লেবীয় 14:50 - Chakma Bible

⁵⁰ সে পরেদি মাদির্‌ পিলেত্‌ রাগেয়ে গোরত্তুন্ তুলি আন্যে পানি উগুরে এক্কো পেখ্‌ তাত্তুন্‌ কাবা পুরিবো;

লেবীয় 14:50 ပူးပေါင်းရင်းမြစ်များ

লেবীয় 14:4

মাত্তর্‌ তারে সুদ্ধো-সাংগ গুরিবাত্তে ধর্মগুরুবো দ্বিবে জেদা সুদ্ধো-সাংগ পেক্‌, কিজু এরস তক্তা, রাঙা রংয়র্‌ সুদো আর এসোব গাজর্‌ ডেলালোই এবাত্তে কবে।

লেবীয় 14:49

ঘরান্‌ ‍সুদ্ধো-সাংগ গুরিবাত্তে ধর্মগুরুবোর দ্বিবে পেখ্‌, কিজু এরস গাজ, রাঙা রংয়র্‌ সুদো আর এসোব গাজর্‌ বাগল্‌ নেযা পুরিবো।

লেবীয় 14:5

সে পরেদি ধর্মগুরুবো উগুম্‌ দিবো যেন পানি গঙারত্তুন্‌ তুলি আন্যে আর মাত্যে পিলেত্‌ রাগেয়ে পানি উগুরে সে পেক্‌ দ্বিবেত্তুন্‌ এক্কোরে কাবি ফেলা অয়।

লেবীয় 14:51

আর সে এরস গাচ্ছো, এসোবর বাগলান্‌, রাঙা রঙয়র্‌ সুদোগান আর জেদা পেক্কো লোইনে কাবি ফেলেয়ে অন্য পেক্কোর্‌ লো-মিজেয়ে গঙার পানিত্‌ ভুরো পুরিবো আর ঘরান উগুরে সাতবার্ সিয়েন্‌ ছিদি দিয়া পুরিবো।

লেবীয় 14:6

ধর্মগুরুবো জেদা পেক্কোরে, এরস তক্তা, রাঙা রংয়র্‌ সুদো আর এসোব গাজর্‌ ডেলা পানি গঙার উগুরে কাবি ফেলেয়্যে সেই পেক্কোর্‌ লো-গানত্ চুবেব।