লেবীয় 14:25 - Chakma Bible

²⁵ সেই উৎসর্বত্তে কাবি নেযেয়ে ভেড়াছাগল্লোর্‌ কিজু লো নেযেইনে ধর্মগুরুবো মানুচ্চোর্‌ ডেন্‌ কান পাদাত্‌ আর ডেন্‌ আঢর্ আর ডেন্‌ টেঙর্‌ বুজ্যে আঙুলোত্‌ লিবি দিবো।

লেবীয় 14:25 ပူးပေါင်းရင်းမြစ်များ

গীতসংহিতা 40:6

য়েমান আর অন্য উৎসর্ব তুই ন-চাজ্, পুজ্যে আর পাপ-উৎসর্বয়ো তর্ দরকার নেই; মাত্তর্ তর্ কধা শুনিবার কানান্ তুই মরে দুয়োচ্।

যাত্রা 29:20

পরেদি ভেড়াছাগল্লো কাবিনে সিবের্‌ কিজু লো নেযেইনে হারোণ আর তার্‌ পূঅগুনোর্‌ ডেন্‌ কানঅ পাদাত্‌ আর ডেন্‌ আত্‌ আর টেঙর্‌ বুজ্যে আঙুলোত্ লিবি দিবে। ইয়েন্‌বাদে আরঅ‌ কিজু লো নেযেইনে ডালিপূজোবোর্‌ চেরোকিত্তে ছিদি দিবে।

উপদেশক 5:1

গোজেন ঘরত্ যেবার অক্তত্ তঅ টেঙানি উজিয়ারে ফেলেচ্। যিগুনে নিজো অন্যেয়ানি ন-বুঝোন্ সে ভুল্ মানুচ্চুনো ধোক্ক্যেন্ উৎসর্বর অনুষ্ঠান গুরানাত্তুন্ বরং গোজেনর্ বাধ্য অনা গম্।

লেবীয় 14:26

তে তার্‌ বাঙ্‌ আঢ পাদাত্‌ কিজু তেল ঢালি নিবো আর ডেন আদর্‌ বুজ্যে আঙুল্লোর্‌ পরেদি আঙুল্লো দিইনে কিজু তেল তুলি লোইনে সাতবার্ সিয়েন্‌ লগেপ্রভু মুজুঙোত্ ছিদি দিবো।

লেবীয় 5:7

যুনি তে পাদি ভেড়াছাগল-ছঅ‌ আনি ন-পারে, ছালে তার্‌ সে অন্যেয়র্‌ জরিবানা ইজেবে লগেপ্রভুর্ নাঙে তাত্তুন্‌ দ্বিবে কঅ‌ ন-অলে দ্বিবে কোদোর্‌ আনা পুরিবো। সিগুনো ভিদিরে এক্কো অবঅ পাপ-উৎসর্বত্তে আর অন্যবো পুজ্যে-উৎসর্বত্তে।

লেবীয় 8:23

মোশি সেই ভেড়াবো কাবিলো আর সিবেত্তুন্‌ কিজু লো-লোইনে হারোণর্‌ ডেন্‌ কান পাদাত্‌ আর ডেন্‌ আঢ্ আর ডেন্‌ টেঙর্‌ বুড়ো আঙুলোত্‌ লাগেই দিলো।