লেবীয় 2:16 - Chakma Bible

¹⁶ সেই ভাঙি নেযেয়্যে শোজ্য আর তেলর্‌ যে ভাক্কান্‌ পুরো উৎসর্ববোর্‌ বদলে দিয়্যে অবঅ ধর্মগুরুবো সেই ভাক্কান আর বেক্‌ লোবানান্‌ লোইনে লগেপ্রভুর্ নাঙে আগুন্দোই‌-গোজ্যে উৎসর্ব ইজেবে পুড়ি ফেলেব।

লেবীয় 2:16 ပူးပေါင်းရင်းမြစ်များ

গীতসংহিতা 141:2

মঅ তবনাগান্ যেন তুম্বাজ্ আগর্‌বাট্টি ধোক্ক্যেন্, মঅ আঢ্‌তান তুলোনা যেন সাজোন্যে উৎসর্ব ধোক্ক্যেন্ তঅ মুজুঙোত্ আজিল্ অন্।

যিশাইয় 61:1

প্রভু লগেপ্রভুর আত্মাগান মঅ উগুরে আঘে, কিত্তে তে মরে নেযেয়্যে যেন মুই নাঢা মানুচ্চুনো ইদু গম্ হবর্ কুয়োই দুয়োং। তে মরে পাদেয়্যেদে যেন মুই মানুচ্চুনোর ভাঙা মনানি জড়া দি পারং আর বন্দীগুনো ইদু স্বাধীনতা আর জেলোত্ পুরিয়্যেগুনো ইদু উদ্ধোর্ অনা ফগদাং গুরি পারং;

লেবীয় 1:9

উৎসর্ব গুরিয়েবো সিবের্‌ টেঙান্‌ আর পেদ ভিদিরে বেক্কানি পানিলোই‌ ধোই দিবো আর ধর্মগুরুবো সিয়েনি সুদ্ধো পুরো গোরুবো পূজোবো উগুরে পুড়ি ফেলেব। ইবে পুজ্যে-উৎসর্ব, আগুন্দোই-গোজ্যে উৎসর্ব ভিদিরে এক্কো, যিবের্‌ তুম্বাজে লগেপ্রভু হুজি অয়।

লেবীয় 2:12

পত্তমে তুল্যে ফসল উৎসর্ব গুরিবাত্তে তারা সদা আর মধু লগেপ্রভু ইদু নেযেই পারিবো, মাত্তর্‌ যে উৎসর্বর তুম্বাজে তে হুজি অয়্‌ এধোক্ক্যেন উৎসর্ব ইজেবে সদা আর মধু পুজোবো উগুরে পুড়োনা ন-চুলিবো।

লেবীয় 2:14

লগেপ্রভুর্ নাঙে উৎসর্ব গুরিবাত্তে যুনি তারা পত্তমে তুল্যে ফসল ভিদিরেত্তুন্‌ কনঅ শোজ্য আনন্‌ ছালে সেই নুয়ো শোজ্য দাঙর্‌ গুরি ভাঙিনে আগুন্দোত্ পুড়িনে আনা পুরিবো।

লেবীয় 2:15

সিবে উগুরে তেল ঢালি দিয়্যে পুরিবো আর লোবান রাগা পুরিবো; ইবে এক্কো শোজ্য-উৎসর্ব।

লেবীয় 2:9

শোজ্য-উৎসর্বর্‌ যে ভাক্কো পুরো উৎসর্বর্‌ বদলে দিয়্যে অবঅ ধর্মগুরুবো সিয়েন্‌ যুদো গুরি লোইনে পুজোবো উগুরে পুড়ি ফেলেব। ইবে আগুন্দোই-গোজ্যে উৎসর্ব ভিদিরে এক্কো, যিবের্‌ তুম্বাজে লগেপ্রভু হুজি অয়।

ইব্রীয় 5:7

যিবে তারে মরণ আদত্তুন রোক্ষ্যে গুরি পারিদো সেই গোজেন ইধু যীশু এ জগদত্ থেবার অক্তত্ জোরে রঅ ছাড়িনে কানি কানি কোজোলী গোজ্জ্যে আর ভিক্ষ্যে মাক্যে। তার্ ভোক্তিগান সমারে বাধ্যতা এলঅ বিলিনে গোজেনে তার্ তবনাগান শুন্ন্যে।