লেবীয় 13:57 - Chakma Bible

⁵⁷ মাত্তর্‌ সেই জিনিস্‌ছানত্‌ যুনি আরঅ‌ ফারাঙি দেগা যায় সালে বুঝো পুরিবো সিয়েন্‌ ছিদি পোজ্যে। সে ফারাঙি-ধোজ্যে জিনিস্‌ছান্‌ আগুন্দোই পুড়ি ফেলা পুরিবো।

লেবীয় 13:57 ပူးပေါင်းရင်းမြစ်များ

যিশাইয় 33:14

সিয়োনর পাপী মানুচ্চুনে অমকদ দোরেয়োন্; গোজেন উগুরে ভোক্তিনেইয়্যে মানুচ্চুনোর গির্‌গিরেনি ধোজ্যে। তারা কদন্, “আমা ভিদিরেত্তুন্ কন্না পুড়ি ফেলেয়্যে আগুনো সমারে থেই পারে? কন্না জনম্ ভরা জোল্যে আগুনো সমারে বজত্তি গুরি পারে?” ‌‌

লেবীয় 13:56

জিনিস্‌ছান্‌ ধনার্‌ পরেদি ধর্মগুরুবো যুনি দেগেদে, জাগায়ান্‌ রংমরা ওই যেইয়্যে সালে সে রংমরা জাগায়ান্‌ তাত্তুন্‌ ফাদি ফেলা পুরিবো।

লেবীয় 13:58

জিনিস্‌ছান্‌ ধনার্‌ পরেদি যুনি দেগা যায় ফারাঙিগান্‌ মিলে যেইয়্যে সালে সিয়েন্‌ আরঅ‌ ধোয়্‌ ফেলা পুরিবো, সেক্কে সিয়েন্‌ শুদ্ধো-সাংগ অবঅ।”

মথি লেখ্যে গম্ হবর্ 22:7

সেক্কে রাজার অমকদ রাগ্ উদিলো; সেনত্যে তে সৈন্য পাধেইনে সেই খুনীগুনোরে মারে ফেলেল আর তারা শঅরান্ পুড়ি দিলাক্।

মথি লেখ্যে গম্ হবর্ 25:41

পরেদি তে তার্ বাঙেদি মানুচ্চুনোরে কবঅ, ও অভিশাব্ পেইয়্যে মানুচ্চুন্, মত্তুন্ তুমি দূর্ অ। শদান্ আর তা দূত্‌তুনোত্তে যে উমর কালর্ আগুন যুক্কোল্ গরা ওইয়্যে সিয়েন ভিদিরে যঅ।

মথি লেখ্যে গম্ হবর্ 3:12

কুলোগান্ তা আঢত্ আঘে আর তার খেত্-খেত্তিগানি মাড়িবার জাগা তে গমে ডালে সাব্ গুরিবো। তে তার শোজ্যগানি তা গোলাঘরত্ থুবেব, মাত্তর্ যে আগুনান্ কনদিন্অ ন-মরে সে আগুনোত্ তুষ পুড়ি ফেলেব।”

দ্বি’লম্বর বিররণ 24:8

চামঅ পিড়ে দেগা দিলে তমাত্তুন্‌ উজিয়ার্‌ উয়া পুরিবো আর লেবীয় ধর্মগুরুগুনে যে উগুম দিবাক সিয়েনি দোলেডালে পালন গরা পুরিবো। মুই তারারে যে উগুম দুয়োং তমাত্তুন্‌ উজিয়ার্‌ ওইনে সেধোক্ক্যেনগুরি চলা পুরিবো।

ফগদাং পেইয়্যে 21:27

অসিজি কনঅ কিজু বা জঘন্য কাম গরে বা মিজে কধা কয় এমন কনঅ মানুচ্ সিয়েনত্ সোমেই ন-পারিবাক্; যিগুনোর নাঙানি ভেড়া-ছবোর্ জিংকানি বোইবোত্ লেগা আঘে তারা বানা সিয়েনত্ সোমেই পারিবাক্।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”