লেবীয় 20:5 - Chakma Bible

⁵ মাত্তর্‌ সেই উৎসর্ব গুরিয়েবো আর তার্‌ পরিবারত্তুন্‌ মুই নিজেই মুয়োন ফিরেই নিম। তারে আর তা সমারে যিগুনে মঅ উগুরে অবিশ্বেজী ওইনে মোলক দেবেদা ইদু নিজোরে গোজেই দুয়োন তারারে মুই ইস্রায়েল জাদত্তুন্‌ তুলি ফেলেম।

লেবীয় 20:5 ပူးပေါင်းရင်းမြစ်များ

২ বংশধর 21:11

তে যিহূদার মুড়োগুনো উগুরে পূজোর্‌ অজল্‌ জাগায়ান্‌ বানেল আর তাত্তে যিরূশালেম মানুচ্চুনে বানেয়্যে মূত্তি পূজোবোত্‌ নিজোরে দিলাক্‌ আর যিহূদার মানুচ্চুনে অন্য পধেদি গেলাক্‌।

গীতসংহিতা 106:39

ইয়েনি গুরিনে তারা নিজোরে ফি বলা বানেলাক্; তারার্ কামানিলোই তারা লগেপ্রভু ইদু অবিশ্বেজি অলাক্।

যাত্রা 20:5

তুমি তারারে পূজোয়ো ন-গুরিবা, তারারে সেবায়ো ন-গুরিবা, কিত্তে বানা মুয়ই লগেপ্রভু তমার্‌ গোজেন। মর্‌ পাওনা ভোক্তিগান মুই চাং। যিগুনে মরে ঘিনেন্‌ তারার্‌ পাবর্‌ সাজা-মুই তারারে তিনোত্তুন্‌ ধুরি চের্‌ পুরুষ সং দুয়োং।

যিরমিয় 3:2

“তুই চোগ্ মিলিনে গাজ্‌পালা নেইয়্যে মুড়োগুনো ইন্দি রিনি চাহ্। এমন্ কনঅ জাগা আঘে কি যিয়েনত্ তুই বেশ্যে ন-গরচ্? যিগুনো সমারে তুই বেশ্যে গোজ্যস্ তারারে তুই পধ পাজারাত্ বাজ্জেবাত্তে বুয়োই থেদে, ধূল্যেচরর আরবীয়গুনো ধোক্ক্যেন হাব্ পাদি থেদে। তর্ বেশ্যেগানি আর পাজিগানিলোই তুই দেজ্‌চানরে অসিজি গোজ্যস্।‌‌‌‌‌‍

যিরমিয় 32:39

মুই তারারে এমন মন আর স্বভাব দিম যিগুনে বানা মইন্দি এগামনে এগাচিত্তে থেবাক্; সেক্কে তারা নিজোর আর তারার পরেদি তারার ঝি-পুয়োগুনোর ভালেদিত্তে নিত্য মরে ভোক্তি গুরিনে দোরেবাক্।

যিরমিয় 44:11

“সেনত্তে মুই ইস্রায়েলর গোজেন বেগত্তুন খেমতাবলা লগেপ্রভু ঠিগ্ গোজ্যংগে, তমা উগুরে দজা আনিনে বেক্ যিহূদাগানরে মুই ভস্ত গুরিম।

হোশেয় 2:13

যেদক্ দিন সং তে বাল দেবেদাগুনোর্ নাঙে আগর্‌বাট্টি জ্বালেয়্যে আর আন্দিক্ আর গহনা-গাটি দিইনে নিজোরে সাজেইনে তা লাঙুনে ইন্দি যেইনে মরে ভুলি যেয়্যেগোই সেদক্ দিনোত্তে মুই তারে সাজা দিম। মুই লগেপ্রভু এ কধাগান কঙর্।

হোশেয় 2:5

তারার্ মাবো বেভিচের্ গোজ্যে; যে তারারে পেদত্ ধোজ্যে তে লাজ্ গরেপারা কাম্ গোজ্যে। তে কদঅ, মুই মঅ লাঙেগুনো পিজেদি যেইম্; তারা মরে হানা, পানি, পশম, মসীনা, তেল আর পানীয় দি থান্।

লেবীয় 17:10

কনঅ ইস্রায়েলীয় বা তারা ভিদিরে বজত্তি গোজ্যে অন্য জাদর্‌ কনঅ মানুচ্‌ যুনি লো খায় সালে তা সিত্তুন্‌ মুই মর্‌ মুয়োন্‌ ফিরেই নেযেম আর তা জাদত্তুন্‌ তারে তুলি ফেলেম,

লেবীয় 17:7

লগেপ্রভু উগুরে অবিশ্বেজি ওইনে ছাগল-দেবেদাগুনোর্‌ নাঙে য়েমান্‌ উৎসর্ব গুরিনে তারাত্তুন আর নিজোরে বিজি দেনা ন-চলিবো। ইয়েন্‌ এক্কান্‌ থিদেবর্ গোজ্যে সুদোম ইজেবে বংশর্‌ পর বংশ ধুরিনে তারাত্তুন্‌ পালা পুরিবো।

লেবীয় 20:4

মোলক দেবেদা ইদু পূঅ উৎসর্ব গুরিবার্‌ অক্তত্‌ যুনি দেজর্‌ মানুচ্চুনে সিয়েন্‌ দেগিনেয়ো ন-দেগন্‌ আর উৎসর্ব গুরিয়্যেবোরে মারে ন-ফেলান,

লেবীয় 20:6

যে মানুচ্চো মঅ উগুরে অবিশ্বেজী ওইনে ভূত্তুনো মাধ্যম ইদু বা ভান্ন্যেই আত্মাগুনো সমারে মিজেই এবাবোত্যে মান্‌জ্য ইদু নিজোরে গোজেই দে মুই তাত্তুন্‌ মুয়োন্‌ ফিরেই নিম আর তা জাদত্তুন্‌ তারে তুলি ফেলেম।