লেবীয় 14:18 - Chakma Bible

¹⁸ আঢর্‌ বাদবাগি তেলান্‌ সে মানুচ্চোর্‌ মাদাত্‌ দিবো। ইঙিরিনে লগেপ্রভুর মুজুঙোত্ তে তার্‌ ফি-বলাগান্‌ নাঢি দিবো।

লেবীয় 14:18 ပူးပေါင်းရင်းမြစ်များ

যাত্রা 29:7

ইয়েনর্ পরেদি অভিষেকর্‌ তেলান্ তা মাদাবোত্‌ ঢালি দিইনে তারে অভিষেক্‌ গুরিবে।

লেবীয় 14:17

পরেদি তার্‌ আঢর্‌ বাদবাগি তেলত্তুন্‌ কিজু নেযেইনে তে মানুচ্চোর্‌ ডেন্‌ কান পাদাত্‌ আর ডেন্‌ আঢ আর ডেন্‌ টেঙর্‌ বুজ্যে আঙুলোত্‌ দুষ-উৎসর্বর লো-গান উগুরে লিবি দিবো।

লেবীয় 15:15

ধর্মগুরুবো সে দ্বিবেত্তুন্‌ এক্কো দিইনে পাপ-উৎসর্বর আর অন্যবোলোই পুজ্যে-উৎসর্বর্‌ অনুষ্ঠান গুরিবো। স্রাবর কারনে মানুচ্চোর্‌ যে ফি-বলা অবস্থা ওইয়ে তাত্তেই ধর্মগুরুবো ইঙিরিনে লগেপ্রভু মুজুঙোত তার্‌ ফি-বলাগান্‌ ঢাগি দিবার্‌ বেবস্থা গুরিবো।

লেবীয় 4:26

উদোলোলি-উৎসর্বর্ য়েমান তেল ধোক্ক্যেন গুরিনেই ইবের্‌ বেক্‌ তেলানি পূজোবো উগুরে পুড়ি ফেলা পুরিবো। এবাবোত্যেগুরি ধর্মগুরুবো সেই মুরুব্বীবোর্‌ অন্যেয়ানি ঢাগি দিবার্‌ বেবস্থা গুরিবো আর সেক্কে তারে ক্ষেমা গরা অবঅ।

লেবীয় 4:31

উদোলোলি-উৎসর্বর্ য়েমান্নোর্ তেলানি নিগিলাইদে ধোক্ক্যেন গুরি তে এই উৎসর্বর্ য়েমান্নোর্ বেক্‌ তেলানি নিগিলেইনে সিয়েনি পূজোবো উগুরে পুড়ি ফেলেব। ইয়েনর্ তুম্বাজে লগেপ্রভু হুজি অয়্‌। এবাবোত্যেগুরি ধর্মগুরুবো সে মানুচ্চোর্ অন্যেয়ানি ঢাগি দিবার্‌ বেবস্থা গুরিবো আর সেক্কে তারে ক্ষেমা গরা অবঅ।

লেবীয় 4:35

উদোলোলি-উৎসর্বর্ ভেড়াছাগলর্‌ তেলানি নিগিলাইদে ধোক্ক্যেন গুরি তে ইবের্‌ বেক্‌ তেলানি নিগিলেব। পরেদি লগেপ্রভুর্ নাঙে আগুন্দোই‌ গোজ্যে জিনিজো উগুরে এ তেলানিয়ো তে পূজোবো উগুরে পুড়ি ফেলেব। এবাবোত্যেগুরি ধর্মগুরুবো সে মানুচ্চুনোর্‌ অন্যেয়ানি ঢাগি দিবার্‌ বেবস্থা গুরিবো আর সেক্কে তারে ক্ষেমা গরা অবঅ।

লেবীয় 5:16

সেই শুদ্ধ-সাংগ জিনিজো পৌইদ্যেনে তে অন্যেয়্‌ গোজ্যে বিলি তাত্তুন্‌ এ ক্ষেদিপূরোণ্‌ দিয়্যে পুরিবো। ইয়েন্‌বাদে ভেড়াবোর্‌ দাম সমারে আরঅ্‌ পাঁচ ভাগর্‌ এক ভাগ্‌ দাম তাত্তুন্‌ ধর্মগুরুবো আঢত্ দিয়্যে পুরিবো। ধর্মগুরুবো সেই ভেড়াবো নেযেইনে দুষ-স্বীগেরর্ ডালি ইজেবে সিবে ডালিপূজো গুরি তার্‌ অন্যেয়ান্‌ নাঢি দিবার্‌ বেবস্থা গুরিবো আর সেক্কে তারে ক্ষেমা গরা অবঅ।

লেবীয় 8:12

পরেদি তে অভিষেগ-তেলান কিজু লোইনে হারোণর্‌ মাদা উগুরে ঢালি দিইনে তারে লগেপ্রভুর্ নাঙে ফারক গুরিবাত্তে অভিষেগ গুরিলো।

গণাণা 15:28

ভুল গুরিনে যে মানুচ্চো ইঙিরিনে অন্যেয় গুরিবো ধর্মগুরুবোত্তুন্‌ লগেপ্রভুর্ মুজুঙোত সে মানুচ্চোর্‌ অন্যেয়ানি ঢাগিবার বেবস্থা গরা পুরিবো। সেই অন্যেয়ানি ঢাগি দিয়া অলে পরেদি তারে ক্ষেমা গরা অবঅ।

ইব্রীয় 2:17

সেনত্যে যীশুত্তুন্ বেক্কানিন্দি তা ভেইয়ুনো ধোক্ক্যেন উয়ো পল্ল, যেনে তে এক্কো দোয়্যেলু আর বিশ্বেজি দাঙর্ ধর্মগুরু ইজেবে গোজেনর্ সেবা গুরি পারে। ইয়েনর উদ্দেচ্চ্যগান অলঅ, তে যেন নিজোর্ মরণানরে দিইনে মান্‌জ্যর পাপ্পানি দূর্ গুরিনে গোজেনরে হুজি গরে।