লেবীয় 19:30 - Chakma Bible

³⁰ মর্‌ উগুম্‌ গোজ্যে ঝিরেবার্‌ দিনুন্‌ পালন্‌ গরা পুরিবো আর মর্‌ থেবার-তাম্বুলো উগুরে ভোক্তি রাগা পুরিবো। মুই লগেপ্রভু।

লেবীয় 19:30 ပူးပေါင်းရင်းမြစ်များ

২ বংশধর 33:7

তে যে মূত্তিবো কাবিনে বানেইয়্যে সিবে নেযেইনে গোজেন ঘরত্‌ রাগেল। গোজেনে এ ঘরান পৌইদ্যেনে দায়ূদ আর তার্‌ পুয়ো শলোমনরে কোইয়্যেদে, “এ ঘরান্‌ আর ইস্রায়েলর পুরো গুট্টিগুনো ভিদিরেত্তুন্‌ মর্‌ বেঈ লোইয়্যে এ যিরূশালেমানরে মুই উমরত্তে মর্‌ থেবার্‌ জাগা বানেম্‌।

২ বংশধর 36:14

ইয়েনিবাদেয়ো ধর্মগুরুগুনোর্‌ বেক্‌ নেতাগুনে আর মানুচ্চুনে অন্য জাদ ধোক্ক্যেন বজং অভ্যেস্‌ গুরি চলিনে জদবদে পাপ গুরিলাক্‌ আর লগেপ্রভু যিরূশালেমত্‌ তার্‌ যে ঘরানরে নিজোর্‌ নাঙে যুদো গোজ্যে সিয়েন্‌ অসিজি গুরিলো।

গীতসংহিতা 89:7

পবিত্র দূত্‌তুনোর তেম্মাঙত্ বেক্কুনে গোজেনরে দরান্ আহ্ ভোক্তি গরন্; তার চেরোকিত্যে বেক্কুনোত্তুন্ তেয়ই বেশ্ ভোক্তিবলা দর্ জাগায়।

যাত্রা 20:8

জিরেবার্‌ দিন্নো মর্‌ নাঙে যুদো গুরি রাগেবা আর সিবে পালন গুরিবা।

উপদেশক 5:1

গোজেন ঘরত্ যেবার অক্তত্ তঅ টেঙানি উজিয়ারে ফেলেচ্। যিগুনে নিজো অন্যেয়ানি ন-বুঝোন্ সে ভুল্ মানুচ্চুনো ধোক্ক্যেন্ উৎসর্বর অনুষ্ঠান গুরানাত্তুন্ বরং গোজেনর্ বাধ্য অনা গম্।

যিহিষ্কেল 9:6

বুড়ো, গাবুজ্যে, গাবুরী, বুয়ো যেইয়্যে মিলে আর চিগোন্ গুরোগুনোরে মারে ফেলঅ, মাত্তর্ যিগুনো কবালত্ চিহ্নো আঘে তারারে ন-ধোজ্য। উবোসনা-ঘরত্তুন্ সিয়েন গরানা আরাম্ভ গরঅ।” সেক্কে তারা উবোসনা-ঘর মুজুঙোত্ যে বুড়ো নেতাগুনে এলাক্ তারারে দিইনে আরাম্ভ গুরিলাক্।

লেবীয় 10:3

সেক্কে মোশি হারোণরে কলঅ, “লগেপ্রভু কোইয়্যেদে, ‘যিগুনে মইদু এজন্‌ তারা যেন মরে পবিত্র বিলিনে মানন্‌। মানুচ্চুনোর্‌ চোগোত্‌ তারা যেন মর্‌ সর্মান্‌ তুলি ধরন।’ ” হারোণে জুরো গুরি রলঅ।

লেবীয় 15:31

যেরেদি লগেপ্রভু মোশি আর হারোণরে কলঅ, “ইস্রায়েলীয়গুনো ভিদিরে মর্‌ থেবার্‌-তাম্বুল আঘে। তুমি বেক্‌ ফি-বলাগানত্তুন্‌ তারারে দূরোত্‌ রাগেবা যেনে তারা থেবার-তাম্বুলান ফি-বলা গুরিনে তারা ফি-বলাগান ভিদিরে মুরি ন-যান।”

লেবীয় 16:2

তে কলঅ, তর্‌ ভেই হারোণরে কঅ‌, সাক্ষ্য-সুন্দুগো উগুরে ঢাগোনিগান মুজুঙোত্ যে পর্দাগান্‌ রোইয়ে ‍সিয়েনর্‌ পিজেন্দি সে পবিত্র জাগানত্‌ তে যেন তার্‌ আওজ্ মজিম যেক্কে-সেক্কে ন-যায়। সেধোক্ক্যেন গুরিলে তে মুরি যেবঅ, কিত্তে সে ঢাগনিগান উগুরে মেঘ ভিদিরে মুই দেগা দিম্‌।

লেবীয় 19:3

তুমি তমার মা-বাবরে ভোক্তি গুরিবা আর মর্‌ জিরেবার্‌ দিন্নো পালন্‌ গুরিবা। মুই লগেপ্রভু তমার গোজেন।

লেবীয় 26:2

মর্‌ জিরেবার দিনুন্‌ আর বজরুন তমাত্তুন্‌ পালা পুরিবো; মর্‌ পবিত্র তাম্বুল উগুরে তমাত্তুন্‌ শ্রদ্ধা রাগা পুরিবো। মুই লগেপ্রভু।

মথি লেখ্যে গম্ হবর্ 21:13

“পবিত্র বোইবোত্ গোজেনে কোইয়্যেদে, ‘মঅ উবোসনা ঘরানরে তবনার্ ঘর কুয়ো অবঅ,’ মাত্তর্ তুমি ইয়েনরে ডাগেদর্ আড্ডাজাগা বানেয়ো।”

২ করিন্হীয় 6:16

আর গোজেনর্ থেবার্ ঘরানত্ মূর্ত্তির জাগায়ান্ কুধু? আমি দঅ জেদা গোজেনর্ থেবার্ ঘর। পবিত্র বোইবোত্ গোজেনে কোইয়্যেদে, “মুই মঅ মানুচ্চুনো ইধু বজত্তি গুরিম, আর তারা সমারে আঢাউদো গুরিম। মুই তারার্ গোজেন ওম্, আর তারা মর্ নিজোর্ মানুচ্ অবাক্।”

১ পিতর 4:17

বিচের আরাম্ভ অবার সময় ওইয়্যে আর সিয়েন গোজেন পরিবারর্ মানুচ্চুনোত্তুন্ ধুরি আরাম্ভ গরা অবঅ। আর যুনি সেই বিচেরান আমাত্তুন্ ধুরি আরাম্ভ গরা অয় সালে যিগুনে গোজেনর্ দিয়্যে গম হবরান মানি ন-লন্ তারার অবস্থা কি অবঅ?