লেবীয় 19:31 - Chakma Bible

³¹ যিগুনে ভূদো ভিদিরে থান্‌ বা ভান্ন্যেই আত্মা সমারে মিলেমিলি রাগান্‌ তারা ইদু যানা ন-চলিবো, কিত্যে তারা তমারে ফি-বলা বানেবাক্। মুই লগেপ্রভু তমার গোজেন।

লেবীয় 19:31 ပူးပေါင်းရင်းမြစ်များ

২ রাজাবলী 17:17

নিজোর্‌ ঝি-পুয়োগুনোরে তারা আগুনোত্‌ পুরিনে উৎসর্ব গুরিদাক্‌। তারা গোণেই দেনা আর লক্ষণ চেইনে আগাম্ কধা কবার্‌ অভ্যেস গুরিদাক্‌ আর লগেপ্রভুর চোগেন্দি যিয়েনি ভান্ন্যেই সে কামানি গুরিবাত্তে নিজোরে বিজি দিইনে লগেপ্রভুরে অখুজি গুরি তুল্যন্‌।

২ রাজাবলী 21:6

তে নিজো পুয়োবোরে আগুনোত্‌ পুড়িনে উৎসর্ব গুরিলো। তে যাদু বেবহার গুরিদো আর বাঁজি চেইনে আগাম্ কধা কদঅ আর যিগুনে ভূত্তোই কাম্‌ গরন্‌ আর বজং আত্মা সমারে মিজেন্‌ তে তারা লগে তেম্মাং গুরিদো। তে লগেপ্রভুর চোগেন্দি বোউত্‌ বজং কাম্‌ গুরিনে তারে অহুজি গোজ্যে।

২ রাজাবলী 23:24

ইয়েনি বাদেয়ো যিগুনে ভুত্‌তোই কাম্‌ গরন্‌ আর যিগুনে বজং আত্মালোই মিজেন্‌ যোশিয় তারারে ধাবেই দিলো। তে পরিবার দেবেদামূত্তি, মূত্তি আর যিহূদা আর যিরূশালেমত্‌ যেদক্কানি জঘন্য জিনিস্‌ দেগিলাক্‌ সিয়েনি বেক্কানি ধাবেই দিলো। ধর্মগুরু হিল্কিয় লগেপ্রভুর ঘরত্‌ রীদি-সুুদোম লেগা যে বোইবো তোগেইনে পেইয়োন্‌ সিবের্‌ বেক্‌ কধানি যেনে গমেডালে পালা অয় সেনত্তে যোশিয় এ কামান্‌ গোজ্যে।

১ বংশধর 10:13

লগেপ্রভু উগুরে অবিশ্বেজি ওইয়্যে বিলিনে শৌল মুরি গেলঅ। তে লগেপ্রভুর কধানি মানি ন-চলে; এন্‌ কি, লগেপ্রভু ইত্তুন্‌ সল্লা ন-চেইনে তে বজং আত্মা সমারে মিজেয়্যে মান্‌জ্যত্তুন্‌ সল্লা নেযেয়্যে। সেনত্তে লগেপ্রভু তা মরণ ঘোদেল আর রেজ্যগান্‌ যিশয় পুয়ো দায়ূদ আদত্‌ তুলি দিলো।

২ বংশধর 33:6

বিন্‌-হিন্নোম কিজিঙোত্‌ তা পুয়োগুনোরে তে আগুনোত্‌ পুড়িনে উৎসর্ব গুরিলো। যিগুনে কুলক্ষণ দেগিনে আগাম্ কধা কন্‌, ফু-ফা আর যাদুবিদ্যে বেবহার গুরিনে আর ভূত্‌তুনোর সমাজ্যে অন্‌ আর ভান্ন্যেই আত্মাগুনোর্‌ লগে মিজেন্‌ তে তারা লগে সল্লা গুরিদো। লগেপ্রভুর চোগেন্দি ভালোক্কানি ভান্ন্যেই কাম্‌ গুরিনে তে তারে অহুজি গুরিলো।

যাত্রা 22:18

কনঅ যাদুগুরিয়্যে মিলেরে বাঁজি থেবাত্তে ন-দিবা।

যিশাইয় 29:4

তরে তলে লামা অবঅ আর তুই মাদিত্তুন্ কধা কবে; ধূল্যেত্তুন্ লেবেরা-জেবেরা গুরি তঅ কধানি শুনো যেবঅ। ভূদো রঅ ধোক্ক্যেন্ মাদিত্তুন্ তঅ রবো এবঅ; ধূল্যেত্তুন্ তঅ কধানি এক্কেনা এক্কেনা গুরি শুনো যেবঅ।

যিশাইয় 47:13

তুই যেদক্কানি সল্লা পেইয়োচ্ সিয়েনি বানা তরে বল্‌‌‌পোজ্যে গোজ্যে। তর্ গোণোক্ক্যেগুনো মুজুঙোত্ এজোদোক্; তারাগুন দেগিনে মাসর্ পর মাস যিগুনে আগাম্ কধা কন্ তারা তঅ উগুরে যিয়েনি এজের্ সিয়েনিত্তুন্ তরে রোক্ষ্যে গোরোদোক্।

যিশাইয় 8:19

মান্‌জ্যে যেক্কে তমারে সেই মানুচ্চুনো ইদু যেবাত্তে কন্ যিগুনে মরা আর ভান্ন্যেই আত্মাগুনো লগে মিজেইনে ফুজু ফুজু আর বিড়্‌বিড়্‌ গরন্, সেক্কে তমার্ কি গোজেন ইদু যানা উজিত্ নয়? যিগুনে জেদা আগন্ তারার্ ওইনে কিত্তে মরাগুনো সমারে সল্লা গুরিবাত্তে যেবা?

লেবীয় 19:26

লো সুদ্ধো কনঅ য়েরা ন-হেবা। লক্ষন-বিদ্যে বা মায়াবিদ্যে বেবহার্‌ গরানা ন-চলিবো।

লেবীয় 19:3

তুমি তমার মা-বাবরে ভোক্তি গুরিবা আর মর্‌ জিরেবার্‌ দিন্নো পালন্‌ গুরিবা। মুই লগেপ্রভু তমার গোজেন।

লেবীয় 20:27

“যিদুক্কুন মরদ বা মিলে ভূত্তুনোর্‌ মাধ্যম অন্‌ বা যিগুনে ভান্ন্যেই আত্মা সমারে মিজেন্ তারার্‌ সাজা অবঅ মরণ। তারারে পাত্তর্‌ মারিনে মারে ফেলা পুরিবো। নিজোর্‌ মরণানত্তে তারা নিজেরাই দায়ী।”

প্রেরিত্‌ 8:11

মানুচ্চুনে তা কধা মজিম চুলিদাক্, কিয়া ভালোক্ দিন ধুরিনে তে তার যাদু দেগেইনে তারারে আমক্ বানেয়্যে।

গালাতীয় 5:20

মূত্তি-পূজো, যাদুবিদ্যে, শত্রুতা, কোল্-কোজ্জ্যে, লুভ্, রাগ, স্বাত্তবাদি, অমিল, দলাদুলি,

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”

১ শমূয়েল 28:3

ইয়েনর্‌ আগেন্দি শমূয়েলে মুরি যেইয়্যে, আর ইস্রায়েলীয়গুনে বেক্কুনে তাত্তে আবিলেচ্‌ গুরিনে তারে তার নিজোর্‌ শঅর্‌ রামাত্‌ গোর্ দুয়োন। যিগুনে মরা মানজ্যর্‌ আত্মা সমারে কধাবাত্তা কন্‌ আর যিগুনে ভান্ন্যেই আত্মা সমারে মিজেন্‌ শৌল দেজত্তুন্‌ এধোক্ক্যেন বেক্‌ মানুচ্চুনোরে নিগিলেই দিয়্যে।