লেবীয় 16:10 - Chakma Bible

¹⁰ মাত্তর্‌ লটারীত্‌ যে ছাগল্লো অজাজেলত্তে উদিবো সিবে জেদা অবস্থায় লগেপ্রভুর মুজুঙোত্ আঝিল্ গরা পুরিবো আর পাপ ঢাগি দিবার নাঙে অজাজেলত্তে ধূল্যেচর-চাগালাত্‌‌ পাদেই দিয়া পুরিবো।

লেবীয় 16:10 ပူးပေါင်းရင်းမြစ်များ

লেবীয় 14:7

যিবেরে সে চামাড়া রুগোত্তুন্‌ সুদ্ধো-সাংগ গরা অবঅ তা উগুরে ধর্মগুরুবো সাতবার সে লো-গান্‌ ছিদি দিইনে তারে সুদ্ধো-সাংগ বিলি ফগদাঙ্‌ গুরিবো। ইয়েনর পরেদি ধর্মগুরুগুনোত্তুন্‌ খুলো মাদত্‌ সে জেদা পেক্কোরে ইরি দিয়্যে পুরিবো।

লেবীয় 16:8

তাত্তুন্‌ পোরোক্ষে গুরি চাহ্ পুরিবো, সিবের্‌ ভিদিরে কন্‌ ছাগল্লো লগেপ্রভুত্তে আর কন্‌ ছাগল্লো অজাজেলত্তে।

লেবীয় 16:9

যে ছাগল্লো লগেপ্রভুর বিলি দেগা যেবঅ হারোণে সিবেলোই পাপ-উৎসর্বর্ অনুষ্ঠান গুরিবো।

রোমীয় 3:25

গোজেনে ফগদাং গোজ্জ্যেদে যে, যিগুনে বিশ্বেজ্ গরন্ তারাত্ত্যে যীশু খ্রীষ্ট তা লো-গান্দোই, অত্তাৎ তা জিংকানিগান্-উৎসর্বলোই তারে হুজি গোজ্জ্যে। এবাবোত্যেগুরি গোজেনে দেগেয়্যেদে, যুনিয়ো তে তার্ সোজ্য গুণোত্তে মান্‌জ্যর্ আগ পাপর্ সাজা ন-দে তো তে নিদ্দুজি।

রোমীয় 4:25

আমা পাপত্যে যীশুরে মরণ আদত্ তুলি দিয়্যে ওইয়্যে আর আমারে নিদ্দুজি বিলিনে মানি লবাত্যে তারে মরণত্তুন্ জেদা গরা ওইয়্যে।

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

১ যোহন 2:2

আমা পাপ্পানি দূর্ গুরিবাত্যে খ্রীষ্ট তার্ নিজো জিংকানিগান্ উৎসর্ব গুরিনে গোজেনরে হুজি গোজ্জ্যে। বানা আমা পাপ্পানি নয়, মাত্তর্ বেক মানুচ্চুনোর পাপ্পানি দূর্ গুরিবাত্যে তে সিয়েন গোজ্জ্যে।

১ যোহন 3:16

খ্রীষ্ট আমাত্যে নিজোর পরাণান্ দিয়্যে, সেনত্যে কোচ্‌পানা কি সিয়েন আমি কোই পাজ্জ্যেই। সালে ভেইয়ুনোত্যে নিজোর পরাণান্ দেনা আমার্‌অ উচিত।