লেবীয় 21:21 - Chakma Bible

²¹ কিয়্যেত্‌ দাগ্‌ পোজ্যে লোইনে ধর্মগুরু হারোণর্‌ কনঅ বংশধর্‌ পুজোবো ইদু যেইনে লগেপ্রভুর নাঙে আগুন্দোই-গোজ্যে কনঅ উৎসর্বর্ অনুষ্ঠান গুরি ন-পারিবাক্। দাগ্‌ আঘে বিলিনে তে পূজোবো ইদু যেইনে তার্‌ গোজেন নাঙে কনঅ হানা উৎসর্ব গুরি ন-পারিবো।

লেবীয় 21:21 ပူးပေါင်းရင်းမြစ်များ

লেবীয় 2:3

এ শোজ্য-উৎসর্বর জিনিজোর্‌ বাদবাগি যিয়েনি থেবঅ সিয়েনি হারোণ আর তার্ পূঅগুনোর্‌ পাওনা অবঅ। লগেপ্রভুর্ নাঙে আগুন্দোই-গোজ্যে বেক্‌ উৎসর্বয়ান ভিদিরে শোজ্য-উৎর্বর্ এ যেরেদি ভাক্কো দাঙর্‌ পবিত্র জিনিস্।

লেবীয় 21:17

তুই হারোণরে কঅ, কিয়্যেত্ থুদো বলা তার্ কোন বংশধর তার্‌ গোজেনর নাঙে হানা উৎসর্ব গুরিবাত্তে পূজোবো ইদু যেই ন-পারিবো।

লেবীয় 21:6

সিয়েন্‌ গুরিনে তারা তারার্‌ গোজেনর্‌‌ নাঙানর্‌ পবিত্রতাগান বর্বাদ গুরি ন-পারিবো। তারা যেন তারার্‌ গোজেনর্‌‌ নাঙে ফারগ্ ওই থান্‌। ধর্মগুরুগুনে লগেপ্রভুর্ নাঙে আগুন্দোই-গোজ্যে উৎসর্বর অনুষ্ঠান্‌ গুরিবাক্, আর সেনত্তে লগেপ্রভুর নাঙে তারাত্তুন যুদো ওই থাহ্‌ পুরিবো। এ উৎসর্বর্‌ জিনিস্‌চান অলঅ তারার্‌ গোজেনর্‌‌ নাঙে উৎসর্ব গোজ্যে হানা।

লেবীয় 21:8

ও ইস্রায়েলীয়গুন্‌, তুমিয়ো ধর্মগুরুগুনোরে গোজেনর্‌‌ নাঙে যুদো গুরি রাগেয়্যে মানুচ্‌ ইজেবে চেবা, কিত্যে তারা তমার্‌ গোজেনর্‌‌ নাঙে হেবার্‌ উৎসর্ব গুরিবার্‌ কাম গরন্‌। যুদো গুরি রাগেয়্যে মানুচ্‌ বিলিই তারারে চাহ্ পুরিবো, কিত্যে মুই লগেপ্রভু নিজেই পবিত্র আর মুয়ই তমারে মর্‌ নাঙে যুদো গুরি রাগেয়োং।