লেবীয় 20:16 - Chakma Bible

¹⁶ কনঅ মিলে যুনি কনঅ য়েমান সমারে কিয়্যেদি মিজেবার্‌ চেট্ট্যা গরে সালে সেই মিলেবোরে আর সেই য়েমান্নোরে মারে ফেলা পুরিবো। তারারে হামাক্কায়্‌ মারে ফেলা পুরিবো। তারার্‌ নিজোর্‌ মরণানত্তে নিজেরাই দায়ী।

লেবীয় 20:16 ပူးပေါင်းရင်းမြစ်များ

যাত্রা 19:13

মাত্তর্‌ তা কিয়্যেত্‌ আত্‌ ন-বাজেইনে তারে পাত্তর্‌ মারিনে বা শেল্লোই মারিনে মারে ফেলা অবঅ‌। মানুচ্‌ ওক্‌ বা য়েমান্‌ ওক্‌ তারে আর বাঁজেই রাগা ন-অবঅ‌। বানা এক্‌ নাগারে কানক্ষণ্‌ শিঙে বাজানার্‌ পরেন্দি তারা মুড়োবো ইদু এই পারিবাক্।”

যাত্রা 21:28

যুনি কনঅ‌ গোরুয়ে বেজামারিনে কনঅ‌ মরদ্‌ বা মিলেরে মারে ফেলায় সালে পাত্তর্‌ দলা মারিনে সে গোরুবোরে হামাক্কায়্‌ মারে ফেলা পুরিবো। সে গোরুবোর্‌ য়েরাগান্‌ কনজনে ন-হেবা আর গোরুর্‌ গিরোজ্‌সোয়ো কনঅ‌ সাজা-ন-পেবঅ‌।

যাত্রা 21:32

কনঅ‌ গোরু যুনি কনঅ চাগর্ বা চাগরানিরে মেরেইনে মারে ফেলায় সালে তা গিরোজ্‌সোরে সে গোরুর্‌ গিরোজ্‌‌সো ত্রিশ কট্টা রূবো দিবো, আর সেই গোরুবোরে পাত্তর্‌লোই দলা মারিনে মারে ফেলা পুরিবো।

যাত্রা 22:19

কনঅ‌‌ য়েমান সমারে যুনি কনজনে সিনেলী গরন্‌ সালে হামাক্কায়্‌ তারে মারে ফেলা পুরিবো।

লেবীয় 18:23

য়েমান সমারে কিয়্যেদি মিজেইনে কনঅ মরদে নিজোরে ফি-বলা গরানা ন-চলিবো। কনঅ য়েমান সমারে কনঅ মিলের্‌ কিয়্যেদি মিজেনা ন-চলিবো। এ মিজেনাগানি সুদোমর্‌ বিরুদ্ধে।

লেবীয় 20:15

কনঅ য়েমান সমারে কেউ যুনি কিয়্যেদি মিজেন্‌ সালে তারে আর সে য়েমান্নোরে মারে ফেলা পুরিবো।

লেবীয় 20:17

নিজোর বোন্নোরে বা সাদাঙা বোন্নোলোই জড়া বানিনেই তা সমারে কিয়্যেদি মিজেনা এক্কান লাজ্‌গরেদে কাম্‌-সেই বোন্নো মাবো ইন্দি ওক্‌ বা বাপ্পো ইন্দি ওক্‌। যিগুনে সিয়েন্‌ গুরিবাক্‌ মানুচ্চুনোর্‌ চোগো মুজুঙোত্ তারারে মারে ফেলা পুরিবো। এ কামান্‌ গুরিনে বোন্নোরে অসর্মান গুরিলে তারে দায়ী গরা অবঅ।

ইব্রীয় 12:20

কিয়া তারা এ উগুমান সোজ্জ্য গুরি ন-পারন্-“কনঅ এ্যামানেয়ো যুনি সেই মূড়োবো ধরে সালে তারে পাত্তর্ মারা অবঅ।”