লেবীয় 20:27 - Chakma Bible

²⁷ “যিদুক্কুন মরদ বা মিলে ভূত্তুনোর্‌ মাধ্যম অন্‌ বা যিগুনে ভান্ন্যেই আত্মা সমারে মিজেন্ তারার্‌ সাজা অবঅ মরণ। তারারে পাত্তর্‌ মারিনে মারে ফেলা পুরিবো। নিজোর্‌ মরণানত্তে তারা নিজেরাই দায়ী।”

লেবীয় 20:27 ပူးပေါင်းရင်းမြစ်များ

২ বংশধর 33:6

বিন্‌-হিন্নোম কিজিঙোত্‌ তা পুয়োগুনোরে তে আগুনোত্‌ পুড়িনে উৎসর্ব গুরিলো। যিগুনে কুলক্ষণ দেগিনে আগাম্ কধা কন্‌, ফু-ফা আর যাদুবিদ্যে বেবহার গুরিনে আর ভূত্‌তুনোর সমাজ্যে অন্‌ আর ভান্ন্যেই আত্মাগুনোর্‌ লগে মিজেন্‌ তে তারা লগে সল্লা গুরিদো। লগেপ্রভুর চোগেন্দি ভালোক্কানি ভান্ন্যেই কাম্‌ গুরিনে তে তারে অহুজি গুরিলো।

যাত্রা 22:18

কনঅ যাদুগুরিয়্যে মিলেরে বাঁজি থেবাত্তে ন-দিবা।

লেবীয় 19:31

যিগুনে ভূদো ভিদিরে থান্‌ বা ভান্ন্যেই আত্মা সমারে মিলেমিলি রাগান্‌ তারা ইদু যানা ন-চলিবো, কিত্যে তারা তমারে ফি-বলা বানেবাক্। মুই লগেপ্রভু তমার গোজেন।

লেবীয় 20:6

যে মানুচ্চো মঅ উগুরে অবিশ্বেজী ওইনে ভূত্তুনো মাধ্যম ইদু বা ভান্ন্যেই আত্মাগুনো সমারে মিজেই এবাবোত্যে মান্‌জ্য ইদু নিজোরে গোজেই দে মুই তাত্তুন্‌ মুয়োন্‌ ফিরেই নিম আর তা জাদত্তুন্‌ তারে তুলি ফেলেম।

লেবীয় 24:14

যে মানুচ্চো অভিশাব দিয়্যে তারে তাম্বুলোর্‌ বারেন্দি নেযঅ। যিগুনে তারে সেই অভিশাব দেদে শুন্যন্‌ তারা বেক্কুনে তার্‌ মাদা উগুরে আত্‌ রাগাদোক্‌, সে পরেদি ইস্রায়েলীয়গুনে তারে পাত্তর মেলা দিইনে মারে ফেলাদোক্।

গণাণা 15:35

সেক্কে লগেপ্রভু মোশিরে কলঅ, “মানুচ্চোরে মারে ফেলা পুরিবো। তাম্বুলো বারেন্দি নেযেইনে বেক্‌ ইস্রায়েলীয়গুনে তারে পাত্তর্‌ মারিবাক।”

প্রেরিত্‌ 16:16

একদিন্ন্যে যেক্কে আমি সেই তবনা গুরিবার্ জাগানত্ যেইর্ সেক্কে এক্কো চাগরাণীর্ লগে আমার্ দেগা অলঅ। তারে এক্কো ভান্ন্যেই আত্মায় পেইয়্যে যিয়েনত্তে তে আগাম্ কধা কোই পাত্ত। সিয়েন্দোই তা গিরোজ্‌সোর্ লাভ্ অদঅ।

দ্বি’লম্বর বিররণ 21:21

সেক্কে সিদুগোর্ বেক্‌ মরত্তুনে তারে পাত্তর্‌ মেলা দিইনে মারে ফেলেবাক। ইঙিরিনে তমা ভিদিরেত্তুন সে ভান্ন্যেইয়ানি শেজ্‌ গুরি দিয়্যে পুরিবো। সেক্কে ইস্রায়েলীয়গুনে বেক্কুনে এ কধাগান শুনিনে দোরেবাক্।

১ শমূয়েল 28:3

ইয়েনর্‌ আগেন্দি শমূয়েলে মুরি যেইয়্যে, আর ইস্রায়েলীয়গুনে বেক্কুনে তাত্তে আবিলেচ্‌ গুরিনে তারে তার নিজোর্‌ শঅর্‌ রামাত্‌ গোর্ দুয়োন। যিগুনে মরা মানজ্যর্‌ আত্মা সমারে কধাবাত্তা কন্‌ আর যিগুনে ভান্ন্যেই আত্মা সমারে মিজেন্‌ শৌল দেজত্তুন্‌ এধোক্ক্যেন বেক্‌ মানুচ্চুনোরে নিগিলেই দিয়্যে।