লেবীয় 19:37 - Chakma Bible

³⁷ মর্‌ বেক্‌ সুদোমানি তমাত্তুন্‌ পালন গরা পুরিবো আর বেক্‌ রীদি-সুদোমানি মানি চলা পুরিবো। মুই লগেপ্রভু।”

লেবীয় 19:37 ပူးပေါင်းရင်းမြစ်များ

২ রাজাবলী 17:37

তে যেদক্কানি সুদোম, হুকুম, আইন আর উগুম তমাত্তে লিগি দিয়্যে সিয়েনি গমেডালে পালেবা। তুমি দেব-দেবেদার পূজো ন-গুরিবা।

গীতসংহিতা 119:34

মরে বুঝোনা খেমতাগান দে, যেনে মুই তর্ উগুম মজিম চলি পারং আর মন দিইনে সিয়েনি পালেই পারং।

গীতসংহিতা 119:4

তুই সুদোমানি ঠিগ্ গুরি দুয়োচ্ যেন সিয়েনি আমি গমেডালে পালেই।

লেবীয় 19:19

মর্‌ সুদোমান মানি চলা পুরিবো। নানান্ জাদর্‌ য়েমান সমারে কিয়্যেদি মিজেনা ন-চলিবো। একই ক্ষেদত্‌ দ্বিবাবোত্যে বীজ লাগানা ন-চলিবো। দ্বিজাদর্‌ সুদোলোই বুন্যে কাবড় উরোনা ন-চলিবো।

লেবীয় 19:36

তমার পাল্লাবো, সিলুন্‌ আর অন্যান্য মাবর্‌ জিনিস্‌চানি যেন ঠিগ্ অয়। মুই লগেপ্রভু তমার গোজেন। মিসর দেজত্তুন্‌ মুয়ই তমারে নিগিলেই আন্যং।

লেবীয় 20:1

পরেদি লগেপ্রভু মোশিরে ইস্রায়েলীয়গুনোরে এ কধাগান্‌ কবাত্তে কোইয়েদে, কনঅ ইস্রায়েলীয় বা ইস্রায়েলীয়গুনো ভিদিরে বজত্তি গোজ্যে অন্য জাদর্‌ কনঅ মানুচ্‌ যুনি মোলক দেবেদা ইদু তার্‌ কনঅ পূঅ বা ঝিবোরে উৎসর্ব গরে সালে সে মানুচ্চোরে মারে ফেলা পুরিবো। দেজর্‌ মানুচ্চুনে যেন তারে পাত্তর্‌লোই ঢলা মারন।

লেবীয় 22:31

মর্‌ উগুমানি তমাত্তুন্‌ মানা পুরিবো আর সেধোক্ক্যেন গুরি আদা পুরিবো। মুই লগেপ্রভু।

দ্বি’লম্বর বিররণ 5:1

মোশি বেক্‌ ইস্রায়েলীয়গুনোরে ডাগিনে কলঅ, ইস্রায়েলীয়গুন, এচ্ছ্যে মুই তমা ইদু যেদক্কানি সুদোম আর উগুম ফগদাং গরঙর্‌ তুমি সিয়েনি শুনো। তুমি সিয়েনি শিগি রাগেবা আর সিয়েনি যত্তন্‌ গুরিনে পালেবা।

দ্বি’লম্বর বিররণ 8:1

এচ্চ্যে মুই তমারে যেদক্কানি উগুম্‌ দুয়োঙর্‌ সিয়েনির্‌ পত্তি উগুম পালন গুরিবাত্তে তুমি মন দুয়ো, যেনে তুমি বাঁজি থাগঅ আর সোংখ্যেন্দি বাড়িই উদো আর লগেপ্রভু তমার পুরোণি মানুচ্চুনো ইদু যে দেজ্‌ছান দিবার্‌ কধা শমক্‌ খেইনে এগেম্ গোজ্যে সিদু সুমিনে সিয়েনি গজক্ গুরি পারঅ।