লেবীয় 18:25 - Chakma Bible

²⁵ ইয়েনত্তে তারার্‌ দেজ্‌চানঅ ফি-বলা ওই যেইয়্যে। সেনত্তে অন্যেয়র্‌ কারনে দেজ্‌চানরে মুই সাজা দুয়োঙর্‌ আর দেজ্‌চানেয়ো তা মানুচ্চুনোরে উগুলিনে ফেলেই দিবাত্তে যার্‌।

লেবীয় 18:25 ပူးပေါင်းရင်းမြစ်များ

১ রাজাবলী 21:26

ইস্রায়েলীয়গুনো মুজুঙোত্তুন্‌ লগেপ্রভু যে ইমোরীয়গুনোরে ধাবেই দিয়্যে তারা ধোক্ক্যেন্ মূত্তি পূজো গুরিনে তে জঘন্য কাম্‌ গুরিদো।

গীতসংহিতা 106:38

তারা নিদ্দুযিগুনোর, অত্তাত্ তারার পুয়ো-ঝিগুনোর লো ঝোরেই দিলাক্। তারা কনান মূত্তিগুনোর নাঙে তারার ডালি দিলাক্, সেক্কে পুরো দেজ্‌ছান সে লো-লোই ফি বাঁজিলো।

গীতসংহিতা 89:32

সালে বারি মারিনে মুই তারারে পাপর সাজা দিম, তারার অন্যেয়র সাজা দিম।

যিশাইয় 24:5

পিত্‌থিমীগানরে তা মানুচ্চুনে কজরা গুরি ফেল্যন্। তারা সুদোমানি অমান্য গোজ্যন; তারা সুদোমানি ভাঙ্যন্ আর লগেপ্রভুর উমরর্ সুদোম মজিম্ ন-চলন্।

যিশাইয় 26:21

চঅ, জগদ মানুচ্চুনোরে পাপর্ সাজা দিবাত্তে লগেপ্রভু তা থেবার জাগানত্তুন্ নিগিলি এজের্। পিত্‌থিমীগান উগুরে যে লো যোজ্যে সিয়েনি ফগদাং গরা অবঅ; মারে ফেলেয়্যে তা মানুচ্চুনোরে আর্ তে লুগেই ন-রাগেব।‍ ‌

যিরমিয় 14:10

এ মানুচ্চুনে পৌইদ্যেনে লগেপ্রভু কোইয়্যেদে, “তারা ঘুরি বেড়াদে গম্‌‌‌‍‍পান; তারা তারার টেঙানি ন-থামান্। সেনত্তে মুই তারারে গুজি ন-লং; মুই এবেরা তারার পাজিগানির পৌইদ্যেনে ইদোত্ তুলিম আর পাপত্তে সাজা দিম্।”

যিরমিয় 16:18

তারার পাজিগানিত্তে আর পাপ্পানিত্তে মুই তারারে দ্বিগুন ফল দিম, কিত্তে তারা মঅ দেজ্‌‍‍‍চানরে অসিজি গোজ্যন আর তারাত্তে জঘন্য মূত্তি আর পুজোলোই মর্ সেই অধিকারানরে পুরোন গোজ্যন‍।”

যিরমিয় 2:7

মুই তমারে এক্কান বোল্‌বোল্যে দেজত্ আন্যং যেন তুমি সিদুগোর্ গুলোগুলি আর গম্ গম্ জিনিস হেই পার; মাত্তর্ তুমি এইনে মঅ দেজ্‌‍‍ছানরে অসিজি গোজ্য, মর্ অধিকারানরে ঈচ্ গরেদে জিনিস গোজ্য।

যিরমিয় 23:2

সেনত্তে যে পালক্‌‍‌কুনে মঅ মানুচ্চুনোরে চড়ান সেই পালক্‌কুনো বিরুদ্ধে ইস্রায়েলর গোজেন লগেপ্রভু কোইয়্যেদে, “তুমি মর্ পালর্ ভেড়াগুনোরে ছিদি ফেল্য আর তারারে ধাবেই দুয়ো, তারারে কনঅ যত্তন্ ন-গরঅ; সেনত্তে তমা অন্যেয়ত্তে মুই তমারে সাজা দিম।‍‌

যিরমিয় 5:29

ইয়েনত্তে মুই কি তারারে সাজা ন-দিম্? মুই কি এবাবোত্যে জাদ উগুরে হেনা ন-সুজিম্? মুই লগেপ্রভু এ কধাগান কঙর্।

যিরমিয় 5:9

মুই লগেপ্রভু পুযোর্ গরঙর্, ইয়েনত্তে কি মুই তারারে সাজা ন-দিম্? মুই কি এবাবোত্যে জাদ উগুরে হেনা ন-সুজিম্?

যিরমিয় 9:9

মুই কি ইয়েনত্তে তারারে সাজা ন-দিম? এবাবোত্যে জাদ উগুরে কি মুই নিজেই হেনা ন-সুজিম?”

হোশেয় 2:13

যেদক্ দিন সং তে বাল দেবেদাগুনোর্ নাঙে আগর্‌বাট্টি জ্বালেয়্যে আর আন্দিক্ আর গহনা-গাটি দিইনে নিজোরে সাজেইনে তা লাঙুনে ইন্দি যেইনে মরে ভুলি যেয়্যেগোই সেদক্ দিনোত্তে মুই তারে সাজা দিম। মুই লগেপ্রভু এ কধাগান কঙর্।

হোশেয় 8:13

তারা মঅ নাঙে য়েমান-উৎসর্ব গুরিনে সিগুনোর য়েরানি হান্ মাত্তর্ মুই লগেপ্রভু তারা উগুরে হুজি নয়। ইক্কিনে মুই তারার্ পাজিগানির্ কধা ইদোত্ তুলিনে পাপর্ সাজা দিম; তারা মিসরত্ ফিরি যেবাক্।

হোশেয় 9:9

গিবিয়ার সময়োত্ যেবাবোত্যে এলঅ সেবাবোত্যে ইস্রায়েলীয়গুনে অন্যেয় ইধু ডুবি যেইয়োন। গোজেনে তারার্ পাজির্ কধানি ইদোত্ তুলিবো আর তারার্ পাপত্তে সাজা দিবো।

লেবীয় 18:26

মাত্তর্‌ তুমি মর্‌ সুদোম আর রীদি-সুদোমানি মানি চলিবা। তমার জাদর্‌ বা তমা ভিদিরেত্তুন বজত্তি গোজ্যে অন্য জাদর্‌ কনঅ মানুচ্‌ যেন এবাবোত্যে কনঅ জঘন্য কাম ন-গরন্‌।

লেবীয় 18:28

তুমিয়ো যুনি দেজ্‌চান ফি-বলা গরঅ সালে সিদুগোর্‌ আগঅ জাদ্‌তুনো ধোক্ক্যেন দেজ্‌চানে তমারেয়ো উগুলিনে ফেলেই দিবো।

রোমীয় 8:22

আমি কোই পারিই, গোদা সৃট্টিগান্ যেন এক্কান জদবদে পো-ফুদোইদ্যে ধোক্ক্যেন সুলোনিয়ে ইক্কিনেও ওমা-হদা গরের্।

দ্বি’লম্বর বিররণ 18:12

এদক্কানি কাম্‌ যে গরে লগেপ্রভু তারে জঘন্য বিলিনে মনে গরে। এই বেক্‌ জঘন্য কামানিত্তে তমার গোজেন লগেপ্রভু সেই বেক্‌ জাদ্‌তুনোরে তমা মুজুঙোত্তুন ধাবেই দিবো।

দ্বি’লম্বর বিররণ 21:23

মাত্তর্‌ বেন্যেমাদান্ সং তার্‌ কিয়্যেগান গাজত্‌ টাঙেই রাগে ন-পারিবো। সেদিন্যে তারে গোর্ দিয়্যে পুরিবো, কিত্যে গাজত্‌ টাঙেই রাগাইদে মানুচ্চো গোজেনর অভিশাব পেইয়্যে। সোম্বোত্তি ইজেবে যে দেজ্‌ছান তমারে গোজেন লগেপ্রভু তমারে দিবাত্তে যার্‌ সিয়েন তুমি অসিজি ন-গুরিবা।

দ্বি’লম্বর বিররণ 9:5

ধার্মিক বা গম্‌ বিলিনেই যে তুমি তারার্‌ দেজ্‌ছান্‌ গজক্ গুরিবাত্তে যর্‌ সিয়েন্‌ নয়, বরং তমার্‌ গোজেন লগেপ্রভু তমা পুরোণি মানুচ্‌ অব্রাহাম, ইসহাক আর যাকোব ইদু যে কধাগান্‌ এগেম্ গুরিনে কোইয়্যে সিয়েনি ছিড়েবাত্তে তে এ বেক্‌ জাদর্‌ ভান্ন্যেয়ানির্‌ কারনে তমা মুজুঙোত্তুন্‌ তারারে ধাবেই দিবো।