লেবীয় 10:12 - Chakma Bible

¹² মোশি পরেদি হারোণরে আর তার্‌ বাগি দ্বিবে পূঅ ইলীয়াসর আর ঈথামররে কলঅ, “লগেপ্রভুর্ নাঙে আগুন্দোই গোজ্যে উৎসর্বর্ ভিদিরেত্তুন শোজ্য-উৎসর্বর যে ভাগ্‌কান বাগি আঘে, সিয়েন তুমি পূজোবো ইদু নেযেইনে খঅ, মাত্তর্ সিয়েন সদাছাড়া খা পুরিবো। ইয়েন দাঙর্ পবিত্র জিনিস।

লেবীয় 10:12 ပူးပေါင်းရင်းမြစ်များ

২ বংশধর 31:14

মানুচ্চুনোরে নিজোর্‌ আওজে গরানা উৎসর্বর জিনিজোর্‌ ভারান্‌ এলদে পূগেন্দি গেদোর্‌ চুগিদার্‌-লেবীয় যিম্নার পুয়ো কোরির উগুরে। লগেপ্রভুরে দিয়্যে বেক্‌ বক্‌শিজ্‌ছানি আর দাঙর্‌ সুদ্ধো-সাংগ জিনিস্‌ছানি ভাগ গুরি দিবার্‌ ভারান্‌অ এলদে তা উগুরে।

ইষ্রা 7:5

বুক্কি অবীশূয়র পুয়ো, অবীশূয় পীনহসর পুয়ো, পীনহস ইলিয়াসরর পুয়ো আর ইলিয়াসরে এলদে আজল্ ধর্মগুরু হারোণর পুয়ো।

যাত্রা 29:2

সে পরেদি নিগুজ্‌ মোয়্‌দেলোই পিদে, তেল্‌ মিজেয়্যে পিদে আর তেল্‌ মিজেয়্যে কেক্‌ বানেবে। ইয়েনির্‌ এক্কানদ সদা ন-দিবে।

যাত্রা 29:33

তারারে ধর্মগুরুর্‌ কামত্‌ অদে অদে রাগেবাত্যে আর মঅ নাঙে তারারে ফারক্‌ গুরি নেযেবাত্তে যেদক্কানি উৎসর্ব গোজ্যে খানা পাপ ঢাগিবার কামত্‌ বেবহার্‌ গরা অবঅ‌ সিয়েনি হারোণ আর তার্‌ পূঅগুনোত্তুন্‌ খাহ্ পুরিবো। অন্য কনজনে সিয়েনি হেই ন-পারিবাক্, কিত্তে সিয়েনি পবিত্র হানা।

যাত্রা 6:23

হারোণ পূয়োগুন অলাক্ নাদব, অবীহূ, ইলিয়াসর আর ঈথামর। হারোণ অম্মীনাদব ঝি নহশোনর বোন ইলীশেবাররে লোইয়ে আর তা পেদত্‌ ইগুনোর্‌ জর্ম ওইয়্যে।

যিহিষ্কেল 44:29

তারা শোজ্য-উৎসর্ব, পাপ-উৎসর্ব আর দুষ-উৎসর্বর্ জিনিস হেবাক্; ইস্রায়েল দেজত্ লগেপ্রভুর নাঙে দিয়্যে বেক্ জিনিস্‌‌‌‌‌চানি তারার্ অবঅ; সিয়েনি ছাড়েই আনানা ন-যেবঅ।

লেবীয় 10:13

ইয়েন তুমি পবিত্র-তাম্বুল ঘরর্ চাগালাত্ নেযেইনে হেবা; লগেপ্রভুর্ নাঙে আগুন্দোই গোজ্যে উৎসর্বর এ ভাগ্‌কান্‌ তর্‌ আর তর্‌ পূঅগুনোর্‌ পাওনা; মুই এ উগুমান্‌ পেইয়োং।

লেবীয় 21:22

হালিক্ গোজেনর্‌‌ নাঙে উৎসর্ব গোজ্যে হানা ভিদিরে পবিত্র আর দাঙর্‌ পবিত্র বেক্‌ হানাগানি তে হেই পারিবো,

লেবীয় 24:9

এই রুটি হারোণ আর তার পূঅগুনে পবিত্র তাম্বুল-ঘরর্‌ চাগালাত্‌‌ হেবাক্, কিত্যে লগেপ্রভুর্ নাঙে আগুন্দোই-গোজ্যে উৎসর্বর জিনিজো ভিদিরে ইবে এক্কো দাঙর্‌ পবিত্র জিনিস্। ইবে তারার্‌ নিত্য পাওনা।”

লেবীয় 7:9

দাঙর্‌ চুলোত্‌ সিক্ক্যা অথবা কোড়েয়েত্‌ বা তাবাত্‌ ভাজেয়ে শোজ্য-উৎসর্বর্ জিনিস্‌ সেই ধর্মগুরুবোর্‌ পাওনা অবঅ যে তেয়ই শোজ্য-উৎসর্বর্‌ অনুষ্ঠানান্‌ গুরিবো।

গণাণা 3:2

হারোণর পূঅগুন অলাক নাদব, অবীহূ, ইলীয়াসর আর ঈথামর। ইগুনো ভিদিরে নাদবে এলঅ দাঙর্‌বো। ধর্মগুরু ইজেবে খেমতা দিইনে ইগুনোরে সেবা-কামত্‌ লাগেই দিয়া ওইয়্যে।