লেবীয় 2:12 - Chakma Bible

¹² পত্তমে তুল্যে ফসল উৎসর্ব গুরিবাত্তে তারা সদা আর মধু লগেপ্রভু ইদু নেযেই পারিবো, মাত্তর্‌ যে উৎসর্বর তুম্বাজে তে হুজি অয়্‌ এধোক্ক্যেন উৎসর্ব ইজেবে সদা আর মধু পুজোবো উগুরে পুড়োনা ন-চুলিবো।

লেবীয় 2:12 ပူးပေါင်းရင်းမြစ်များ

পত্থম 23:17

মম্রি শঅর ইধু মক্‌পেলাদত্‌ ইফ্রোণর যে ভুইয়ান্‌ এলঅ সে ভুইয়ান্‌ আর তা গাত্তো আর ভুইয়ো চেরোকিত্তে গাজ্‌চুন্‌ তে অব্রাহাম ইধু সোম্বোত্তি ইজেবে বিজি দি-ফেলেয়্যে। যে হিত্তীয়গুনো শঅর গেট্টো ইধু এলাক তারা মুজুঙোত্‌ তে সিয়েন্‌ গুরিলো।

২ বংশধর 31:5

এ উগুমান্‌ ফগদাঙ্‌ অনার্‌ লগে লগে ইস্রায়েলীয়গুনে তারার্‌ ক্ষেত-ক্ষেত্তিগানি, নূয়ো আংগুর-রস, তেল আর মধুর পোইল্যা ভাগ্‌কো আর ক্ষেদত্‌ যিয়েনি জর্মায় সিয়েনির্‌অ পৌইল্যা ভাগ্‌কো ভালোক্কানি দান গুরিলো। ইয়েনিবাদেয়ো তারা বেক্কানির্‌ দশ ভাগর্‌ একভাগ্‌ আনিলাক্‌ আর সিয়েনি বেক্কানিয়ে বোউত্‌ অলঅ।

যাত্রা 22:29

তমার্‌ ক্ষেত-ক্ষেত্তিত্তুন্‌ আর আংগুর-রজত্তুন্‌ মরে যিয়েনি দিবার্‌ সিয়েনি দেদে দেরি ন-গোজ্য। তমার পত্তম পূঅবো মরে দিয়্যে পুরিবো।

যাত্রা 23:19

তমা খেদত্তুন্‌ কাবি আন্যে পত্তম ফসলর্‌ বেগত্তুন্‌ গম্‌ ভাগ্কান্‌ তুমি তমার্‌ গোজেন লগেপ্রভুর্‌ ঘরত্‌ নেযেবা। ছাগল ছবোর্‌ য়েরাগান তার্‌ মাবো দুত্তোই ন-রানিবা।

যাত্রা 34:22

গম কাবানার্‌ অক্তত্‌ পত্তম কাপ্যে গমুন্দোই সাত সাপ্তার্‌ পরব্‌ পালন্‌ গুরিবা আর চাষ কামর শেজ মাস্‌চোত্‌ পালন্‌ গুরিবা ফসল থুবেবার্‌ পরব্‌।

লেবীয় 23:17

তুমি ঘরত্তুন্‌ লগেপ্রভুর্ নাঙে দুলেয়্যে-উৎসর্ব ইজেবে তমার্‌ পত্তমে তুল্যে ক্ষেদর্‌ কিজু ভাগ আনিবা। সেই দুলেয়্যে-উৎসর্বর্‌ জিনিস্‌চানি অবঅ সাড়ে তিন কেজি নিগুজ মোয়দেলোই বানেয়ে সদালোই দ্বিয়েন্‌ রুটি।

লেবীয় 7:13

কৃতজ্ঞতাত্তে এই উদোলোলি-উৎসর্বর জিনিজো সমারে কিজু সদা দিয়্যে রুটিয়ো থাহ্ পড়িবো।

গণাণা 15:20

পৌইল্যা তুলো শোজ্যর মোয়দে গুড়ি গুরিনে সিয়েন্দোই এক্কান পিদে বানেইনে খামার-ঘরর দান ইজেবে সিয়েন উৎসর্ব গরা পুরিবো।

গণাণা 18:12

“ইস্রায়েলীয়গুনে তারার পত্তমে তুল্যে ফলুনোর বেগত্তুন্‌ গম্‌ যে জলপাইয়র্‌ তেল, নূয়া আংগুরো-রস আর শোজ্য লগেপ্রভুরে দিবাক সিয়েনি বেক্কানি মুই তরে দিলুং।

১ করিন্হীয় 15:20

মাত্তর্ খ্রীষ্টরে ঘেচ্চ্যেকগুরি মরণত্তুন্ জেদা গুরি তুলো ওইয়্যে। তে পত্তম ফল, অত্তাৎ মরণত্তুন্ যিগুনোরে জেদা গরা অবঅ তারা ভিদিরে তেয়ই পত্তমে জেদা ওইয়্যে।

দ্বি’লম্বর বিররণ 26:10

সেনত্যে ও লগেপ্রভু, তর্‌ দিয়্যে ভুইয়োর্ পত্তমে তুল্যে ফসল মুই তইদু আন্যং। ইয়েন কোইনে তমার গোজেন লগেপ্রভুর মুজুঙোত্‌ তুমি তমার লেইয়ুন রাগেবা আর মাদা নিগিরিনে তারে ভোক্তি জানেবা।

ফগদাং পেইয়্যে 14:4

ইগুনে সেই মানুচ্চুন্, যিগুনে মিলেগুনো সমারে পর্‌‌পাগোল্যে ওইনে নিজোরে অসিজি ন-গরন্। যিয়েনত্ ভেড়া-ছবো যায় তারা তা পিজে পিজে যান্। গোজেন আর ভেড়া-ছবো ইধু পত্তম ফল ইজেবে উৎসর্ব গুরিবাত্যে মানুচ্চুনো ভিদিরেত্তুন্ তারারে কিনি নেযা ওইয়্যে।