লেবীয় 20:26 - Chakma Bible

²⁶ মুই লগেপ্রভু পবিত্র বিলি তমাত্তুনো পবিত্র ওয়া পুরিবো; আর মুয়ই তমারে মর্‌ নিজোর্‌ মানুচ্‌ অবাত্তে অন্য বেক্‌ জাদত্তুন্‌ ফারগ্ গুরি নেযেয়োং।

লেবীয় 20:26 ပူးပေါင်းရင်းမြစ်များ

গীতসংহিতা 99:5

আমা গোজেন লগেপ্রভুর বাঈনী গর; তা টেঙ্ থইদ্যে মুজুঙোত্ মাদা নিগিরিনে তারে জু জু জান; তে পবিত্র।

গীতসংহিতা 99:9

সেনত্তে আমা গোজেন লগেপ্রভুর বাঈনী গরঅ; তা পবিত্র মুড়োবোর মুজুঙোত্ তারে শ্রদ্ধা জানঅ, কিত্তে আমা গোজেন লগেপ্রভু পবিত্র।

যাত্রা 33:16

তুই আমা লগে ন-গেলে মানুচ্চুনে কিঙিরিনে বুঝিবাক্‌, মঅ উগুরে আর তর্‌ মানুচ্চুনো উগুরে তর্‌ দোয়্যে আঘে? মুই আর তর্‌ মানুচ্চুনে যে পিত্‌থিমীর্‌ অন্য মানুচ্চুনোত্তুন্‌ যুদো সিয়েন্‌ আর কেধোক্ক্যেনগুরি বুঝো যেবঅ‌?

যিশাইয় 30:11

পথ্‌তান ছাড়, পথ্‌‌‌তানত্তুন্ সুরি যঅ। আমি আর্ ইস্রায়েলর সেই পবিত্র মানুচ্চোর কধা শুনিবাত্তে ন-চেই।”

যিশাইয় 6:3

তারা একজন আর একজনরে ডাগিনে কদন্, বেগত্তুন্ খেমতাবলা লগেপ্রভু পবিত্র, পবিত্র, পবিত্র; তা মহিমালোই পুরো পিত্‌থিমীগান্ ভর্‌পুনং।

লেবীয় 11:44

মুই লগেপ্রভু তমার্‌ গোজেন। সেনত্তে তুমি মর্‌ নাঙে নিজোরে ফারক্‌ গুরি রাগেবা আর পবিত্র অবা, কিত্তে মুই পবিত্র। মাদি উগুরে ঘুরি বেড়েয়্যে চিগোন-চাগোন্‌ কনঅ প্রাণীলোই তুমি নিজোরে ফিবলা ন-অবা,

লেবীয় 20:24

মুই তমারে কোইয়োংগে, তারার্‌ দেজ্‌চান্‌ তমা অধীনোত্‌ এবঅ। দুধ, মধু আর কনঅ কিজুর্‌ অভাব নেইয়ে এক্কান্‌ দেজ্‌ সোম্বোত্তি ইজেবে মুই তমারে দিম। মুই লগেপ্রভু তমার গোজেন। অন্য বেক্‌ জাদত্তুন্‌ মুয়ই তমারে ফারক্‌ গোজ্যং।

লেবীয় 20:7

তুমি মর্‌ নাঙে নিজোরে যুদো গুরি নিইনে পবিত্র ওইয়ো, কিত্যে মুই লগেপ্রভু তমার গোজেন।

লেবীয় 20:8

মর্‌ সুদোমানি তমাত্তুন্‌ ধুরি রাগা পুরিবো আর সে ধোক্ক্যেন চলা পুরিবো। মুই লগেপ্রভু, মুয়ই তমারে মর্‌ নাঙে যুদো গুরি নেযেয়োং।

দ্বি’লম্বর বিররণ 14:2

তুমি তমার গোজেন লগেপ্রভুর নাঙে এক্কো ফারক্‌ গোজ্যে জাদ। পিত্‌থিমীর বেক্‌ জাদ্‌তুনো ভিদিরেত্তুন্‌ লগেপ্রভু তমারে বেঈ লোইয়্যে যেনে তুমি তার নিজোর বিশেজ্ সোম্বোত্তি অ।

দ্বি’লম্বর বিররণ 7:6

তুমি এন্‌ এক্কো জাদ যিবেরে তমা গোজেন লগেপ্রভুর্‌ নাঙে যুদো গুরি রাগা ওইয়্যে। তুমি যেনে তমার গোজেন লগেপ্রভুর নিজোর্‌ মানুচ্‌ আর সোম্বোত্তি অ সেনত্যে পিত্‌থিমীর বেক্‌ জাদর্‌ ভিদিরেত্তুন্‌ তে তমারে বেঈ লোইয়্যে।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

যিহোশূয় 24:19

এ কধাগান শুনিনে যিহোশূয় মানুচ্চুনোরে কলদে, “মাত্তর্‌ তুমি তার সেবা গুরি ন-পারিবা, কিত্যে তে পবিত্র গোজেন, তার্‌ পাওনা ভোক্তিগান্‌ তে আর কাররে পেবাত্তে ন-দিবো। তমার উল্লোমিগানি আর তমার পাপ্পানি তে খেমা ন-গুরিবো।

ফগদাং পেইয়্যে 3:7

ফিলাদিল্‌ফিয়া শঅরর্ মন্ডলী দূত্‌তো ইধু এ কধাগান লেগ- যিবে পবিত্র আর সত্য, যাইধু দায়ূদোর চাবি আঘে, যিবে খুলিলে কেঅ বানি ন-পারে আর বানিলে কেঅ খুলি ন-পারে,

ফগদাং পেইয়্যে 4:8

এই চের্‌বো জেদা পরাণবলার্ পত্তিবোর্ ছ'গান গুরি ডুয়ো এলঅ আর বেক্‌ জাগানিত্ চোগ্‌কোই ভরণ এলঅ। সেই পরাণবলাগুনে দিনে-রেদে এ কধাগান কধন্, “বেগত্তুন্ খেমতাবলা প্রভু গোজেন, যিবে এলঅ, যিবে আঘে আর যিবে এজের্, তে পবিত্র, পবিত্র, পবিত্র।”