লেবীয় 22:15 - Chakma Bible

^15-16 লগেপ্রভুর্ নাঙে ইস্রায়েলীয়গুনোর্‌ উৎসর্ব গোজ্যে পবিত্র জিনিস্‌চানি অন্যগুনোরে হেবাত্তে দিইনে ধর্মগুরুগুনে যেন তারার পবিত্রতাগান্‌ বর্‌বাদ্ ন-গরন্ আর এবাবোত্যেগুরি তারারে দুষি গুরি ক্ষেতিপূরোণ দিবার্‌ দায়ত্‌ ন-ফেলান। মুই লগেপ্রভু তারারে মর্‌ নাঙে যুদো গুরি রাগেয়োং।”

লেবীয় 22:15 ပူးပေါင်းရင်းမြစ်များ

যাত্রা 28:43

হারোণ আর তার্‌ পূঅগুনে যেক্কে মিলন-তাম্বুলত চোমেবাক্‌ বা পবিত্র জাগার্‌ ডালিপূজোত্‌ সেবা কাম্‌ গুরিবাত্যে উজেই যেবাক্ সেক্কে তারা এই জাংগিগুন্‌ পিনিবাক্‌। সেক্কে তারা দুষ্‌নেইয়্যে গুরি থেবাক্‌ আর মারা ন-পুড়িবাক্‌। হারোণ আর তার্‌ বংশধরুনোত্তে ইয়েনই অবঅ‌ এক্কান জিংকানিবর্‌ সুদোম।

যিহিষ্কেল 22:26

তার ধর্মগুরুগুনে মর্ রীদি-সুদোম বিরুদ্ধে কাম্ গরন আর মর্ সুদ্ধো-সাংগ জিনিস্‌চানি অসিজি গরন। যিয়েনি সিজি আর যিয়েনি সিজি নয় তারা সিয়েনি এক গুরি ফেলান্; তারা সিজি আর অসিজি ভিদিরে যে ফারক্কান্ আঘে সে পৌইদ্যেনে শিক্ষ্যে ন-দুয়োন্ আর মর্ জিরেবার দিনুন পালানা পৌইদ্যেনে চোগ্‌‌‌‌‌‌‌‌‌‌‌কুন নাঢি রাগান্। ইয়েনত্ তারা ভিদিরে মঅ নাঙানর্ পবিত্রতাগান বর্‌‌‌‌‌‌‌‌‌‌‌‌বাত্ অর্।

লেবীয় 19:8

যে সিয়েন্‌ হেবঅ তারে তার্‌ অন্যেয়ানত্তে দায়ী গরা অবঅ, কিত্যে সেক্কে মর্‌ পবিত্র জিনিস্‌চানরে অপবিত্র গরা অবঅ। সেই মানুচ্চোরে তার্‌ জাদত্তুন্‌ তুলি ফেলা অবঅ।

লেবীয় 22:9

মুই ধর্মগুরুগুনোরে যেদক্কানি উগুম্‌ দুয়োং সিয়েনি তারাত্তুন পালা পুরিবো। সিয়েনি ন-গুরিলে তারা দুষি অবাক্ আর ফি-বলা অনার্‌ কারনে তারা মুরি যেবাক্। মুই লগেপ্রভু তারারে মর্‌ আওজে যুদো গুরি রাগেয়োং।

গণাণা 18:32

ইয়েনত্‌ তমার কনঅ দুষ্‌ ন-অবঅ, কিত্যে বেগত্তুন্‌ গম্‌ ভাক্কান্‌ তুমি লগেপ্রভুরে দুয়ো। সালে তুমি ইস্রায়েলীয়গুনোরে দিয়্যে সুদ্ধো-সাংগ জিনিস্‌-পাদিনি অসিজি গরানার্‌ দুজে দুষী ন-অবা আর তুমি মুরিয়ো ন-যেবা।”