লেবীয় 2:15 - Chakma Bible

¹⁵ সিবে উগুরে তেল ঢালি দিয়্যে পুরিবো আর লোবান রাগা পুরিবো; ইবে এক্কো শোজ্য-উৎসর্ব।

লেবীয় 2:15 ပူးပေါင်းရင်းမြစ်များ

যাত্রা 29:2

সে পরেদি নিগুজ্‌ মোয়্‌দেলোই পিদে, তেল্‌ মিজেয়্যে পিদে আর তেল্‌ মিজেয়্যে কেক্‌ বানেবে। ইয়েনির্‌ এক্কানদ সদা ন-দিবে।

যাত্রা 30:34

সে পরেদি লগেপ্রভু মোশিরে কলঅ‌, “তুই কয়েক্কো তুম্বাজ মজলা, অত্তাৎ গুগ্‌গুলু, নখী, কুন্দুরু আর খাটি লোবান নেযেবে। ইগুন সং সং গুরি মিজেইনে তুম্বাজ ধূপ বানেবে। যিগুনে তুম্বাজ জিনিস বানান্‌ তারারে দিইনে কামান্‌ গুরি নেযেবে। ইয়েনি ভিদিরে নুন্‌অ দিয়্যে পুরিবো; ইয়োত্‌ কনঅ‌ ভেজাল্‌ ন-থেবঅ‌ আর সিয়েনি অবঅ পবিত্র।

লেবীয় 2:1

“কনজনে যুনি লগেপ্রভুর্ নাঙে শোজ্য-উৎসর্বর্ অনুষ্ঠান্‌ গুরিবাত্তে চান্‌ ছালে সিয়েন্‌ পাদল্‌ ময়দেলোই গরা পরিবো। সিয়েন উগুরে তেল ঢালিনে আর লোবান রাগেনে তাত্তুন সিয়েন্‌ হারোণর্‌ পূঅগুনো ইদু, অত্তাৎ ধর্মগুরুগুনো ইদু নেযা পুরিবো। ধর্মগুরুবো সিয়োত্তুন্‌ তেল সমারে এক মুঠ্‌ মোয়্‌দে আর বেক্‌ লোবানান্ তুলি নেযেব আর পুরো উৎসর্ববোর্‌ বদলে এ ভাক্কান্‌ পূজোবো উগুরে পুড়ি ফেলেব। ইবে আগুন্দোই-গোজ্যে উৎসর্ব ভিদিরে এক্কো, যিবের্‌ তুম্বাজে লগেপ্রভু হুজি অয়্‌।”

লেবীয় 2:14

লগেপ্রভুর্ নাঙে উৎসর্ব গুরিবাত্তে যুনি তারা পত্তমে তুল্যে ফসল ভিদিরেত্তুন্‌ কনঅ শোজ্য আনন্‌ ছালে সেই নুয়ো শোজ্য দাঙর্‌ গুরি ভাঙিনে আগুন্দোত্ পুড়িনে আনা পুরিবো।

লেবীয় 2:16

সেই ভাঙি নেযেয়্যে শোজ্য আর তেলর্‌ যে ভাক্কান্‌ পুরো উৎসর্ববোর্‌ বদলে দিয়্যে অবঅ ধর্মগুরুবো সেই ভাক্কান আর বেক্‌ লোবানান্‌ লোইনে লগেপ্রভুর্ নাঙে আগুন্দোই‌-গোজ্যে উৎসর্ব ইজেবে পুড়ি ফেলেব।

লেবীয় 5:11

“যুনি তে দ্বিবে কঅ বা কোদোর্‌ আনি ন-পারে, ছালে পাপ্ উৎসর্বত্তে তাত্তুন্‌ এক কেজি আস্‌টোশ গ্রাম নিগুজ মোয়দে আনা পুরিবো। ইবে পাপ-উৎসর্ব বিলি তে সিয়েন উগুরে তেলঅ‌ ন-ঢালিবো বা লোবান ন-রাগেব।”