লেবীয় 20:8 - Chakma Bible

⁸ মর্‌ সুদোমানি তমাত্তুন্‌ ধুরি রাগা পুরিবো আর সে ধোক্ক্যেন চলা পুরিবো। মুই লগেপ্রভু, মুয়ই তমারে মর্‌ নাঙে যুদো গুরি নেযেয়োং।

লেবীয় 20:8 ပူးပေါင်းရင်းမြစ်များ

যিহিষ্কেল 20:12

মর্ আর তারা ভিদিরে চিহ্নো ইজেবে জিরেবার দিনুন্‌অ তারারে দিলুং যেনে তারা হবর্ পান, মুই লগেপ্রভু মর্ নাঙে তারারে যুদো গুরিলুং।

যিহিষ্কেল 37:28

মঅ ঘরান্ যেক্কে উমরত্তে তারা ভিদিরে অবঅ সেক্কে জাদ্‌‌‌‌তুনে বেক্কানি হবর্ পেবাক্, মুই লগেপ্রভু ইস্রায়েলরে মর্ নাঙে যুদো গোজ্যং।’”

লেবীয় 19:19

মর্‌ সুদোমান মানি চলা পুরিবো। নানান্ জাদর্‌ য়েমান সমারে কিয়্যেদি মিজেনা ন-চলিবো। একই ক্ষেদত্‌ দ্বিবাবোত্যে বীজ লাগানা ন-চলিবো। দ্বিজাদর্‌ সুদোলোই বুন্যে কাবড় উরোনা ন-চলিবো।

লেবীয় 19:37

মর্‌ বেক্‌ সুদোমানি তমাত্তুন্‌ পালন গরা পুরিবো আর বেক্‌ রীদি-সুদোমানি মানি চলা পুরিবো। মুই লগেপ্রভু।”

লেবীয় 20:26

মুই লগেপ্রভু পবিত্র বিলি তমাত্তুনো পবিত্র ওয়া পুরিবো; আর মুয়ই তমারে মর্‌ নিজোর্‌ মানুচ্‌ অবাত্তে অন্য বেক্‌ জাদত্তুন্‌ ফারগ্ গুরি নেযেয়োং।

লেবীয় 21:8

ও ইস্রায়েলীয়গুন্‌, তুমিয়ো ধর্মগুরুগুনোরে গোজেনর্‌‌ নাঙে যুদো গুরি রাগেয়্যে মানুচ্‌ ইজেবে চেবা, কিত্যে তারা তমার্‌ গোজেনর্‌‌ নাঙে হেবার্‌ উৎসর্ব গুরিবার্‌ কাম গরন্‌। যুদো গুরি রাগেয়্যে মানুচ্‌ বিলিই তারারে চাহ্ পুরিবো, কিত্যে মুই লগেপ্রভু নিজেই পবিত্র আর মুয়ই তমারে মর্‌ নাঙে যুদো গুরি রাগেয়োং।

লেবীয় 22:32

তুমি মর্‌ পবিত্র নাঙানর্‌ পবিত্রতাগান্‌ বর্‌বাদ্ ন-গোজ্য। তুমি মরে পবিত্র বিলি মানিবা। মুই লগেপ্রভু তমারে মর্‌ নাঙে যুদো গুরি রাগেয়োং।

মথি লেখ্যে গম্ হবর্ 12:50

কিয়া যিগুনে মর্ স্বর্গর্ বাবঅ আওজ্ পালান্ তারা-মর্ ভেই, বোন আর মা।”

মথি লেখ্যে গম্ হবর্ 23:17

মূর্খ আর কানা দল, কুবোন্ দাঙর্? সনা, নাহি সেই উবোসনা-ঘর্ যিয়েন সেই সনাগানরে গোজেনত্তে যুদো গুরি রাগায়?

মথি লেখ্যে গম্ হবর্ 5:19

সেনত্তে উগুমানি ভিদিরে চিগোন্ এক্কান উগুম্অ যে কনজনে অমান্য গরে আর মান্‌‌জ্যরে সিয়েনি অমান্য গুরিবাত্তে শিক্ষ্যে দে তারে স্বর্গ-রেজ্যত্ বেগত্তুন্ চিগোন্ বিলি কুয়ো অবঅ। মাত্তর্ যে কনজনে সে উগুমানি মানে আর শিক্ষ্যে দে তারে স্বর্গ-রেজ্যত্ দাঙর্ কুয়ো অবঅ।

মথি লেখ্যে গম্ হবর্ 7:24

“সে পরেদি যে কনজনে মর্ এই বেগ্ কধানি শুনিনে সিয়েনি পালায় তে এমন্ এক্কো বুদ্ধিবলা মান্‌জ্য ধোক্ক্যেন্, যে পাত্তর উগুরে তা ঘরান্ বানেল।

যোহন 13:17

ইয়েনি বেক্কানি কোই পারিনে যুনি সিয়েনি পালঅ সালে তুমি বর্ পেইয়্যে।

১ করিন্হীয় 1:30

যীশু খ্রীষ্ট সমারে যে তুমি এগত্তর্ গুরি আঘ সিয়েন গোজেনত্তুন্ ওইয়্যে। যীশু খ্রীষ্ট আমা ইধু গোজেনর্ দিয়্যে জ্ঞান; তেয়ই আমার নিদ্দুজি, পবিত্র আর উদ্ধোর্।

১ থিষলনীকীয় 5:23

শান্তিদিয়্যে গোজেনে নিজেই তমারে পুরোপুরি গুরিনে পবিত্র গোরোক্, আর আমার প্রভু যীশু খ্রীষ্ট এবার্ সময়োত্ তমার পুরো কিয়্যেগান-আত্মাগান-মনান নিদ্দুজি রাগেয়ো।

২ থিষলনীকীয় 2:13

প্রভুর্ কোচ্‌পেইয়্যে মঅ ভেই-বোনলগ্, তমাত্যে নিত্য গোজেনরে আমার ভালেদি জানানা উচিত, কিয়া পাপত্তুন্ উদ্ধোর পেবাত্যে গোজেনে পৌইল্যাত্তুন ধুরি তমারে বেঈ লোইয়্যে। পবিত্র আত্মালোই গোজেনত্যে তমারে ফারগ্ গুরি থনার্ মাধ্যমে আর গম্ হবরর্ সত্যগান তমার বিশ্বেজর্ মাধ্যমে তুমি পাপত্তুন্ উদ্ধোর্ পেইয়ো।

যাকোব 1:22

বানা গোজেন কধানি শুনিলে ন-চলিবো, সেবাবোত্যে গুরি কাম্‌অ গরা পরিবো। যুনি তুমি বানা গোজেনর্ কধানি শুনো মাত্তর্ সে ধগে কাম্ ন-গরঅ সালে তুমি নিজোরে থগর্।

ফগদাং পেইয়্যে 22:14

বর্‌‌পেইয়্যে তারা, যিগুনে তারার্ পজাক্কানি ধোই ফেলান্ যেন তারা জিংকানি গাজর্ ফল হেবার অধিকারী অন্ আর গেট্‌তো ইন্দি শঅরত্ সোমেই পারন্।