লেবীয় 2:13 - Chakma Bible

¹³ শোজ্য-উৎসর্বত্তে যেদক্কানি জিনিস্ আনা অবঅ সিয়েনি ভিদিরে নুন দিয়্যে পুরিবো। ইস্রায়েলীয়গুনোর্‌ গোজেন তারাত্তে যে বেবস্থা থিদেবর্ গোজ্যে সিয়েনত্তেই শোজ্য-উৎসর্বত্তুন্‌ নুনান্‌ বাদ দেনা ন-চুলিবো; তারার্‌ বেক্‌ উৎসর্বয়ানি ভিদিরে নুনান্‌ দিয়্যে পুরিবো।

লেবীয় 2:13 ပူးပေါင်းရင်းမြစ်များ

২ বংশধর 13:5

তুমি কি হবর্‌ পঅ, ইস্রায়েলর গোজেন লগেপ্রভু উমরত্তে ন-বোদোল্যে সুদোমর্‌ মাধ্যমে দায়ূদ আর তার্‌ বংশর মানুচ্চুনো ইদু উমরত্তেই ইস্রায়েলর রাজপদ্‌তানি দিয়্যে?

ইষ্রা 7:22

তুমি তারে তিন আজার্ নয়শ কেজি রূবো, আদার আজার কেজি গম, দ্বিআজার দ্বিশ লিটার আংগুর-রস, দ্বিআজার দ্বিশ লিটার তেল আর যেত্তমান্ নুন্ দরকার সিয়েন দি পারিবো।

গণাণা 18:19

লগেপ্রভুর নাঙে ইস্রায়েলীয়গুনোর উৎসর্ব গোজ্যে বেক্‌ সুদ্ধো-সাংগ জিনিস্‌-পাদিনি মুই তরে আর তর্‌ ঝি-পূঅগুনোরে নিত্য পাওনা ইজেবে দিলুং। ইয়েনি লগেপ্রভুর চোগোত্‌ তর্‌ আর তর্‌ বংশর বেক্কুনোত্তে এক্কান উমরত্যে ঠিগেদে সুদোম্।”

মথি লেখ্যে গম্ হবর্ 5:13

তুমি পিত্‌‌থিমীর নুন্, মাত্তর্ যুনি নুনোর্ সুয়োত্তান্ বর্‍‍‍‍‍‍বাদ্ ওই যায় সালে কেধোক্ক্যেন্ গুরিনে সিয়েন আরঅ নুন্‌‌‍যো গরা যেবঅ? সেই নুনান্ আর কনঅ কামত্ ন-লাগে। সিয়েন বানা বারেদি ফেলে দিবার আর মান্‌‌জ্য টেঙোই উড়েদে ধোক্ক্যেন্ যগাজ্যে অয়।

কলসীয় 4:6

তমার্ কধাবাত্তানি নিত্য মধু আর নুন্-দিয়্যে হানা ধোক্ক্যেন যগাজ্জ্যে ওক্, যেন কারে কেধোক্ক্যেন গুরি জোব্ দিবা সিয়েন তুমি বুঝি পারঅ।