লেবীয় 16:15 - Chakma Bible

¹⁵ পরেদি তাত্তুন্‌ মানুচ্চুনোর্‌ পাপ-উৎসর্বর্ ছাগল্লো কাবা পুরিবো আর তার লো-নেযেইনে পর্দাগানর্‌ পিজেন্দি যেইনে বলত্তোর লো-লোই যিয়ান গুরিবার্‌ কধা কুয়ো ওইয়ে সিয়ান গরা পুরিবো। সুন্দুগোর্‌ ঢাগনিগান উগুরে আর মুজুঙোত্ সে লো-গান তাত্তুন্‌ ছিদি দিয়া পুরিবো।

লেবীয় 16:15 ပူးပေါင်းရင်းမြစ်များ

লেবীয় 16:2

তে কলঅ, তর্‌ ভেই হারোণরে কঅ‌, সাক্ষ্য-সুন্দুগো উগুরে ঢাগোনিগান মুজুঙোত্ যে পর্দাগান্‌ রোইয়ে ‍সিয়েনর্‌ পিজেন্দি সে পবিত্র জাগানত্‌ তে যেন তার্‌ আওজ্ মজিম যেক্কে-সেক্কে ন-যায়। সেধোক্ক্যেন গুরিলে তে মুরি যেবঅ, কিত্তে সে ঢাগনিগান উগুরে মেঘ ভিদিরে মুই দেগা দিম্‌।

লেবীয় 4:21

ধর্মগুরুবো সেই বলদ্‌তোর্ বাদবাগি ভাগ্‌কানি তাম্বুল বারেন্দি নেযেইনে পাপ-উৎসর্বর্ অন্য বলদ্ গোরুবোর্ ভাগ্‌কানি ধোক্ক্যেন গুরি পুড়ি ফেলেব। ইবে অলঅ গোদা ইস্রায়েল্‌ জাদর্‌ পাপ-উৎসর্বর্ অনুষ্ঠান।

লেবীয় 4:5

পরেদি দাঙর্‌ ধর্মগুরুবো সে গোরুবোর্‌ কিজু লো নেযেইনে মিলন-তাম্বুলোত্ যেবঅ।

গণাণা 17:11

লগেপ্রভু মোশিরে যে উগুমগান্ দিলো তে ঠিগ্ সিয়েনোই গুরিলো।

গণাণা 28:15

অক্ত মজিম পুজ্যে-উৎসর্ব আর তা সমারে ঢালন-উৎসর্ব বাদে এক্কো পাঁদাছাগাল দিইনে পাপ-স্বীগেরর্‌ অনুষ্ঠান গরা পুরিবো।

ইব্রীয় 2:17

সেনত্যে যীশুত্তুন্ বেক্কানিন্দি তা ভেইয়ুনো ধোক্ক্যেন উয়ো পল্ল, যেনে তে এক্কো দোয়্যেলু আর বিশ্বেজি দাঙর্ ধর্মগুরু ইজেবে গোজেনর্ সেবা গুরি পারে। ইয়েনর উদ্দেচ্চ্যগান অলঅ, তে যেন নিজোর্ মরণানরে দিইনে মান্‌জ্যর পাপ্পানি দূর্ গুরিনে গোজেনরে হুজি গরে।

ইব্রীয় 5:3

তে যেধোক্ক্যেন অন্য মানুচ্চুনোর্ পাপত্যে য়েমান উৎসর্ব গরে সেধোক্ক্যেন নিজে নরম বিলি নিজোর্ পাপত্যেয়ো তাত্তুন্ সেই উৎসর্বগান গরা পরে।

ইব্রীয় 6:19

এই আজাগান আমা জিংকানিত্ নোংগর ধোক্ক্যেন ঘেচ্চেকগুরি আর থিদেবর্, আর সিয়েন দাঙর্ পবিত্র জাগানর্ পর্দাগান পিজেদি, অত্তাৎ গোজেন মুজুঙোত্ যেইনে লুমেগোই।

ইব্রীয় 7:27

অন্য দাঙর্ ধর্মগুরুগুনে যেধোক্ক্যেন পত্তমে নিজোর্ আর যেরেদি অন্যগুনোর্ পাপত্যে য়েমান উৎসর্ব গত্তাক্, সেধোক্ক্যেন গুরি এই ধর্মগুরুবোর সিয়েন গুরিবার দরকার ন-এলঅ, কিয়া তে উমরত্যে এক বার্ নিজোর্ জিংকানিগান উৎসর্ব গুরিনে সেই কামান থুম্ গোজ্জ্যে।

ইব্রীয় 9:12

ছাগল আর গোরু ছঅ লো-লোই খ্রীষ্ট সেই দাঙর্ পবিত্র জাগানত্ ন-সমায়। তে নিজোর্ লো-লোগান্দোই একবার সিয়েনত্ সোম্মেগোই। এবাবোত্যে গুরি তে উমরত্যে পাপত্তুন্ উদ্ধোরর্ পথ্‌তান্ গুরিলো।

ইব্রীয় 9:13

যিগুনে অসিজি অদাক্ সিগুনো উগুরে ছাগল আর বলদর্ লো বা গোরুছ-পুজ্জ্যে ছেই ছিদেনা অদঅ; সিয়েন্দোই তারার্ বারেদি কিয়্যেগান বানা সিজি ওইনে সাব্ অদঅ।

ইব্রীয় 9:3

দ্বি-লম্বর্ পর্দাগানর্ পিজেদি তাম্বুলানর্ আর এক্কান ভাগ্ এলঅ; সিয়েন নাঙান এলঅ দাঙর্ পবিত্র জাগা।

ইব্রীয় 9:7

মাত্তর্ দ্বিলম্বর ভাক্কানত্, অত্তাৎ দাঙর্ পবিত্র জাগানত্ বানা দাঙর্ ধর্মগুরুবো সুমিদো। বজরে বানা একবার তে উৎসর্ব-গোজ্জ্যে য়েমান লো-লোই সিয়েনত্ সুমিদো। তার্ নিজো পাপত্যে আর মানুচ্চুনে কোই ন-পারিনে যেদক্কানি পাপ গোজ্জ্যন সিয়েনত্যে তে এই লো-গান উৎসর্ব গুরিদো।