লেবীয় 18:26 - Chakma Bible

²⁶ মাত্তর্‌ তুমি মর্‌ সুদোম আর রীদি-সুদোমানি মানি চলিবা। তমার জাদর্‌ বা তমা ভিদিরেত্তুন বজত্তি গোজ্যে অন্য জাদর্‌ কনঅ মানুচ্‌ যেন এবাবোত্যে কনঅ জঘন্য কাম ন-গরন্‌।

লেবীয় 18:26 ပူးပေါင်းရင်းမြစ်များ

১ রাজাবলী 14:24

এন্‌ কি, তারার্‌ দেজত্‌ মরদ্‌ মন্দির-বেশ্যেয়ো এলাক্‌। যে জাত্তুনোরে লগেপ্রভু ইস্রায়েলীয়গুনোর্‌ মুজুঙেত্তুন্‌ দূর্‌ গুরি দিয়্যে তারার্‌ বেক্‌ ঈচ্ গরেদে কামানি যিহূদার মানুচ্চুনে গরা ধুরিলাক্‌।

লেবীয় 17:10

কনঅ ইস্রায়েলীয় বা তারা ভিদিরে বজত্তি গোজ্যে অন্য জাদর্‌ কনঅ মানুচ্‌ যুনি লো খায় সালে তা সিত্তুন্‌ মুই মর্‌ মুয়োন্‌ ফিরেই নেযেম আর তা জাদত্তুন্‌ তারে তুলি ফেলেম,

লেবীয় 17:8

তারারে কঅ, কনঅ ইস্রায়েলীয় অথবা তারা ভিদিরে বজত্তি গোজ্যে অন্য জাদর্‌ কনঅ মানুচ্‌ যুনি পুজ্যে-উৎসর্ব বা অন্য কনঅ উৎসর্ব গুরিবাত্তে যেইনে সিবে লগেপ্রভুর্ নাঙে উৎসর্ব গুরিবাত্তে মিলন-তাম্বুল দোরান কুরে ন-আনন্, সালে সে মানুচ্চোরে তার জাদর্‌ ভিদিরেত্তুন্‌ তুলি ফেলা পুরিবো।

লেবীয় 18:25

ইয়েনত্তে তারার্‌ দেজ্‌চানঅ ফি-বলা ওই যেইয়্যে। সেনত্তে অন্যেয়র্‌ কারনে দেজ্‌চানরে মুই সাজা দুয়োঙর্‌ আর দেজ্‌চানেয়ো তা মানুচ্চুনোরে উগুলিনে ফেলেই দিবাত্তে যার্‌।

লেবীয় 18:27

আগেত্তুন্‌ ধুরি যিগুনে সেই দেজত্‌ বজত্তি গুরি এত্তন্‌ তারা সেই কামানি গুরিনে দেজ্‌চানরে ফি-বলা গুরি ফেল্যন্‌।

লেবীয় 18:30

মর্‌ উগুমানি তুমি মানি চলিবা আর সিদু লুমিনেই আগ আদাম্মেগুনোর্‌ জঘন্য চালচলনর্‌ এক্কানঅ তুমি ন-গুরিবা। ইয়েনিলোই তুমি নিজোরে ফি-বলা ন-গুরিবা। মুই লগেপ্রভু তমার গোজেন।”

লেবীয় 18:5

মর্‌ সুদোম আর রীদি-সুদোমানি তমাত্তুন্‌ পালন গরা পুরিবো, কিত্তে যে সিয়েনি পালন গুরিবো তে তার্‌ মাধ্যমে জীংকানি পেবঅ। মুই লগেপ্রভু।

লূকে লেখ্যে গম্ হবর্ 11:28

মাত্তর্ যীশু কলঅ, “ইয়েনত্তুন্ বেশ্ বরং তারা বর্‌পেইয়্যে যিগুনে গোজেনর্ কধা শুনোন্ আর সেবাবোত্যেগুরি কাম্ গরন্।”

লূকে লেখ্যে গম্ হবর্ 8:15

গম্ ভূইয়োত্ পোজ্যে বীজ্‌‌চুনো মাধ্যমে তারা পৌইদ্যেনে কুয়ো ওইয়্যেদে যিগুনে গম্ আর সরল্ মনে সেই কধানি শুনিনে দরমর গুরি ধুরি রাগান্ আর থির্ থেইনে জিংকানিত্ পাগানা ফল দেগান্।

যোহন 14:15

তুমি যুনি মরে কোচ্‌পঅ সালে মর্ বেক্‌ উগুমানি পালেবা।

যোহন 15:14

যেদক্কানি উগুম্ মুই তমারে দুয়োং সিয়েনি যুনি তুমি পালঅ সালে তুমি মঅ সমাজ্যে।

দ্বি’লম্বর বিররণ 12:32

মুই তমারে যেদক্কানি উগুম্‌ দিলুং সিয়েনি বেক্কানি তুমি পালন গুরিবা; ইয়েন সমারে কিজু ন-মিজেবা, আরঅ ইয়েনত্তুন্‌ কিজু বাদঅ ন-দিবা।

দ্বি’লম্বর বিররণ 4:40

তমার্‌ আর তমার পরেন্দি তমা ঝি-পূঅগুনোর্‌ যেনে ভালেদি অয় আর তমার গোজেন লগেপ্রভু যে দেজ্‌ছান উমরত্তে তমারে দের্‌ সিয়েন্দোই যেনে তুমি ভালোক্‌ দিন বাঁজি থেই পার সেনত্যে মুই যেদক্কানি রীদি-সুদোম আর উগুম এচ্চ্যে তমারে দুয়োঙর্‌ সিয়েনি তুমি মানি চলিবা।”