন-অবা আর তুমি মুরিয়ো ন-যেবা।”

দ্বি’লম্বর বিররণ 15:19

তমাত্তুন গোরু-ভেড়া আর ছাগলর পত্তি পত্তম য়েমান ছঅগুন তমার গোজেন লগেপ্রভুর নাঙে যুদো গুরি রাগেবা। তমার গোরুগুনোর পত্তম ছঅ্‌বুয়ো কামত্‌ ন লাগেবা আর ছাগল আর ভেড়ার পত্তম ছঅবুয়োর কেশ্‌চানি ন কাবিবা।