লেবীয় 12:6 - Chakma Bible

⁶ পূঅ বা ঝি জোর্মেবার্‌ পরেদি তার্‌ শুদ্ধো-সাংগ অবার্‌ আগর্‌ দিনুন্‌ কাদেই যানার্‌ পরেদি তাত্তুন্‌ মিলন-তাম্বুলো মুজুঙোত্ ধর্মগুরুগুনো ইদু পুজ্যে-উৎসর্বত্তে এক বোজোজ্যে এক্কো ভেড়া ছঅ‌ আর পাপ-উৎসর্বত্তে এক্কো কোদোর্‌ বা এক্কো কঅ নেযা পুরিবো।

লেবীয় 12:6 ပူးပေါင်းရင်းမြစ်များ

পত্থম 15:9

জোবত্‌ লগেপ্রভু কলঅ,“তুই মইধু এক্কো গরু ছঅ, এক্কো পাদি ছাগল ছঅ আর এক্কো পাদা ভেড়া আন্। সিগুনোর বেক্কুনোর্‌ বয়জ্‌ যেনে তিন বোজোজ্যে অয়। সে লগে এক্কো কঅ আর এক্কো কোদোর ছয়ো আন।”

লেবীয় 12:2

তুই ইস্রায়েলীয়গুনোরে কঅ, যুনি কনঅ মিলে পিদিলী অন্‌ আর তার পূঅ অন্‌ ছালে তে তার্‌ মাসিগোর্‌ সময়ো ধোক্ক্যেন ফিবলা অবঅ। তার্‌ এই ফিবলাগান্ সাত দিন সং চুলিবো।

লেবীয় 12:5

মাত্তর্‌ যুনি তার্‌ ঝি অয় ছালে তার্‌ মাসিগোর্‌ সময় মজিম্ তে ফিবলা অবঅ, মাত্তর্ তার্‌ এ ফিবলা অবস্থাগান দ্বিসাপ্তাহ্‌ থেবঅ। সে পরেদি তাত্তুন্‌ তার্‌ লো-পড়ানাত্তুন্‌ শুদ্ধো-সাংগ অবাত্তে ছয়ছোট্টি দিন বাজ্জেই থাহ্‌ পুরিবো।

লেবীয় 12:7

ধর্মগুরুবো সিগুন লগেপ্রভু মুজুঙোত্ উৎসর্ব গুরিনে সিবের্‌ ফিবলাগান্‌ ঢাগিবো, আর পরেদি তে তার্‌ লো-পড়ানার্‌ ফিবলা অবস্থাত্তুন্‌ শুদ্ধো-সাংগ অবঅ। ঝি-পূঅ জোর্মেবার্‌ পরেদি মিলেমানুচ্চুনোত্তে ইয়েন্‌ অলঅ সুদোম।

লেবীয় 15:14

আস্টো দিনোত্‌ তাত্তুন্‌ দ্বিবে কঅ ন-অলে দ্বিবে কোদোর্‌ নেযেইনে মিলন-তাম্বুল দোরান ইদু লগেপ্রভু মুজুঙোত্ এজা পুরিবো আর সিগুন্‌ ধর্মগুরুবো ইদু দিয়া পুরিবো।

লেবীয় 15:29

আস্টোদিনোত্‌ তাত্তুন্‌ দ্বিবে কঅ‌ ন-অলে দ্বিবে কোদোর্‌ লোইনে মিলন-তাম্বুল দোরান মুজুঙোত্ ধর্মগুরুবো ইদু যাহ্ পুরিবো।

গণাণা 6:10

আস্টো দিনোর্‌ দিন্নোত্‌ তাত্তুন্‌ মিলন-তাম্বুলোর দোরানত্‌ ধর্মগুরুগুনো ইদু দ্বিবে কঅ ন-অলে দ্বিবে কোদোর্‌ নেযা পুরিবো।

লূকে লেখ্যে গম্ হবর্ 2:22

পরেদি মোশির আইন-কানুন্ মজিম্ তারার্ সিজি অবার্ অক্ত অলঅ। সেক্কে যোষেফ আর মরিয়ম যীশুরে প্রভুর মুজুঙোত্ আজির্ গুরিবাত্তে তারে যিরূশালেম শঅরত্ নেযেলাক্,

যোহন 1:29

তার্ কেল্যে যোহনে যীশুরে তা নিজো ইন্দি এত্তে দেগিনে কলঅ, “উইয়োবু চঅ, গোজেনর্ ভেড়া ছবুয়ো, যিবে মান্‌জ্যর্ বেক্‌ পাপ্পানি দূর্ গরে।

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

ইব্রীয় 7:26

এবাবোত্যে এক্কো পবিত্র, দুষ্-নেইয়্যে আর খাটি ধর্মগুরু আমার দরকার এলঅ। তে পাপী মান্‌জ্যত্তুন্ জুদো আর গোজেনে তারে আগাজত্তুন্‌অ উগুরে তুল্ল্যে।