লেবীয় 18:5 - Chakma Bible

⁵ মর্‌ সুদোম আর রীদি-সুদোমানি তমাত্তুন্‌ পালন গরা পুরিবো, কিত্তে যে সিয়েনি পালন গুরিবো তে তার্‌ মাধ্যমে জীংকানি পেবঅ। মুই লগেপ্রভু।

লেবীয় 18:5 ပူးပေါင်းရင်းမြစ်များ

নহিমিয় 9:29

তর্‌ রীদি-সুদোম ইন্দি ফিরি এবাত্তে তুই তারারে উজিয়ার্‌ গোজ্যস্‌ মাত্তর্‌ তারার্‌ বেবহারান্‌ এলদে বার্‌বোলোই ভরা; তারা তর্‌ বেক্‌ উগুমানি ন-পালান্‌। তর্‌ যেদক্কানি উগুম্‌ পালন্‌ গুরিলে মানুচ্‌ বাজন্‌ সেনত্তেই সিয়েনর্‌ বিরুদ্ধে তারা পাপ গোজ্যন্‌। তারা একগেয়েমি গুরিনে আর গত্তনাগুন্‌ দরমর গুরিনে তর্‌ কধানি শুনিবাত্তে ন-চান্‌।

যাত্রা 6:2

গোজেনে মোশিরে আরঅ কলঅ, “মুই লগেপ্রভু।

যাত্রা 6:6

সেনত্যে তুই ইস্রায়েলীয়গুনোরে কোইদে, লগেপ্রভু কত্তে, ‘মুই লগেপ্রভু। মিসরীয়গুনোর দিয়্যে জদবদে কামানিত্তুন্‌ তমারে নিগিলেই আনিম। তারার্‌ চাগর্‌ কাদানাত্তুন্‌ মুই তমারে উদ্ধোর গুরিম। আত্‌ বাড়েইনে তারারে জদবদে সাজা-দিইনে মুই তমারে উদ্ধোর গুরিম।

যিশাইয় 55:3

মঅ কধানি শুন্, মইদু আয়; মঅ কধাগান শুন্ যেন তুমি জেদা থাগঅ। মর্ বিশ্বেজে ভরা কোচ্‌‍‌‌‍‍পানালোই মুই দায়ূদো ইদু যে এগেমান্ গোজ্যং সেই মজিম্ মুই তমাত্তে এক্কান উমরর্ সুদোম্ থিদেবর্ গুরিম।‍

যিহিষ্কেল 18:9

তে মর্ সুদোম্ মজিম চলে আর বিশ্বেজ্ গুরিনে মর্ সুদোমানি পালায়। এ মানুচ্চো ঘেচ্চেকগুরি গম্; তে হামাক্কায় বাঁজিবো। মুই প্রভু লগেপ্রভু এ কধাগান কঙর্।

যিহিষ্কেল 20:11

মুই তারারে মঅ সুদোমান দিলুং আর মর্ রীদি-সুদোমানি তারারে জানেলুং; যে সিয়েনি পালেব তে সিয়েনর্ ভিদিরেদি জিংকানি পেবঅ।

যিহিষ্কেল 20:13

মাত্তর্ ইস্রায়েলর মানুচ্চুনে ধূল্যেচর-চাগালাত্ মঅ বিরুদ্ধে উল্লোমী গুরিলাক্। তারা মর্ সুদোমানি ন-পালেলাক্ আর মর্ যে রীদি-সুদোমানি পালেইলে মানুচ্ জিংকানি পান সিয়েনি তারা এলাফেলা গুরিলাক্; তারা মর্ দিয়্যে জিরেবার দিনুনোর্ পবিত্রতাগান রোক্ষ্যে ন-গুরিলাক্। সেনত্তে মুই কলুং, মুই তারা উগুরে মঅ রাগ্‌‌‌‌‌কান ঢালি দিইনে ধূল্যেচর-চাগালাত্ তারারে ভস্ত গুরি ফেলেম।

যিহিষ্কেল 20:21

মাত্তর্ সেই পুয়ো-ছাগুনে মঅ বিরুদ্ধে উল্লোমী গুরিলাক্। তারা মর্ সুদোমানি ন-পালেলাক্ আর যে রীদি-সুদোমানি পালেইলে মানুচ্ জিংকানি পায় তারা মর্ সেই আইন-কানুনানি মানি চলানা ইন্দি মনযোগ ন-দিলাক্; তারা মর্ দিয়্যে জিরেবার দিনুনোর পবিত্রতাগান রোক্ষ্যে ন-গুরিলাক্। সেনত্তে মুই কলুং ধূল্যেচর-চাগালাত্ মুই তারা উগুরে মর্ রাগ্‌‌কান আর অমকদ অহুজি অনাগান পুরোপুরি ঢালি দিম।

লেবীয় 18:6

কনঅ কুদুম্মো ‍সমারে কিয়্যেদি মিজেনা ন-চুলিবো। মুই লগেপ্রভু।

মালাখি 3:6

“মুই লগেপ্রভু, মর্ কনঅ পরিবত্তন্ নেই। সেনত্তে ও যাকোবর্ বংশধরুন, তুমি ভস্ত ন-অর্।

মথি লেখ্যে গম্ হবর্ 19:17

যীশু তারে কলঅ, “গম্ কি জিনিস সে পৌইদ্যেনে কিত্তে মরে পুযোর্ গরর্? গম্ বানা একজনে আঘে। যুনি তুই উমর জিংকানি পেবাত্তে চাজ্ সালে তার্ বেক্ উগুমানি পালা।”

লূকে লেখ্যে গম্ হবর্ 10:28

যীশু তারে কলঅ, “তুই ঠিগ্ জোব্‌পান দুয়োচ্। যুনি তুই সিয়েন্ গুরি থাচ্ সালে জিংকানি পেবে।”

রোমীয় 10:5

রীতি-সুদোম পালেইনে গোজেনর্ যগাজ্জ্যে অনা পৌইদ্যেনে মোশি লেখ্যেদে, “যে মানুচ্চো রীতি-সুদোম্ মজিম আঢে তে সিয়েনর্ মাধ্যমে জিংকানি পেবঅ”

রোমীয় 7:10

আর মর্‌অ মরণ ঘুদিলো। যে উগুমানর্ কারনে জিংকানি পেবার্ কধা সিয়েনে মত্তেই মরণান্ এলঅ,

গালাতীয় 3:12

রীতি-সুদোমে বরং কয়, “যে মানুচ্চো রীতি-সুদোম্ মজিম আঢে তে সিয়েনর্ মাধ্যমে জিংকানি পেবঅ।”

দ্বি’লম্বর বিররণ 30:6

তুমি যেনে তমার বেক্‌ মনান-পরাণান দিইনে তারে কোচ্‌পেইনে বাঁজি থাগঅ সেনত্যে তে তমারে আর তমার বংশধরুনোর মনত্‌ তনা গুরিবো।

দ্বি’লম্বর বিররণ 4:1

ইস্রায়েলীয়গুন, মুই তমারে যেদক্কানি সুদোম আর রীদি-সুদোমর্ শিক্ষ্যে দিবাত্তে যাঙর্‌ সিয়েনি তুমি ইক্কিনে শুনো। ইয়েনি তমাত্তুন্‌ মানি চলা পুরিবো যেনে তুমি বাঁঝি থাগঅ আর তমা পুরোণি মানুচ্চুনোর্‌ গোজেন লগেপ্রভু যে দেজ্‌ছান তমারে দিবাত্তে যার্‌ সিদু যেইনে সিয়েন্‌ অধিকার্‌ গুরি নেযেই পার।