লেবীয় 20:7 - Chakma Bible

⁷ তুমি মর্‌ নাঙে নিজোরে যুদো গুরি নিইনে পবিত্র ওইয়ো, কিত্যে মুই লগেপ্রভু তমার গোজেন।

লেবীয় 20:7 ပူးပေါင်းရင်းမြစ်များ

লেবীয় 11:44

মুই লগেপ্রভু তমার্‌ গোজেন। সেনত্তে তুমি মর্‌ নাঙে নিজোরে ফারক্‌ গুরি রাগেবা আর পবিত্র অবা, কিত্তে মুই পবিত্র। মাদি উগুরে ঘুরি বেড়েয়্যে চিগোন-চাগোন্‌ কনঅ প্রাণীলোই তুমি নিজোরে ফিবলা ন-অবা,

লেবীয় 11:45

কিত্তেই মুই লগেপ্রভু; তমার্ গোজেন অবাত্তে মুই মিসর দেজত্তুন্‌ তমারে নিগিলেই আন্যং। মুই পবিত্র বিলি তমাত্তুনো পবিত্র অয়া পুরিবো।

লেবীয় 21:15

যেনে তে পুরো বংশর্‌ ভিদিরে তার্‌ নিজোর্‌ ঝি-পূঅগুনোরে যুদো গোজ্যে অবস্থাত্তুন্‌ সাধারন অবস্থাত্‌ লামেই ন-আনে। মুই লগেপ্রভু, মুয়ই দাঙর্‌ ধর্মগুরুগুনোরে মর্‌ নাঙে যুদো গুরি রাগেয়োং।”

লেবীয় 21:23

মাত্তর্‌ তার্‌ কিয়্যেত্ দাগ্‌ আঘে বিলিনে তে পবিত্র জাগানর্‌ পর্দাগান ইদু বা পূজোবোর্‌ মুজুঙোত যেইনে মর্‌ পবিত্র জাগাগানির্‌ পবিত্রতাগান্‌ বর্‌বাদ্ গুরি ন-পাবিবো। মুই লগেপ্রভু, মুয়ই ধর্মগুরুগুনোরে মর্‌ নাঙে যুদো গুরি রাগেয়োং।

লেবীয় 21:8

ও ইস্রায়েলীয়গুন্‌, তুমিয়ো ধর্মগুরুগুনোরে গোজেনর্‌‌ নাঙে যুদো গুরি রাগেয়্যে মানুচ্‌ ইজেবে চেবা, কিত্যে তারা তমার্‌ গোজেনর্‌‌ নাঙে হেবার্‌ উৎসর্ব গুরিবার্‌ কাম গরন্‌। যুদো গুরি রাগেয়্যে মানুচ্‌ বিলিই তারারে চাহ্ পুরিবো, কিত্যে মুই লগেপ্রভু নিজেই পবিত্র আর মুয়ই তমারে মর্‌ নাঙে যুদো গুরি রাগেয়োং।

ইফিষীয় 1:4

আমি যেনে গোজেন চোগেদি পবিত্র আর গম্ ওই পারিই সেনত্যে গোজেনে জগদ্‌‌‌তান বানেবার্ আগেদি খ্রীষ্টর্ মাধ্যমে আমারে বেঈ লোইয়্যে। তার্ কোচ্‌পানাত্যে তে হুজী ওইনে নিজোর্ আয়োজে আগে ধুরি ঠিগ গোজ্জ্যেদে, যীশু খ্রীষ্টর্ মাধ্যমে তার্ পুয়ো ইজেবে তে আমারে মানি লবঅ।

কলসীয় 3:12

ইয়েনত্যে গোজেনে যিগুনোরে বেঈ লোইনে নিজোত্যে জুদো গুরি থোইয়্যে তার্ সেই কোচ্‌‌পেইয়্যে মানুচ্‌ ইজেবে তুমি মনেদি মেয়্যে, দোয়্যে, নম্রতা, নরম-খাচ্চ্যত্ আর ধৈজ্জ্য দিইনে নিজোরে সাজঅ।

১ থিষলনীকীয় 4:3

গোজেনর্ আওজ্‌চান ইয়েন-তুমি পবিত্র অ, অত্তাৎ নানান্ বাবোত্যে সিনেলীত্তুন্ দূরোত্ থাগঅ,

১ থিষলনীকীয় 4:7

কিয়া গোজেনে ফি-বলা ওইনে চলিবাত্যে আমারে ন-ডাগে, পবিত্র গুরি চলিবাত্যে ডাক্ক্যে।

ইব্রীয় 12:14

বেক্‌ মানুচ্চুনো সমারে সুগে-শান্দিয়্যে থাগদে আর পবিত্র অবাত্যে আয়োজি অ।

যিহোশূয় 24:19

এ কধাগান শুনিনে যিহোশূয় মানুচ্চুনোরে কলদে, “মাত্তর্‌ তুমি তার সেবা গুরি ন-পারিবা, কিত্যে তে পবিত্র গোজেন, তার্‌ পাওনা ভোক্তিগান্‌ তে আর কাররে পেবাত্তে ন-দিবো। তমার উল্লোমিগানি আর তমার পাপ্পানি তে খেমা ন-গুরিবো।

যিহোশূয় 3:5

ইয়েনর্ পরেন্দি যিহোশূয় মানুচ্চুনোরে কলঅ‌, “তুমি নিজোরে সিজি গুরি নেযঅ‌, কিত্যে এযেত্যেকেল্যে লগেপ্রভু তমা ভিদিরে ভালক্কানি আমক্‌ কাম্‌ গুরিবো।”