লেবীয় 20:23 - Chakma Bible

²³ তমা মুজুঙেত্তুন্‌ মুই যিদুক্কুন্‌ জাদরে দাবেই দিবাত্তে যাঙর্‌ তুমি সেই জাদতুনোর্‌ চালচলন মজিম ন-চলিবা। তারার্‌ সেই চালচলনত্তেই মুই তারারে অমকদ ঘিনাইদে চোগোন্দি দেগং।

লেবীয় 20:23 ပူးပေါင်းရင်းမြစ်များ

গীতসংহিতা 78:59

ইয়েনি দেগিনে গোজেনে অমকদ বেজার্ অলঅ; তে ইস্রায়েলরে পুরোপুরি গুরিনে এলাফেলা গুরিলো।

লেবীয় 18:24

এবাবোত্যে কনঅ কাম্‌ গুরিনে তমা ভিদিরেত্তুন্‌ কনজনে যেন নিজোরে ফি-বলা ন-গরন, কিত্যে তমা মুজুঙোত্তুন্‌ যিদুক্কুন জাদরে মুই দাবেই দিম্‌ তারায়ো সেবাবোত্যেগুরি নিজোরে ফি-বলা গোজ্যন্‌।

লেবীয় 18:25

ইয়েনত্তে তারার্‌ দেজ্‌চানঅ ফি-বলা ওই যেইয়্যে। সেনত্তে অন্যেয়র্‌ কারনে দেজ্‌চানরে মুই সাজা দুয়োঙর্‌ আর দেজ্‌চানেয়ো তা মানুচ্চুনোরে উগুলিনে ফেলেই দিবাত্তে যার্‌।

লেবীয় 18:27

আগেত্তুন্‌ ধুরি যিগুনে সেই দেজত্‌ বজত্তি গুরি এত্তন্‌ তারা সেই কামানি গুরিনে দেজ্‌চানরে ফি-বলা গুরি ফেল্যন্‌।

লেবীয় 18:3

সেনত্তেই তুমি যিয়েনত্‌ বজত্তি গুরিদা সে মিসর দেজর্‌ মানুচ্চুনে যিয়েন্‌ গুরিদাক্‌ তুমি সিয়েন্‌ ন-গুরিবা আর মুই যিয়েনত্‌ তমারে নেযাঙর্‌ সে কনান দেজর্‌ মানুচ্চুনে যিয়েন্‌ গরন্‌ সিয়েন তুমি ন-গুরিবা। তুমি সেই মানুচ্চুনোর্‌ চালচলন মজিম্ ন-চলিবা।

লেবীয় 18:30

মর্‌ উগুমানি তুমি মানি চলিবা আর সিদু লুমিনেই আগ আদাম্মেগুনোর্‌ জঘন্য চালচলনর্‌ এক্কানঅ তুমি ন-গুরিবা। ইয়েনিলোই তুমি নিজোরে ফি-বলা ন-গুরিবা। মুই লগেপ্রভু তমার গোজেন।”

সখরিয় 11:8

এক মাস ভিদিরে মুই তিনজন গরগরে দূর্ গুরি দিলুং। পরেদি সেই পাল্লো মরে ঈস্ গরা ধুরিলো আর মুইয়ো তারারে নিইনে বল্‌পোজ্যে ওই পুড়িলুং।

দ্বি’লম্বর বিররণ 9:5

ধার্মিক বা গম্‌ বিলিনেই যে তুমি তারার্‌ দেজ্‌ছান্‌ গজক্ গুরিবাত্তে যর্‌ সিয়েন্‌ নয়, বরং তমার্‌ গোজেন লগেপ্রভু তমা পুরোণি মানুচ্‌ অব্রাহাম, ইসহাক আর যাকোব ইদু যে কধাগান্‌ এগেম্ গুরিনে কোইয়্যে সিয়েনি ছিড়েবাত্তে তে এ বেক্‌ জাদর্‌ ভান্ন্যেয়ানির্‌ কারনে তমা মুজুঙোত্তুন্‌ তারারে ধাবেই দিবো।