লেবীয় 14:30 - Chakma Bible

^30-31 ধর্মগুরুবো তাত্তুন্‌ সেই কঅ‌ ন-অলে কোদোর্‌ নিবো, যিয়েন্‌ তার খেমতার্‌ বারেন্দি নয়। সে পরেদি সে পেখ্‌ দ্বিবেত্তুন্‌ এক্কো লোইনে তে পাপ-উৎসর্ব ইজেবে আর অন্যবো পুজ্যে-উৎসর্ব ইজেবে শোজ্য-উৎসর্ব সমারে উৎসর্ব গুরিবো। ধর্মগুরুবো ইঙিরিনে লগেপ্রভু মুজুঙোত্ মানুচ্চোর্‌ ফি-বলাগান্‌ ঢাগি দিবো।”

লেবীয় 14:30 ပူးပေါင်းရင်းမြစ်များ

লেবীয় 12:8

উৎসর্বত্তে যুনি তে ভেড়া ছঅ আনি ন-পারে ছালে তাত্তুন্‌ দ্বিবে কঅ‌ ন-অলে দ্বিবে কোদোর্‌ আনা পুরিবো। সিগুনো ভিদিরে এক্কো অবঅ পুজ্যে-উৎসর্বত্তে আর এক্কো অবঅ পাপ-উৎসর্বত্তে। এবাবোত্যেগুরি ধর্মগুরুবো তার্‌ ফিবলাগান্‌ ঢাগি দিবো আর তে শুদ্ধো-সাংগ অবঅ।

লেবীয় 14:29

লগেপ্রভু মুজুঙোত্ তার্‌ ফি-বলাগান্‌ ঢাগি দিবাত্তে তে তার্‌ আঢর্‌ বাদবাগি তেলান্‌ মানুচ্চোর্‌ মাদাত্‌ দিবো।

লেবীয় 5:7

যুনি তে পাদি ভেড়াছাগল-ছঅ‌ আনি ন-পারে, ছালে তার্‌ সে অন্যেয়র্‌ জরিবানা ইজেবে লগেপ্রভুর্ নাঙে তাত্তুন্‌ দ্বিবে কঅ‌ ন-অলে দ্বিবে কোদোর্‌ আনা পুরিবো। সিগুনো ভিদিরে এক্কো অবঅ পাপ-উৎসর্বত্তে আর অন্যবো পুজ্যে-উৎসর্বত্তে।

লূকে লেখ্যে গম্ হবর্ 2:24

ইয়েন বাদেয়ো “এক জড়া কঅ বা দ্বিবে কোদোর ছঅ” উৎসর্ব গুরিবার কধা যেন প্রভুর আইন-কানুনোত্ লেঘা আঘে সেবাবোত্যেগুরি তারা সিগুন উৎসর্ব গুরিবাত্তে গেলাক্।

রোমীয় 8:3

মান্‌জ্যর পাপ খাচ্চ্যদত্যে আইন-কানুনানি ভাঙি পোজ্জ্যে, আর সেনত্তে রীতি-সুদোমে যিয়েনি গুরি ন-পারে গোজেনে নিজে সিয়েনি গোজ্জ্যে। তে পাপ্‌পানি ধাবেবাত্যে নিজোর্ পাপ-নেইয়্যে পুয়োবোরে মান্‌জ্যর্ খাচ্চ্যত্ দিইনে পাধেই দিলো আর তা পুয়োবোর্ মরণর্ মাধ্যমে পাপর্ বিচের গুরিনে তা খেমতাগানরে বাদ দি দিলো।