লেবীয় 18:22 - Chakma Bible

²² মিলে সমারে কিয়্যেদি মিজেইদ্যে ধোক্ক্যেন গুরি মরদ সমারে মরদর্‌ কিয়্যেদি মিজেনাগান ন-চলিবো। ইয়েন্‌ এক্কান্‌ জঘন্য কাম।

লেবীয় 18:22 ပူးပေါင်းရင်းမြစ်များ

পত্থম 19:5

তারা লোটরে ডাগিনে কলাক্, এচ্চ্যে রেদোত্‌ যে দ্বিজন মানুচ্‌ তমা ইধু এচ্চ্যন্‌ তারা কুদু? তারারে নিগিলেনে আমা ইধু আন। আমি সে দ্বিজন মরত্‌ পুয়ো সমারে বেশ্যেমি গুরিবোং।

১ রাজাবলী 14:24

এন্‌ কি, তারার্‌ দেজত্‌ মরদ্‌ মন্দির-বেশ্যেয়ো এলাক্‌। যে জাত্তুনোরে লগেপ্রভু ইস্রায়েলীয়গুনোর্‌ মুজুঙেত্তুন্‌ দূর্‌ গুরি দিয়্যে তারার্‌ বেক্‌ ঈচ্ গরেদে কামানি যিহূদার মানুচ্চুনে গরা ধুরিলাক্‌।

লেবীয় 20:13

মিলেমান্‌জ্য সমারে কিয়্যেদি মিজেইদে ধোক্ক্যেন গুরি যুনি কনজনে মরদ সমারে মিজেই সালে সিয়েন্‌ দ্বিজনর্‌ পক্ষে এক্কান জঘন্য বেপার। তারারে মারে ফেলা পুরিবো। তারা নিজোর্‌ মরণানত্তে নিজেরাই দায়ী।

১ করিন্হীয় 6:9

যিগুনে অন্যেয় গরন্ সিগুনে যে গোজেন রেজ্যর্ অধিকারী ন-অবাক্, সিয়েন কি তুমি কোই ন-পারঅ? তুমি ভুল্ ন-গোজ্জ্য। যিগুনোর্ খাচ্চ্যত্ ভান্ন্যেই, যিগুনে মূর্ত্তি পুজো গরন্, যিগুনে বেগেয়্যে গরন্, যিগুনে মরদ-বেগেয়্যে, যে মরদ্‌তুনে মরদ্‌অ সমারে বেগেয়্যে গরন্,

দ্বি’লম্বর বিররণ 23:18

মরদ্‌ ওক্‌ বা মিলে ওক্‌ যে বেশ্যের জীংকানি কাদায় তার্‌ আয়র্‌ টেঙাগুন্‌ মান্যা চিড়েবাত্তে তমার গোজেন লগেপ্রভুর ঘরত্‌ আনানা ন-চলিবো, কিত্যে এবাবোত্যে মরদ্‌ আর মিলেরে লগেপ্রভু ঘিনাই।

১ তীমথিয় 1:10

যিগুনে সিনেলী গরন, যিগুনে সমকামী, যিগুনে চাগর বেবসা গরন্, যিগুনে মিজে কধা কন্ আর মিজে সাক্ষি দুয়োন, আর যিগুনে সত্য শিক্ষ্যের বিরুদ্ধে অন্য কনঅ কাম্ গরন।

যিহূদা 1:7

সদোম, ঘমোরা আর তারার্ কায়কুরে বেক্‌ শঅরর্ মানুচ্চুনেয়ো ঠিগ তারা ধোক্ক্যেন পর্‌‌‌‌পাগোল্যে, এন্‌ কি, অমকদ পর্‌‌‌‌পাগোল্যে এলাক্। যিগুনে উমরর্ আগুনোত্ পুড়ি যেবার সাজা পেবাক্ ইগুনে সিগুনোর্ চিহ্নো ওই আঘন্।

বিচের গুরিয়্যেগুন 19:22

ইঙিরিনে যেক্কে তারা সুন্‌যুগ্‌ গুরিনে সময় কাদাদন্‌ সেক্কে শঅরর্‌ কয়েক্কো বজং মানুচ্‌ এইনে ঘরান্‌ ঘিরিলাক্‌। তারা দোরানত্‌ লাদি মারদে মারদে ঘরঅ গিরোজ্‌সো সে বুড়ো মানুচ্চোরে কলাক্‌, “যে মানুচ্চো তঅ ঘরত্‌ এচ্চ্যে তারে নিগিলেই দে। আমি তা লগে সিনেলী গুরিবোং।”