লেবীয় 18:29 - Chakma Bible

²⁹ “যুনি কনজনে এবাবোত্যে কনঅ জঘন্য কাম্‌ গরন্‌ সালে তারে জাদ ভিদিরেত্তুন তুলি দিয়্যে পুরিবো।

লেবীয় 18:29 ပူးပေါင်းရင်းမြစ်များ

যাত্রা 12:15

“তুমি সাত দিন সং সদানেইয়্যে পিদে হেবা। তমা ঘরত্‌ যেদক্কানি সদা আঘে পত্তম দিনোত্‌ তুমি সিয়েনি বেক্কানি সোরেই ফেলেবা। এ সাত দিনো ভিদিরে যুদি কনজনে সদা দিয়্যে পিদে খায় সালে তারে ইস্রায়েলীয়গুনো ভিদিরেত্তুন্ বাদ দিয়া অবঅ।

যাত্রা 30:33

যুনি কনজনে এধোক্ক্যেন তুম্বাস্‌ জিনিস বানান্‌ বা ধর্মগুরু বাদে আর কারঅ কিয়্যেত্‌ সিয়েন্‌ দুয়োন্‌ সালে তারে তার্‌ জাদ ভিদিরেত্তুন্‌ বাদ্‌ দিয়্যে পুরিবো।”

লেবীয় 17:10

কনঅ ইস্রায়েলীয় বা তারা ভিদিরে বজত্তি গোজ্যে অন্য জাদর্‌ কনঅ মানুচ্‌ যুনি লো খায় সালে তা সিত্তুন্‌ মুই মর্‌ মুয়োন্‌ ফিরেই নেযেম আর তা জাদত্তুন্‌ তারে তুলি ফেলেম,

লেবীয় 18:28

তুমিয়ো যুনি দেজ্‌চান ফি-বলা গরঅ সালে সিদুগোর্‌ আগঅ জাদ্‌তুনো ধোক্ক্যেন দেজ্‌চানে তমারেয়ো উগুলিনে ফেলেই দিবো।

লেবীয় 18:30

মর্‌ উগুমানি তুমি মানি চলিবা আর সিদু লুমিনেই আগ আদাম্মেগুনোর্‌ জঘন্য চালচলনর্‌ এক্কানঅ তুমি ন-গুরিবা। ইয়েনিলোই তুমি নিজোরে ফি-বলা ন-গুরিবা। মুই লগেপ্রভু তমার গোজেন।”

লেবীয় 20:6

যে মানুচ্চো মঅ উগুরে অবিশ্বেজী ওইনে ভূত্তুনো মাধ্যম ইদু বা ভান্ন্যেই আত্মাগুনো সমারে মিজেই এবাবোত্যে মান্‌জ্য ইদু নিজোরে গোজেই দে মুই তাত্তুন্‌ মুয়োন্‌ ফিরেই নিম আর তা জাদত্তুন্‌ তারে তুলি ফেলেম।

লেবীয় 7:20

কনজনে যুনি ফি-বলা অবস্থায় লগেপ্রভু ইদু উৎসর্ব গোজ্যে উদোলোলি-উৎসর্বর্ য়েরা খায় ছালে তারে তা জাদ ভিদিরেত্তুন্‌ বাদ দিয়্যে পুরিবো।

লেবীয় 7:21

যুনি কনজনে মান্‌জ্যর্‌ বা য়েমানর্‌ কনঅ ফি-বলা জিনিস অথবা অন্য কনঅ ফি-বলা ঘিনাইদে জিনিস ধরন আর পরেদি লগেপ্রভু ইদু উৎসর্ব গোজ্যে উদোলোলি-উৎসর্বর্ য়েরা খায় ছালে তারে তার্‌ জাদ ভিদিরেত্তুন্‌ বাদ দিয়্যে অবঅ।”

মালাখি 2:12

যিগুনে এবাবোত্যে কাম্ গরন তারা যুনিয়ো বা বেগত্তুন্ খেমতাবলা লগেপ্রভুর নাঙে উৎসর্বর জিনিস্‌ আনন্ তো লগেপ্রভু যাকোব বংশ ভিদিরেত্তুন্ তারারে বেক্কুনোরে শেষ্ গুরি দিবো। ‌‌‌