লেবীয় 19:28 - Chakma Bible

²⁸ মরা মানুচ্চুনোত্তে দুঘ্-ফগদাঙ্‌ গুরিবাত্তে যেইনে কিয়্যেগানর্‌ কনঅ জাগাত্‌ ঘা গরানা ন-চলিবো। কিয়্যেত্‌ কনঅ উল্‌কি-চিহ্নো দেনা ন-চলিবো। মুই লগেপ্রভু।

লেবীয় 19:28 ပူးပေါင်းရင်းမြစ်များ

১ রাজাবলী 18:28

সেনত্তে তারা আরঅ দাঙর্‌ গুরিনে রঅ ছাড়া ধুরিলাক্‌ আর তারার্‌ সুদোম মজিম্ কিয়্যেত্‌ লো নালি বেঈ ন-যানা সং ছুড়িলোই আর কাদালোই নিজোরে কাবা ধুরিলাক্‌।

যিরমিয় 16:6

এ দেজত্ চিগোন-দাঙর্ বেক্কুনে মুরি যেবাক্। কনজনে তারারে গোর্‌অ ন-দিবাক্, তারাত্তে আবিলেচ্অ ন-গুরিবাক্ আর কনজনে তারাত্তে নিজো কিয়্যেগান কাবাকাবিয়ো ন-গুরিবাক্, নিজোর মাঢাবোয়ো ন-মুড়েবাক্।

যিরমিয় 48:37

দুঘ্‌কান ফগদাং গুরিবাত্তে বেক্কুনোর মাঢা মুড়োনা আর দাড়ি কাবি ফেলা ওইয়্যে; পত্তিজন আঢ্ আঙুর্ বিঙুর্ আর কমরত্ বস্তাফাদা পিনে ওইয়্যে।

লেবীয় 19:27

মাদাবোর্‌ দ্বিডাগেন্দি চুলানি কাবানা বা দাড়ির্‌ আগানি মুড়োনা ন-চলিবো।

লেবীয় 19:29

নিজোর্‌ ঝিবোরে বেশ্যে বানেইনে তারে তলে লামানা ন-চলিবো। সিয়েন্‌ গুরিলে দেজত্‌ বেশ্যেগিরি বাড়িবাক্‌ আর যেরেন্দি দেজ্‌চান্‌ কজরালোই ভুরি যেবঅ।

লেবীয় 21:1

ইয়েনর্ পরেদি লগেপ্রভু মোশিরে কলঅ, তুই ধর্মগুরুগুনোরে, অত্তাৎ হারোণর্‌ পূঅগুনোরে কোই দে, তারার্‌ কুদুম্মোগুনো ভিদিরে কনজনে মুরি গেলে সিয়েনর্‌ কারনে কনঅ ধর্মগুরুর্‌ নিজোরে ফি-বলা গরানা ন-চলিবো।

লেবীয় 21:11

মরা কিয়্যে রোইয়্যে এবাবোত্যে কনঅ জাগাত্‌ তার্‌ যানা ন-চলিবো। কনঅ মরা মান্‌জ্যর্‌ কারনে, এন্‌ কি, বাপ্‌-মার্‌ মরাণার্‌ কারনেয়ো তার্‌ নিজোরে ফি-বলা গরানা ন- চলিবো বা তার্‌ গোজেনর্‌‌ পবিত্র তাম্বুলান ফেলেইনে আর কনজাগাত্‌ যানা ন-চলিবো বা তার্‌ পবিত্রতাগান্‌ বর্‌বাদ্ গরানা ন-চলিবো, কিত্যে গোজেনর্ অভিষেগ-তেল্‌লোই তারে যুদো গুরি রাগা ওইয়্যে। মুই লগেপ্রভু।

লেবীয় 21:5

ধর্মগুরুগুনোর্‌ মাদা মুড়োনা, দাড়ির্‌ কাজানি কাবানা বা কিয়্যের্‌ কনঅ জাগাত্‌ ঘা গরানা ন-চলিবো।

মার্ক 5:5

তে দিনরেত্ কবরত্ আর মুড়োই মুড়োই রঅ ছাড়ি ছাড়ি বেড়েদ আর পাত্তর্‌লোই নিজে নিজোর্ কিয়্যেগান্ কাবিদো।

যোহন 20:25

অন্য শিচ্চ্যগুনে যেরেদি থোমারে কলাক্, “আমি প্রভুরে দেক্ক্যেই।” থোমা তারারে কলঅ, “মুই তা দ্বি আদত্ যুনি জোলোই মাজ্যে চিহ্নো ন-দেগং, সেই চিহ্নোগানত্ আঙুল্ ন-দুয়োং আর তা বুগোত্ আঢ্-দুয়োং, সেধক্কন্ সং কনঅ বাবদে বিশ্বেজ্ ন-গুরিম্।”

দ্বি’লম্বর বিররণ 14:1

তুমি তমার গোজেন লগেপ্রভুর পূঅ। সেনত্যে মরা মান্‌জ্যত্যে আবিলেচ্‌ গুরিবাত্তে যেইনে কিয়্যেগানর্‌ কনঅ জাগাত তমাত্তুন্‌ ঘা গুরি ন-পারিবা, বা কুল্লো মুজুঙেন্দি চুলান কাবি ন-পারিবো।

ফগদাং পেইয়্যে 14:11

যে আগুনানে এ মানুচ্চুনোরে যন্ত্রণা দিবো সেই আগুনানর্ ধূমোগান উমরত্যে উদোনাত্ থেবঅ। যে মানুচ্চো সেই য়েমান্নো আর তা মূত্তিবোরে পূজো গুরিবো আর তা নাঙানর্ চিহ্নোগানরে লবঅ তে দিনোত্ বা রেদোত্ কনদিনঅ জিরেন্ ন-পেবঅ।”

ফগদাং পেইয়্যে 14:9

ইয়েনর্ পরেদি তিন-লম্বর আর এক্কো স্বর্গদূত তারার্ পিজে পিজে এইনে দাঙর্ গুরিনে কলঅ, “যুনি কেঅ সেই য়েমান্নো আর তা মূত্তিবোরে পূজো গরে আর সিবের্ চিহ্নোগান্ কবালত্ বা আঢত্ লয়,

ফগদাং পেইয়্যে 15:2

সে পরেদি মুই আগুন মিজেয়্যে ফুদিগোর্ এক্কান সাগর ধোক্ক্যেন দেগিলুং, আর যিগুনে সেই য়েমান্নো আর তা মূত্তিবো আর তা নাঙানর্ লম্বর্‌‌বো উগুরে জিত্যন্ তারারেয়ো দেগিলুং। গোজেনর্ দিয়্যে বীণা আঢত্ গুরিনে তারা সেই ফুদিগোর্ সাগর পারত্ থিয়্যেই এলাক্।

ফগদাং পেইয়্যে 16:2

সেক্কে পত্তম স্বর্গদূত্‌তো যেইনে তা কদরাবো পিত্‌থিমী উগুরে উবোত্ গুরিলো। সিয়েনত্যে যিগুনো উগুরে সেই য়েমান্নোর্ চিহ্নো এলঅ আর যিগুনে তার মূত্তিবোরে পূজো গুরিদাক্ তারা কিয়্যেত্ ভারী খারাব আর বিষবলা এক বাবত্যে ঘা দেগা দিলো।

ফগদাং পেইয়্যে 19:20

সেই য়েমান্নোরে ধরা অলঅ আর যে ফক্কর্ ভাববাদীবো তার্ ওইনে আমক্ কাম গত্ত তারেয়ো ধরা অলঅ। যিগুনে সেই য়েমান্নোর্ চিহ্নোগান মানি লোইয়োন আর তা মূত্তিবোর পূজো গুরিদাক্ সেই ভন্ড ভাববাদীবো সেই আমক্ কামানিলোই তারারে ভুলেই রাগেয়্যে। জ্বোল্‌‌‌জোল্যে গন্ধক আগুনো হ্রদত্ জেদাবাদে এ দ্বিজনরে ফেলেই দিয়্যে অলঅ।

ফগদাং পেইয়্যে 20:4

সিয়েন পরেদি মুই কদক্কানি সিংহাসন দেগিলুং, আর যিগুনে সিয়েনি উগুরে বৈ এলাক্ তারা আঢত্ বিচের গুরিবার খেমতা দিয়্যে ওইয়্যে। গোজেনর্ কধা আর যীশুর শিক্ষ্যে মজিম চলানার্ কারনে যিগুনোর মাঢাগুন কাবি ফেলা ওইয়্যে, মুই তারার্ আত্মাগুনোরে দেগিলুং। তারা সেই য়েমান্নোরে বা তা মূত্তিবোরে পূজো ন-গরন আর কবালত্ বা আঢত্ তা চিহ্নোগান ন-মানন্। তারা জেদা ওই উদিলাক্ আর এক আজার বজর্ ধুরিনে খ্রীষ্ট সমারে রাজাগিরি গুরিলাক্।