লেবীয় 20:22 - Chakma Bible

²² মুই তমারে যে দেজ্‌চানত্‌ বজত্তি গুরিবাত্তে নেযাঙর্‌ সেই দেজচানে যেনে তমারে উগুলি ফেলেই ন-দে সেনত্তে মর্‌ বেক্‌ সুদোমানি আর রীদি-সুদোমানি তমাত্তুন্ পালন গরা পুরিবো।

লেবীয় 20:22 ပူးပေါင်းရင်းမြစ်များ

গীতসংহিতা 105:45

যেনে তারা তার সুদোমানি পালান্ আর তার রীদি-সুুদোমানি মানন্। লগেপ্রভুরে নাঙ্ গিনে ওক্।

গীতসংহিতা 119:106

মুই তর্ গম সুদোমানি মানি চলিবাত্তে শমক্ গোজ্যং, আর সে শমক্তানি দরমর গোজ্যং।

গীতসংহিতা 119:145

মনেদি মুই তরে ডাগঙর্; ও লগেপ্রভু, মরে জোব্ দে। মুই তর্ বেক সুদোমানি পালেম্।

গীতসংহিতা 119:160

তর্ বেক কধানি সত্য; তর্ এক এক্কান ধর্মীয় সুদোম উমরত্তে থিদেবর্ গোজ্যে।

গীতসংহিতা 119:164

তর্ ধর্মীয় সুদোমানিত্তে দিনে সাতপল্লা মুই তরে নাঙ্ গিনোং।

গীতসংহিতা 119:171

মঅ মুয়োন্দি তরে নাঙ্ গিনি পারং, কিত্তে তুয়ই মরে তর্ সুদোমানি শিগেই দুয়োর্।

গীতসংহিতা 119:175

মরে বাঁজিবাত্তে দে যেনে মুই তরে বাঈনী গুরি পারং; তর্ সুদোমানিয়ে মরে এজাল্ দোক্।

গীতসংহিতা 119:20

তর্ সুদোমানি হবর্ পেবাত্তে নিত্য মঅ পরাণানর আওজ্‌ছান বেশ্।

গীতসংহিতা 119:80

তর্ সুদোমানি পালাদে মর্ মনান যেন গম্ থায়, যেনে মুই লাজত্ ন-পড়ং।

যাত্রা 21:1

সে পরেদি লগেপ্রভু মোশিরে কলঅ‌, ইস্রায়েলীয়গুনো মুজুঙোত্‌ তুই মর্‌ এই বেক্‌ সুদোমানি তুলি ধুরিবে।

যিহিষ্কেল 36:27

তমা ভিদিরে মুই মর্ আত্মাগান থিদেবর্ গুরিম আর এমন গুরিম যেনে তুমি মর্ বেক সুদোমানি পালঅ। সেক্কে তুমি মর্ রীদি-সুদোমানি মানি চলদে মনযোগি অবা।

লেবীয় 19:37

মর্‌ বেক্‌ সুদোমানি তমাত্তুন্‌ পালন গরা পুরিবো আর বেক্‌ রীদি-সুদোমানি মানি চলা পুরিবো। মুই লগেপ্রভু।”

লেবীয় 26:33

ভালোক্‌ জাদ ভিদিরে মুই তমারে ছেট্টেরাগুরি রাগেম্‌ আর লাম্বা ছুড়ি আঢত্ লোইনে তমা পিজে পিজে লোড়েম। তমার দেজর্‌ বেক্‌ ভূই, শঅর আর আদামানি ভস্ত ওইনে পড়ি থেবঅ।

দ্বি’লম্বর বিররণ 5:1

মোশি বেক্‌ ইস্রায়েলীয়গুনোরে ডাগিনে কলঅ, ইস্রায়েলীয়গুন, এচ্ছ্যে মুই তমা ইদু যেদক্কানি সুদোম আর উগুম ফগদাং গরঙর্‌ তুমি সিয়েনি শুনো। তুমি সিয়েনি শিগি রাগেবা আর সিয়েনি যত্তন্‌ গুরিনে পালেবা।