আবিলেচ্ 5:21 - Chakma Bible

^21-22 ও লগেপ্রভু, যুনি তুই আমারে এক্কুবারে এলাফেলা ন-গুরি থাচ্, যুনি তুই আমা উগুরে অমকদ বেজার্ ন-ওই থাচ্, সালে তইদু আমারে ফিরেই নেযা যেনে আমি ফিরি এই পারিই; আমা পুরোণি অবস্থাগান্ ফিরেই দে।

আবিলেচ্ 5:21 ပူးပေါင်းရင်းမြစ်များ

১ রাজাবলী 18:37

ও লগেপ্রভু, মরে জোব্‌ দে, জোব্‌ দে, যেনে এ বেক্‌ মানুচ্চুনে হবর্ পান্‌, ও লগেপ্রভু, তুয়ই গোজেন আর তুয়ই তারার্‌ মনানি ফিরেই আন্যচ্‌।”

গীতসংহিতা 80:19

ও বেগত্তুন্ খেমতাবলা লগেপ্রভু গোজেন, তুই আগ অবস্তাদ আমারে ফিরেই নেযা; তর্ দোয়্যে-মেয়্যেগান পহ্‌র্ ধোক্ক্যেন আমা উগুরে পোড়োক্, আমি সেক্কে উদ্ধোর্ পেবং।

গীতসংহিতা 80:3

ও গোজেন, তুই আগ অবস্তাদ আমারে ফিরেই নেযা; তর্ দোয়্যে-মেয়্যেগান পহ্‌র্ ধোক্ক্যেন গুরি আমা উগুরে পোড়োক্, আমি সেক্কে উদ্ধোর্ পেবং।

গীতসংহিতা 80:7

ও বেগত্তুন্ খেমতাবলা গোজেন, আমারে তুই আগ অবস্তাদ ফিরেই নেযা; তর্ দোয়্যে-মেয়্যেগান পহ্‌র্ ধোক্ক্যেন আমা উগুরে পোড়োক্, আমি সেক্কে উদ্ধোর পেবং।

গীতসংহিতা 85:4

ও আমা উদ্ধোর গুরিয়্যে গোজেন, তুই আমারে আগ অবস্তাদ ফিরেই আন; আমা উগুরে তর্ বেজার্ অনাগান তুই থামা।

যিশাইয় 60:20

তঅ বেলানে আর কনদিন্অ ন-ঢুবিবো, তঅ চানানেয়ো আর চিগোন ওই ন-যেবঅ। লগেপ্রভু অবঅ তর্ জিংকানিবরর্ পহ্‌র;‌‌‌‌‌‌‍‍ তর্ আবিলেচর দিনুন্ থুম্ অবঅ।

যিরমিয় 30:20

তারার পুয়ো-ছাগুন আগ দিনো ধোক্ক্যেন অবাক্, আর মঅ মুজুঙোত্ তারার সমাজ্‌সো থিদেবর্ অবঅ। যিগুনে তারারে অত্যেচার গুরিবাক্ মুই তারারে সাজা দিম।‌‌‌‌

যিরমিয় 31:18

মুই ঘেচ্চেকগুরি ইফ্রয়িমর এই নরম রবো শুন্যং, তুই মরে অবাধ্য গোরু ছঅ ধোক্ক্যেন গুরি শাজন্ গোজ্যস্, আর সিয়েনর ফলে মুই সাজা পেইয়োং। মরে ফিরে, সেক্কে মুই ফিরিম, কিত্তে তুয়ই মর্ গোজেন লগেপ্রভু।

যিরমিয় 31:4

ইক্কিনে তে কোইয়্যেদে, “ও গাবুরী ইস্রায়েল, মুই তরে আরঅ শিগেইনে তুলিম, সেক্কে তুই আরঅ কাবিল্ ওই উদিবে। তুই আরঅ তর্ ঝোন্‌‌‌ঝোনি নিবে আর ফুত্তিগুরিয়্যেনোর লগে নাজিবাত্তে যেবে।

যিরমিয় 33:10

“তুমি এ জাগান পৌইদ্যেনে কোই থাগঅ, ‘ইয়েন এক্কান ফেলা যেইয়্যে ভূই; ইয়েনত্ মানুচ্ বা য়েমান কিচ্চু নেই।’ মাত্তর্ যিহূদার যে শঅরানি আর যিরূশালেমর যে পথ্‌তানি খালি পড়ি আঘে, সিয়েনত্ মানুচ্ বা য়েমান বজত্তি ন-গরন সিয়েনত্ আরঅ ফুত্তি আর হুজির্ রঅ বা নেগ-মোগোর্ রঅ শুনো যেবঅ; যিগুনে লগেপ্রভুর ঘরত্ ভালেদি উৎসর্বত্তে জিনিস আনিবাক্ তারার্ রঅগুনো শুনো যেবঅ। তারা কবাক্, ‘বেগত্তুন্ খেমতাবলা লগেপ্রভুরে সাধুবাদ্ দুয়ো, কিত্তে লগেপ্রভু মংগলময়, তার অমকদ কোচ্‌‍‍‍পানা জিংকানিবরত্তে থিদেবর্।’ আগ ধোক্ক্যেন মুই এ দেজর্ অবস্থাগান ফিরেম্।

যিরমিয় 33:13

অজল্ আর নিজো মুড়োমুড়ি চাগালার বেক্ আদাম আর শঅরত্, বিন্যামীন চাগালাত, যিরূশালেমর চেরোকিত্তে চাগালাত্ আর যিহূদার আর নেগেভর বেক্ আদামানি আর শঅরত্ যিগুনে ভেড়াগুনোর সংখ্যেগুন গুণোন তারার আঢ তলেদি আরঅ ভেড়া পালুন যানা-এযানা গুরিবাক্। মুই লগেপ্রভু এ কধাগান কঙর্।”

যিহিষ্কেল 36:37

সে পরেদি প্রভু লগেপ্রভু মরে কোইয়্যেদে, “মুই আর একবার ইস্রায়েল জাদরে মইধু কোজোলী গুরিবাত্তে কোম্ আর তারার্ কোজোলী মজিম্ মুই ভেড়া পাল ধোক্ক্যেন তারার মানুচ্চুনোরে গুণি ন-পুড়েইয়্যে গুরিম।

হবক্‌‌‌‌কূক 3:2

ও লগেপ্রভু, মুই তঅ কাম কধা শুনিনে দোরেলুং। ও লগেপ্রভু, আমা সময়োত্ সিয়েনি তুই আরঅ গর্; আমা সময়োত্ তুই সিয়েনি দেগা। রাগর্ সময়োত্ তুই মেয়্যে গুরিবার কধা ভুলি ন-যেচ্।

মালাখি 3:4

সেক্কে আগ দিনো ধোক্ক্যেন্ গুরি, পুরোণি দিনো ধোক্ক্যেন গুরি যিহূদা আর যিরূশালেম মানুচ্চুনোর উৎসর্বর জিনিজে লগেপ্রভুরে হুজি গুরিবো।