লেবীয় 14:45 - Chakma Bible

⁴⁵ সেক্কে ঘরানর্‌ পাত্তরুন, লিবি দিয়া মাদিগান্‌ আর দার্‌বো বেক্কানি ভাঙি ফেলা পুরিবো আর শঅরর্‌‌ বারেন্দি কনঅ ফি-বলা জাগানত্‌ নিইনে সিগুন্‌ ফেলেই দিয়া পুরিবো।

লেবীয় 14:45 ပူးပေါင်းရင်းမြစ်များ

২ রাজাবলী 10:27

সে পরেন্দি তারা বাল দেবেদার পূজোর্‌ পাত্তর্‌বো ভাঙি দিলাক্‌ আর মন্দিরান্‌ ভাঙি ফেলেলাক্‌। মানুচ্চুনে সেক্কেত্তুন্‌ ধুরি এজঅ সং সিয়েনরে আঘাছাল্‌ ইজেবে বেবহার গুরি এত্তন্‌।

২ রাজাবলী 18:4

তে পূজো অজল্‌ জাগায়ানি ভস্ত গুরিলো, পূজো পাত্তরুন্‌ ভাঙিলো আর আশেরা-খুদোগুন্‌ কাবি ফেলেল। মোশির বানেয়্যে পিদোল সাপ্পো তে ভাঙিনে কট্টা কট্টা গুরিলো, কিত্তে ইস্রায়েলীয়গুনে সে সময় সং সে সাপ্পুনো নাঙে আগর্‌বাট্টি জ্বালাদন্‌। পিদোলর সাপ্পো নাঙান্‌ অলদে নহুষ্টন।

যিরমিয় 52:13

তে লগেপ্রভুর ঘরত্, রাজঘরত্ আর যিরূশালেমর বেক্ ঘরানিত্ আগুন ধোরেই দিলো। বেক্ আজল্ আজল্ ঘরানি তে পুড়ি ফেলেল।

যিহিষ্কেল 5:4

সে পরেদি আরঅ কিজু চুল নিইনে আগুনোত্ ফেলেইনে পুড়ি দিবে। সিয়োত্তুন আগুনান্ পুরো ইস্রায়েল জাদ ভিদিরে ছিদি যেবঅ।

লেবীয় 14:41

ঘর ভিদিরে বেক্‌ দেবালানি চাজি ফেলেইনে সে চাছ্যে ভাগ্‌কান্‌ শঅরর্‌‌ বারেন্দি কনঅ ফি-বলা জাগাত্‌ ফেলেই দিয়া পুরিবো।

লেবীয় 14:46

সাত দিন বানি রাগেবার্‌ সময় যুনি কনজনে ঘরানর্‌ ভিদিরে যায় সালে তে সেদিন্যে সাজোন্যে সং ফি-বলা অবস্থায় থেবঅ।

মথি লেখ্যে গম্ হবর্ 22:7

সেক্কে রাজার অমকদ রাগ্ উদিলো; সেনত্যে তে সৈন্য পাধেইনে সেই খুনীগুনোরে মারে ফেলেল আর তারা শঅরান্ পুড়ি দিলাক্।

মথি লেখ্যে গম্ হবর্ 24:2

সেক্কে যীশু তারারে কলঅ, “তুমি দঅ ইয়েনি বেক্কানি দেগর্, মাত্তর্ মুই তমারে ঘেচ্চেকগুরি কঙর্, ইয়েনত্ এক্কো পাত্তর উগুরে আর এক্কো পাত্তর্ ন-থেবঅ; বেক্কুন্ ভাঙি ফেলা অবঅ।”

ফগদাং পেইয়্যে 11:2

মাত্তর্ উবোসনা-ঘরর্ বারেদি যে উদোনান্ আঘে সিয়েন বাদ দিচ্‌, ন-মাবিচ্; কিয়া সিয়েন অযিহূদীগুনোরে দিয়্যে ওইয়্যে। তারা বিয়াল্লিশ্ মাস সং পবিত্র শঅরান টেঙোই উরিবাক্।