লেবীয় 16:30 - Chakma Bible

³⁰ কিত্তে এ দিন্নোত্‌ তমার্‌ পাপ্পানি ঢাগি দিবার্‌ অনুষ্ঠান গুরিনে তমারে সুদ্ধো-সাংগ গুরি নেযা পুরিবো, আর যেরেন্দি তুমি লগেপ্রভু ইদু তমার বেক্‌ পাবত্তুন্‌ সুদ্ধো-সাংগ অবা।

লেবীয় 16:30 ပူးပေါင်းရင်းမြစ်များ

গীতসংহিতা 51:10

ও গোজেন, তুই মইদু দোল্ মন-মানসিক্ গুরি দে; মর্ মনান্ আরঅ থির্ গুরি দে।

গীতসংহিতা 51:2

মর্ বেক্ অন্যেয়ানি তুই ধোই ফেলা; মর্ পাপ্পানিত্তুন্ মরে সিজি গর্।

গীতসংহিতা 51:7

এসোব গাজর্ ডাল্লোই তুই মরে সিজি গর্, সিয়েন্দোই মুই সিজি ওম্; মরে ধোই ফেলা, সেক্কে মুই ধোক্ ধোক্যে ধুব্ ওম।

যিরমিয় 33:8

মঅ বিরুদ্ধে তারা যেদক্কানি পাপ গোজ্যন্ সিয়েনিত্তুন্ তারারে শুদ্ধো গুরিম আর মঅ বিরুদ্ধে গোজ্যে তারার বেক অন্যেয়ানি আর উল্লোমীগানি খেমা গুরিম।

লেবীয় 23:27

“এ সাত মাজর্‌ দশ দিনোর্‌ দিন্নো অবঅ পাপ ঢাগি দিবার দিন। সেদিন্যে তমার্‌ এক্কো পবিত্র মিলন-সভা অবঅ আর নিজোর্‌ মনান্‌ ভাঙিচুরি দুখস্বীগের্‌ গরা পুরিবো। তমার্‌ সেদিন্যে লগেপ্রভুর্ নাঙে আগুন্দোই-গোজ্যে উৎসর্বর্‌ অনুষ্ঠান গরা পুরিবো।

লেবীয় 23:28

সেদিন্যে তমার্‌ কনঅ কাম গরা ন-পুরিবো, কিত্যে ‍সিবেয়ই অলঅ পাপ ঢাগি দিবার্‌ দিন। তমার গোজেন লগেপ্রভুর্ মুজুঙোত্ সেদিন্যে তমার্‌ পাপ ঢাগি দিয়্যে পুরিবো।

ইফিষীয় 5:26

খ্রীষ্টর্ উদ্দেচ্চ্য অলঅ যেন তে মন্ডলীরে পবিত্র গুরিবাত্যে তার্ কধার মাধ্যমে পানিত্ ধোইনে মহিমালোই ভরা অবস্থায় নিজো মুজুঙোত্ আঝির্ গুরি পারে। সেলক্কে মন্ডলী ভিদিরে কনঅ কলংকর দাগ্, থুদো বা সেবাবোত্যে কনঅ কিজু ন-থেবঅ, বরং সিয়েন পবিত্র আর থুদোনেইয়্যে অবঅ।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।